965 myń adam azamattyq aldy
Aqordada Memlekettik hatshy Gúlshara Ábdiqalyqovanyń tóraıymdyǵymen Prezıdent janyndaǵy Azamattyq máseleler jónindegi komıssııanyń kezekti otyrysy ótti. Onda Qazaqstan azamattyǵyn alý jónindegi máseleler qaraldy.
Otyrysty ashqan Memlekettik hatshy táýelsizdik jyldary 965 myń adam azamattyq alǵanyn jáne bul elimizdiń Elbasynyń basshylyǵymen qol jetkizgen tabystarynyń aıshyqty aıǵaǵy ekenin atap ótti.
«Qazirgi tańda Qazaqstan azamattyǵyn alýǵa ótinish berýshilerdiń sany artyp keledi. Biz ondaı azamattarǵa barlyq jaǵdaıdy jasaýymyz kerek. Barsha qazaqstandyq óz qatarynyń tolyqqanyna erekshe qýanady. Biz azamattyq alǵandar elimizdiń odan ári damýyna óz úlesterin qosatynyna senim bildiremiz», – dedi G.Ábdiqalyqova.
Sonymen qatar, jıyn barysynda Memleket basshysy tıisti Jarlyqqa qol qoıǵan soń alys jáne taıaý shetelderden kelgen túrli ulttyń 819 ókili Qazaqstan azamaty atanatyny belgili bolady. Odan bólek, komıssııa otyrysynyń qorytyndysy boıynsha tıisti sheshimder men usynymdar qabyldandy.
Elaman QOŃYR,
«Egemen Qazaqstan»