Úkimet pen esep komıtetiniń esebi tyńdaldy

Májilistiń Qarjy jáne bıýdjet komıtetiniń uıymdastyrýymen Úkimettiń 2015 jylǵy respýblıkalyq bıýdjettiń atqarylýy týraly esebi men Úkimettiń esebine qorytyndy bolyp tabylatyn Esep komıtetiniń esebi tanys­tyryldy. Tusaýkeserge palata Tóraǵasynyń orynbasary Gúlmıra Isimbaeva qatysyp, sharany komıtet jetekshisi Gúljan Qaraqusova júrgizip otyrdy. Qarjy mınıstri Baqyt Sultanov óz sózinde bylaı dedi: «Respýblıkalyq bıýdjetke 2015 jyly 6 251,1 mlrd. teńge tústi. Bul – jospardyń 105,6%-y. 2015 jylǵy respýblıkalyq bıýd­jettiń shyǵystary 99,8%-ǵa nemese 7 163,2 mlrd. teńge somasynda atqaryldy. 2014 jylmen salystyrǵanda shyǵystar 93,5 mlrd. teńgege ósti. Shyǵystar salasynda bıýdjet saıasatynyń basymdyǵy áleýmettik mindet­temelerdi birinshi kezekte qarjy­landyrýǵa berildi. 2015 jylǵa arnalǵan respýblıkalyq bıýdjette kózdelgen zeınetaqylar, áleýmettik járdemaqylar men bıýdjettik sala qyzmetkerlerine jalaqy tóleý ýaqtyly jáne tolyq kóleminde qarjylandyryldy». B.Sultanov, sondaı-aq, áleý­mettik salaǵa arnalǵan shyǵys­tar 2 819,3 mlrd. teńgeni qur­a­ǵanyn atap kórsetti. 2015 jyly respýblıkalyq bıýdjettiń shy­ǵys­tarynda olardyń úlesi ósip, 39,4% boldy. Bul rette 2015 jyly bilim berýge – 444,0 mlrd. teńge, densaýlyq saqtaýǵa – 657,5 mlrd. teńge, áleýmettik kómekke – 1 612,7 mlrd. teńge, mádenıetke, sportqa, týrızm men aqparattyq keńistikke 105,0 mlrd. teńge jumsaldy. Áleýmettik shyǵystarmen qa­tar bıýdjet shyǵyndarynyń joǵa­ry deńgeıi ınfraqurylymdyq jáne ındýstrııalyq jobalarǵa, aýyl sharýashylyǵyn damytý­ǵa týra keledi. Máselen, turǵyn úı-kommýnaldyq sharýashylyqqa – 256,0 mlrd. teńge, otyn-energetıka keshenine jáne jer qoı­naýyn paıdalanýǵa – 79,9 mlrd. teńge, aýyl, sý, orman, balyq sharý­ashylyǵyna jáne qor­sha­ǵan ortany qorǵaýǵa – 240,8 mlrd. teńge, ónerkásip, sáýlet, qala qurylysy jáne qurylys qyz­metine – 13,8 mlrd. teńge, kólik jáne kommýnıkasııaǵa 525,6 mlrd. teńge jumsaldy, dedi Qarjy mınıstri. Esep komıtetiniń múshesi Jan­seıit Sársenqulov óz sózinde 2015 jyly respýblıkalyq bıýd­jettiń atqarylýyn baǵalaýdyń negizgi qorytyndylaryna toq­taldy. Úkimet respýblıkalyq bıýdjet túsimderi boıynsha naqty­lan­ǵan josparly parametr­ler men shyǵystar boıynsha min­det­temelerdi oryndaǵanyn atap ótti. Sonymen birge, onyń aıtýyn­sha, respýblıkalyq bıýdjet parametrleriniń birneshe már­te naqtylanǵanyna jáne tú­zetil­genine qaramastan, res­pýb­­­­lıkalyq bıýdjettiń ıgeril­me­gen qarajatynyń somasy 7,8 mlrd. teńgeni, tıimsiz paıda­la­­nyl­­­ǵany 459,2 mlrd. teńgeni quraǵan. Budan basqa, ol 2015 jyly Esep komıteti 4,9 trln. teńge mólsherindegi bıýdjet qarajaty men memleket aktıvterin qamtı otyryp, 27 baqylaý is-sharasyn júrgizgenin habarlady. Somasy 1,6 trln. teńgege qarjylyq buzý­shylyqtar anyqtalǵan, bul 2014 jylmen salystyrǵanda, 2,6 esege kóp. Qalpyna keltirýge jatatyn 185,7 mlrd. teńgeniń merzimi kelgen 135,4 mlrd. teńgesi nemese 70 paıyzdan astamy ótelipti. «Prosestik sheshimder qabyldaý úshin quqyq qorǵaý organdaryna 40 baqylaý materıaly jiberildi. Esepti kezeńde 75 zańdy tulǵa jáne 66 laýazymdy adam ákimshilik jaýaptylyqqa, 271 laýazymdy adam tártiptik jaýaptylyqqa tartyldy», – dep málimdedi J.Sársenqulov.