Jýyrda Jambyl oblystyq qazaq drama teatry el Táýelsizdiginiń 25 jyldyǵyna jáne óner shańyraǵynyń 80 jyldyq mereıtoıyna oraı shyǵarmashylyq elordada esep berdi.
Teatrdyń gastroldik qoıylymdary Jastar teatrynda kórsetildi. Qala qonaqtary Jambyl teatry qoıǵan Qazaq handyǵynyń qurylý tarıhy baıandalatyn Q.Ysqaq pen Sh.Qusaıynovtyń «Qazaqtar» tarıhı dramasyn erekshe yqylaspen tamashalady.
Týǵan el men týǵan jerdi qorǵaý ıdeıasyn nasıhattap, jas urpaqqa patrıottyq tárbıe berý maqsatynda sahnalanǵan Á.Faızýllaulynyń «Altyn adam» ańyz-ertegisi astanalyq jastar men kishkentaı búldirshinderdiń kóńilinen shyqty.
Ásirese, atalmysh teatrdyń áıgili kompozıtor Sh.Qaldaıaqovtyń ómir jolynyń kópshilikke beımálim tustary men tylsym sátteri sýretteletin I.Saparbaıdyń «Syǵan serenadasy» mýzykalyq dramasyn kórermen qaýym rızashylyqpen jyly qabyldap, jambyldyq ártisterdiń ónerine tánti boldy. Kórermen kózaıymyna bólenip, kópshilik kóńilinen shyqqan teatr ujymyna Mádenıet jáne sport mınıstriniń, sondaı-aq Astana Jastar teatrynyń Alǵys hattary tabys etildi.
«Egemen-aqparat»