Táýelsizdik aksııasy aıasynda

Atyraý qalasynyń turǵyny S.Izmaılova, Temirtaý qalasynyń tur­ǵyny Q.Júnisuly, Almaty oblysy­nyń turǵyny N.Júnisov óz hatta­ryn­da referendým ótkizý jónindegi jalpyulttyq bastamany biraýyzdan qoldaıtyndyqtaryn bildirgen. Qazirde respýblıka boıyn­sha el táýelsizdiginiń 20 jyl­dy­ǵyna oraı «20 qaıyrym­dy­lyq is» aksııasy ótkizilip jat­qany belgili. Jýyrda atalǵan ak­sııa aıasynda ıadrolyq synaq aımaǵyna alystaǵy Amerı­ka­nyń Solt-Leık-Sıtı qala­sy­nan gýmanıtarlyq kómek retinde 250 múgedekter arbasy, baldaqtar men aıaq arbalar (hodýnoktar) jetkizildi. Osy bir ıgilikti sharaǵa Al­matydaǵy «Ulaǵatty otba­sy» qoǵamdyq qory sebepshi boldy. Bularǵa Semeıde turatyn ózi múgedek, ári áreń sóıleıtin Nı­kıta degen jas jetkinshek óleńmen ótinish joldaǵan eken. Buǵan álgi tilegin kompıýtermen terý de ońaıǵa túspepti. Sony estip, bularmen habar­lasqan almatylyqtar Semeıde mundaı múgedek jandar kóp ekendigin biledi. Bul habardy qulaǵy shalǵan «Istok» qoǵam­dyq birlestigindegiler de ıgi sharadan syrt qalmapty. Al sondaı qaıyrymdylyq sharasyn jerine jetkizýdi ame­rı­kalyq Djek pen Pamela Sho­lar degen erli-zaıyptylar da óz moıyndaryna alady. Bu­lar 10 balasy, 23 nemere-shó­be­resi bar úlken áýlet kórinedi. Alystaǵy Amerıkadan jetkizilgen álgindeı úlken syı­lyq­tyń jalpy quny 36 myń dol­lardy quraıdy. Ol ıadro­lyq synaq aımaǵyndaǵy eldi me­kender men aýdan, qalalar­daǵy aýrýhana, jedel járdem, onkologııalyq dıspanser, qart­tar men múgedekter úıine qa­jetine qaraı on-jıyrmadan bólinipti. Solaısha táýelsizdik merekesi qarsańynda mundaǵy múgedek jandar ózderine kór­setilip jatqan qamqorlyqqa dán rıza bolyp jatyr. Dáýlet SEISENULY, Semeı.