Elbasy Nursultan Nazarbaev Ulttyq bank tóraǵasy Danııar Aqyshevti qabyldady, dep habarlady Prezıdenttiń baspasóz qyzmeti.
Kezdesý barysynda Memleket basshysy Ulttyq banktiń 2015 jylǵy esebin tyńdady.
Nursultan Nazarbaev ınflıasııa úderisterin jyl aıaǵyna deıin turaqtandyrý, ulttyq valıýtanyń aıyrbas baǵamynyń kúrt aýytqýyna jol bermeý jáne ekinshi deńgeıli bankterdiń ekonomıkany nesıelendirýin qamtamasyz etý qajettigin aıtty.
D.Aqyshev ótken jyldyń Qazaqstan ekonomıkasy úshin ońaı bolmaǵanyn, soǵan baılanysty aqsha-nesıe saıasaty túbegeıli ózgertilgenin atap ótti. Bul rette 2016 jyly valıýta, aqsha jáne jalpy qarjy naryǵynda turaqtaný nyshany baıqalyp otyr. Ulttyq bank tóraǵasy orta merzimdi kezeńde el turǵyndary men kásiporyndary úshin oń nátıjeler, sonyń ishinde nesıeleýdiń jandanýy kútilip otyrǵanyna nazar aýdardy.
Memleket basshysy kezdesý qorytyndysy boıynsha birqatar naqty tapsyrma berdi.
Sýretti túsirgender
S.BONDARENKO, B.OTARBAEV