2015 jylǵy 25 aqpan, Astana qalasy
Janýarlardy eriksiz jáne jartylaı erikti jaǵdaılarda ustaý qaǵıdalaryn bekitý týraly
«Janýarlar dúnıesin qorǵaý, ósimin molaıtý jáne paıdalaný týraly» Qazaqstan Respýblıkasynyń 2004 jylǵy 9 shildedegi Zańynyń 9-babynyń 1 tarmaǵynyń 69) tarmaqshasyna sáıkes buıyramyn:
1. Qosa berilip otyrǵan Janýarlardy eriksiz jáne jartylaı erikti jaǵdaılarda ustaý qaǵıdalary bekitilsin.
2. Qazaqstan Respýblıkasy Aýyl sharýashylyǵy mınıstrliginiń Orman sharýashylyǵy jáne janýarlar dúnıesi komıteti zańnamada belgilengen tártippen:
1) Qazaqstan Respýblıkasynyń Ádilet mınıstrliginde osy buıryqtyń memlekettik tirkelýin;
2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde onyń kóshirmesin merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberilýin;
3) osy buıryqty Qazaqstan Respýblıkasy Aýyl sharýashylyǵy mınıstrliginiń ınternet-resýrsynda ornalastyrýyn qamtamasyz etsin.
3. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Mınıstrdiń mindetin atqarýshy S.OMAROV
Qazaqstan Respýblıkasy Aýyl sharýashylyǵy mınıstrdiń mindetin atqarýshy
2015 jylǵy 25 aqpandaǵy № 18-03/125 buıryǵymen bekitilgen
Janýarlardy eriksiz jáne jartylaı erikti jaǵdaılarda ustaý qaǵıdalary
1. Jalpy erejeler
1. Osy Janýarlardy eriksiz jáne jartylaı erikti jaǵdaılarda ustaý qaǵıdalary «Janýarlar dúnıesin qorǵaý, ósimin molaıtý jáne paıdalaný týraly» Qazaqstan Respýblıkasynyń 2004 jylǵy 9 shildedegi Zańynyń 9-babynyń 1 tarmaǵynyń 69) tarmaqshasyna sáıkes ázirlendi jáne janýarlardy eriksiz jáne jartylaı erikti jaǵdaılarda ustaý tártibin aıqyndaıdy.
2. Osy Qaǵıdalarda mynadaı negizgi uǵymdar paıdalanylady:
1) janýarlardy eriksiz jaǵdaılarda ustaý – janýarlardy torlarda, sharbaqtarda, akvarıýmdarda, terrarıýmdarda, basseınderde jáne basqa da arnaýly úı-jaılarda ustaý;
2) janýarlardy jartylaı erikti jaǵdaılarda ustaý – janýarlardy tabıǵı mekendeý ortasyna jaqyn jaǵdaılarda ustaý.
3. Janýarlardy eriksiz jáne jartylaı erikti jaǵdaılarda ustaýǵa:
1) sharýashylyq maqsattarda (ańshylyq jáne balyq aýlaý obektilerine jatpaıtyn janýarlardy);
2) ǵylymı, mádenı-aǵartý, tárbıe jáne estetıkalyq maqsattarda;
3) olardyń tynys-tirshiliginiń paıdaly qasıetteri men ónimderin;
4) ósimin molaıtý maqsatynda paıdalaný úshin júzege asyrylady.
2. Janýarlardy eriksiz jáne jartylaı erikti jaǵdaılarda ustaý tártibi
4. Jabdyqtalǵan torlardy, akvarıýmdardy, terrarıýmdardy, basseınderdi, sharbaqtardy jáne basqa da arnaýly ýchaskeler men (nemese) úı-jaılardy (budan ári – úı-jaılar) qosa alǵanda, janýarlardy ustaý úshin jaǵdaılar bolǵan kezde olar eriksiz jáne jartylaı erikti jaǵdaılarda ustalady.
5. Eriksiz nemese jartylaı erikti jaǵdaılarda ustalatyn janýarlar túrine, jynysyna, fızıologııalyq jaı-kúıine baılanysty ózderiniń bıologııalyq erekshelikterine sáıkes:
1) demalý, oryn aýystyrý jáne tabıǵı qalpyn qabyldaý múmkindigi úshin keńistik kólemimen (inder, uıalar, jasyryn baspanalar, qalqalar, toǵandar);
2) qajet bolǵan jaǵdaıda olardyń qozǵalý, uıyqtaý, tabıǵı belsendilik tanytý, tabıǵı ortamen baılanys jasaý, qorektený jáne sý ishý qajettiligin qanaǵattandyrý múmkindigimen;
3) astaýlarmen, sýattarmen, qustar kelip qonatyn syryqtarmen jáne olardyń tabıǵı qajettilikterin qanaǵattandyrýǵa arnalǵan jabdyqtarmen;
4) jem-shóppen jáne ishetin sýmen;
5) zootehnıkalyq jáne veterınarııalyq is-sharalarmen qamtamasyz etiledi.
6. Eriksiz jaǵdaıda ustalatyn janýarlar:
1) úı-jaıdy tynys-tirshilik ónimderinen tazartý júıesimen;
2) úı-jaıdy las aýany syrtqa shyǵaryp, jeldetý jáne sýdy aerasııalaý júıesimen, artyq sýdy aǵyzyp jiberetin jabyq drenaj júıelerimen qamtamasyz etiledi.
7. Eriksiz jáne jartylaı erikti jaǵdaılarda ustalatyn janýarlarǵa kútim jasaý basqa janýarlarǵa zııan keltirmeýdiń aldyn alý sharalary qoldanylyp jáne qyzmet kórsetetin personal men kelýshilerdiń qaýipsizdik jaǵdaılary qamtamasyz etile otyryp júrgiziledi.
8. Úı-jaılar ońaı ashylatyn qulyptarmen, ilmektermen oqshaýlaý qurylǵylarymen, olardyń ózdiginen ashylyp ketip, janýarlardyń úı-jaıdan tysqary jerlerge ketip qalýyna jol bermeıtin bekitkishtermen jabdyqtalady.
9. Akvarıým áınekterin qabyrǵalarǵa, temir jáne metall jaqtaýlarǵa jumsaq amortızator tósemderimen ornatylady.
10. Terrarıýmdarda tamashalaý terezeleri synbaıtyn shynydan nemese basqa da synbaıtyn móldir polımer materıaldardan jasalady.
11. Torlar, basseınder jáne sharbaqtar, úı-jaılardyń ishki jáne syrtqy qorshaýlary janýarlardyń ómiri men saýlyǵyna tıis.
Buıryq Qazaqstan Respýblıkasynyń Ádilet mınıstrliginde 2015 jylǵy 1 sáýirde Normatıvtik quqyqtyq kesimderdi memlekettik tirkeýdiń tizilimine №10602 bolyp engizildi.