QARAǴANDY. 18 mamyr. Qaraǵandyda ústel tennısinen ótip jatqan Qazaqstan chempıonatynda komandalyq saıystyń úzdikteri anyqtaldy. Bul týraly oblystyq dene shynyqtyrý jáne sport basqarmasynyń baspasóz qyzmetine silteme jasaǵan egemen.kz tilshisi habarlady.
Qyzdar arasyndaǵy synda birinshi júldeni Qaraǵandy oblysynyń komandasy jeńip aldy. Ekinshi júldege Almaty qalasynyń ujymy ıe bolsa, Qostanaı jáne Batys Qazaqstan oblystarynyń komandalary qola júldeni qanaǵat etti.
Al erler arasynda altyn medaldi Almaty qalasynyń komandasy ıelense, ekinshi júlde Shyǵys Qazaqstan oblysynyń tennısshilerine buıyrdy. Qola júlde Pavlodar jáne Aqtóbe oblystarynan kelgen sportshylardyń qanjyǵasynda ketti.
Endigi kezekte tennısshiler jekeleı synda tartysqa túsedi. Chempıonat 22 mamyr kúni aıaqtalady.
Qaırat Ábildınov.
Derek, foto: Qaraǵandy oblystyq dene shynyqtyrý jáne sport basqarmasynyń baspasóz qyzmeti.