Almatydaǵy Ýnıversıada

FISU tarıhyndaǵy eń úzdik oıyndar bolmaq Bul kúnderi Almatyda áne-mine degenshe jetip keletin Ýnıversıadaǵa qarqyndy qurylys, qyzý daıyn­dyqtar jumysy júrip jatyr. Aldaǵy aıtýly oqıǵaǵa oraı Almaty qalasynda Halyqaralyq stýdentter sporty federa­sııasy (FISU) delegasııasynyń ınspektorlyq sapary ótti. FISU keńesi 2017 jylǵy qysqy Ýnıversıada nysandarynyń daıyndyǵyn baqylap, qysqy oıyndardy uıymdastyrý komıtetiniń departament qyzmetkerlerimen jumys barysyndaǵy kezdesýler ótkizdi. 2017 jylǵy qysqy Ýnıver­sıadany uıymdastyrý jáne ót­kizý jónindegi dıreksııa dırektory Áset Ábdýálıevtiń aıtýyn­sha, jarysqa daıyndyq pen ony ót­kizý boıynsha 800 úrdisten tu­ratyn fýnksııalyq jospar ázir­lengen. Onyń ishinde akkredıtteý, sporttyq servıs, brendıng, oıyn keıpi, eriktilerdi daıyndaý, tasymaldaý, medısınalyq qamtý, taratý, tamaqtaný, jarııalanymdar, ashylý jáne jabylý saltanattaryn ótkizý jáne delegasııalarǵa qyz­met kórsetý, taǵysyn-taǵylar bar. – Osyndaı jaǵdaıda FISU-dyń halyqaralyq sarapshylarynyń kómegi asa qajet. О́ıtkeni, Qazaq­stan­dy eń iri sporttyq sharany nátı­jeli ótkizý mindeti kútip tur. Ýnı­versıada – ulttyq joba, ol 1000 jyldyq tarıhy bar Alma­tynyń atyn álemge tanytyp, tý­rıs­tik áleýetin arttyrady, – deıdi Áset Ábdýálıev. Almatyǵa birinshi ret kelip otyrǵan FISU vıse-prezı­den­ti ári Baqylaý keńesiniń tór­aǵasy Marıan Dymalskı sapar barysynda Uıymdastyrý komıtetimen mańyzdy kezdesýler ótkenin málimdeı kele, Uı­ym­dastyrý komıtetiniń esebin tyń­dap, basqosýlarǵa kóńili tolǵanyn aı­ta kele, meniń osy sapardan al­ǵan birinshi áserim óte joǵary dedi. Sol sııaqty Qysqy ýnıversıa­dalar FISU dırektory Mılan Av­gýstın, oıyndarǵa daıyndyq bel­gilengen ýaqyt boıynsha jú­rip jatqanyn tilge tıek etti. Son­­daı-aq, Ýnıversıadaǵa daı­yn­­­­dyq kezinde alǵa qoıylǵan maq­sattardyń barlyǵy úlken nátıje berý kerektigin atap ótti. «2017 jylǵy Ýnıversıadaǵa qatysýǵa nıet bildirgen 60-tan astam memleket jarystyń uıym­dastyrý komıtetine rıza bolady degen senimdemiz. Qazaqstan – álem halqyna tek bıznespen emes, sporttyq jetistikterimen de jaqsy tanys. Bul elde Olımpıada jeńimpazdary men júldegerleri jetkilikti. Meniń oıymsha, Qazaq­stan Ýnıversıadany óz deńgeıinde, sátti ótkizedi. FISU tarıhynda  Al­maty Ýnıversıadasy eń sátti ári ozyq bolady dep senemiz», – dedi Qysqy ýnıversıadalar dırektory Mılan Avgýstın. Budan bólek, bul kúnderi FISU ókilderi Ýnıversıada nysan­da­ry­nyń alańdaryn qarap kórdi. Atap aıtsaq, 12 myńdyq Muz saraıy, 3 myńdyq Muz arenasy jáne Atletıkalyq qalashyq. Sondaı-aq, jarys ótetin – Balýan Sholaq atyndaǵy sport saraıy, «Cuńqar» halyqaralyq shańǵymen tramplınnen sekirý kesheni, «Medeý» muz aıdyny, «Shymbulaq» taý shańǵysy kýrorty, «Alataý» shań­ǵy-bıatlon stadıony jáne t.b. Trentınodaǵy 2013 jylǵy qys­qy Ýnıversıadanyń sporttyq dırektory Ýbaldo Prýker Alma­tyda ótetin Ýnıversıadanyń bar­­lyq nysandary anyqtalǵan, qu­ry­lys júrip, jaryqtandyrý ja­ǵy jaqsartylyp jatqandyǵyna toq­taldy. – Bul – óte mańyzdy. Qazirgi tańda dalada ótetin sport túrle­rine kóńil bólý kerek. О́ıtkeni, bul sport túrleri aýa raıyna baǵy­nyshty, sonymen qatar, jaryqtandyrýdy talap etedi. Ýnı­­versıadadan keıin artynan mura qaldyrý jáne tájirıbe jı­naqtaý maqsatynda qolushyn berip jatqan Qazaqstan sport qaýym­dastyqtaryna alǵysymdy bil­diremin, – dedi halyqaralyq ke­ńesshi. Atletter qalashyǵyndaǵy «Pı­ramıda» ǵımaratyndaǵy akkredıtteý ortalyǵy sportshylar men resmı ókilder úshin óte yńǵaıly bolatynyn FISU dırektory Loran Brıel de atap ótti. Qysqasy, Halyqaralyq stý­dentter sporty federasııa­sy (FISU) delegasııasynyń ıns­pek­tor­lyq saparynyń ókilderiniń pikirine qaraǵanda, Almatydaǵy Ýnıversıada FISU tarıhyndaǵy eń úzdik oıyndar bolmaq. Aınash ESALI, «Egemen Qazaqstan» ALMATY