Jańa dáýir jaýapkershiligi

Kókshetaýda «Nur Otan» HDP Aqmola oblystyq fılıalynyń HII esep berý-saılaý konferensııasy bolyp ótti. Forým jumysyna jetekshi partııa Tóraǵasynyń birinshi orynbasary Nurlan Nyǵmatýlın, Parlament depýtattary qatysty. Konferensııada Qazaqstan Pre­zıdenti Nursultan Nazarbaevtyń óki­­lettigin 2020 jyldyń 6 jel­toq­sanyna deıin uzartýǵa qatys­ty referendým ótkizý bastamasyn qoldaý, «Nur Otan» partııasynyń jańa baǵdarlamasyn talqylaý má­seleleri qaralyp, Aqmola ob­lystyq fılıa­ly­nyń esepti ke­zeń­degi jumysy qo­rytyndy­lan­dy jáne alǵa qoıyl­ǵan maqsattar aıqyndaldy. «Nur Otan» HDP Aqmola oblystyq fılıalynyń tóraǵa­sy, oblys ákimi Sergeı Dıachenko óz baıandamasynda esepti kezeń el damýy men Qazaqstan azamattarynyń ómirindegi asa mańyzdy memlekettik jáne  qo­ǵamdyq-saıası oqıǵalarǵa toly bolǵandyǵyn atap kórsetti. – Bizdiń Otanymyz partııa je­tekshisi, Tuńǵysh Prezıdentimiz Nursultan Ábishuly Nazar­baevtyń kóregendik saıasaty ná­tı­jesinde álemdik daǵdarys zar­daptaryn eńserip, demokratııa­lyq memleket qalyptastyrý­da­ǵy eren qabiletin dáleldeı bildi, – dedi ol. – Ult jetekshisiniń bıik bedeli men dıplomatııalyq talantynyń arqasynda álemniń barynsha damyǵan 56 mem­le­keti­niń basyn qosyp otyrǵan iri ha­lyqaralyq uıym – EQYU-ǵa tóraǵalyq tabysty aıaqtalyp, Astana sammıtinde arnaıy Deklarasııa qabyldandy. Jetekshi partııanyń belsendi qa­tysýymen Elbasy ókilettigin uzar­tý jónindegi referendým ótkizý aksııa­sy qyzý óris aldy. Aqmolalyqtar búkil qazaqstandyqtar sııaqty  bas­ta­many qoldap, Ortalyq saılaý ko­mıssııasyna 310 myńnan astam qol jınalǵandyǵy týraly derek berdi. Bul shara jalǵasyn tabýda. Halyq­tyq múddeni ulyqtaıtyn bastamany «Nur Otan» partııasy óziniń basty maqsaty sanaıtyny málim. Oblystyq partııa uıymy óńir­diń ekonomıkalyq-áleýmettik da­mýy­­na elýli úles qosyp otyr. Baıandamashy ótken jyly óner­kásip kásiporyndary  daǵdarysty tolyq toqtatyp, turaqty jumys istegenin osymen baılanystyr­dy. Indý­s­trııa­lyq-ınnovasııalyq údemeli damý baǵdarlamasy sheń­berinde 15 joba júzege asyrylsa, taǵy da 6 joba tabysty jalǵasyn tabýda. Sońǵy jyldary aýyldar men qalalar­daǵy áleýmettik ın­fra­qurylym­dar qarqyndy da­my­dy. Jurtshy­lyq, ásirese, shal­ǵaı aýyldardaǵy qoǵamdyq monsha, shashtaraz, tigin she­­berhana­lary­nyń, mádenıet oshaq­tarynyń, mek­tepter men balalar baqshasynyń kóptep ashyl­ǵan­dyǵyna rızashy­lyq bildirýde. Jaryssózge qatysqan par­tııa­nyń Arshaly aýdandyq fı­lıaly­nyń tóraǵasy, aýdan ákimi Ermek Marjyqbaev, oblystyq fılıal saıa­sı keńesiniń múshesi, egindikól­dik kásipker Maqsat Serikbaev, Býrabaı aýdany «Jas Otan» jastar qanaty­nyń jetekshisi Iаkov Sterlıgov, A.Myr­zahmetov atyn­daǵy ýnıversıtet rektorynyń keńesshisi Ǵalym Bekmaǵambetov jáne Selınograd aýdandyq ardagerler keńesiniń tór­aǵasy Amankeldi Áshirov kún tár­tibindegi máseleler boıynsha jurt­shy­lyqqa oı salar pikirlerimen, naqty usynystarymen bólisti. «Nur Otan» HDP Tóraǵasy­nyń birinshi orynbasary Nurlan Nyǵmatýlın konferensııada ob­lystyq fılıaldyń jalpy ju­my­syna oń baǵasyn berdi. Konferensııada «Nur Otan» HDP Aqmola oblystyq fılıa­ly­nyń tóraǵalyǵyna oblys áki­mi S.A.Dıachenko qaıta saılandy. Baqbergen  AMALBEK, Aqmola oblysy.

Partııa sapynda memlekettik qyzmetker nege az?

«Nur Otan» HDP Aqtóbe oblystyq fılıalynyń HII esep berý-saılaý konferensııasy ótti. Onda fılıal saıası keńesiniń eseptik kezeńdegi jumysy qorytyndylanyp, «Nur Otan» HDP 2020 jylǵa deıingi baǵdarlamasy talqylandy. Jıynda partııa fılıalynyń tóraǵasy, saıası keńestiń jáne baqylaý-tekserý komıssııasynyń jańa quramy men «Nur Otannyń» HIII sezine oblystyq partııa uıymynan delegattar saılandy. Konferensııaǵa «Nur Otan» HDP janyndaǵy Jemqorlyqqa qar­sy kúres uıymdastyrý ke­ńesi­­niń tóraǵasy, Senat depý­taty Oral­baı Ábdikárimov, «Nur Otan» HDP saıası keńesi bıýrosynyń múshesi, Má­jilis depýtaty Nurtaı Sá­bılıa­nov, oblys ákimi Eleýsin Sa­ǵyn­dyqov, partııa fılıalynyń mú­she­leri qatysty. «Nur Otan­nyń» ob­lystyq fılıalynyń tóraǵasy Bal­ǵalı Ordabaev ótken jyldyń qo­rytyndylary týraly baıandady. – «Nur Otan» – halyq senimi­ne ıe bolǵan elimizdegi eń úlken saıası kúsh. Qazir quramymyzda 32 674 adam bar, eseptik merzimde partııa músheligine 7797 adam qabyldan­dy. Alaıda, bizdiń maqsatymyz – partııa quramynyń sanyn ǵana art­tyrý emes, sapasyn da jaqsar­tý. Jetistikterimiz barshylyq, kem­­shi­lik­terimiz de joq emes, sol kem­shi­likterdiń sebebin anyqtap, partııa jumysyn ońaltýǵa bar kúshi­mizdi salýǵa tıispiz. Partııa qura­myn art­tyrý baǵytynda memlekettik me­ke­melerdiń bólimderi men bas­qar­malaryndaǵy partııalyq uıym­dar nashar jumys jasady deýge bolady, olar óz jumys­ta­ry­na endi-endi ǵana belsendi kirise basta­ǵandaı. Memlekettik qyzmet­ker­ler qatarynda da nurotandyq­tar tym az, mysaly, qazir 16 324 memlekettik qyzmetker jumys jasap jatqan bolsa, sonyń bar bolǵany 2697-si ǵana bizdiń par­tııa­myz­dyń múshesi. Qatarymyzda sha­ǵyn jáne orta kásipkerler de az. Mine, bas­taýysh uıymdar men fılıal­dary­myz­dyń eń birinshi qolǵa ala­tyn jumystary osylar, – dedi B.Ordabaev. Ol, sonymen qatar, partııanyń bastaýysh uıymdary AZF, temir jol basqarmasy, Dóń ken baıytý kom­bınaty, AZHS, oblystyq aýrýhana, qala emhanalary jáne joǵary oqý oryndarymen burynǵy­dan da góri tyǵyz jumys jasaýy qa­jettigin tilge tıek etti. Partııalyq-saıası oqý, saıası keńes otyrystary, ashyq qo­ǵam­dyq qabyldaýlar men partııa fı­lıalynyń aqparattyq-na­sıhattyq ju­mystary týraly áńgimeledi. Sheshen «Jas Otan» jastar qa­na­t­y­nyń jumysy týraly da sóz qozǵady. Al esep berý-saılaý kon­fe­ren­sııasynda sóz alǵan jergilikti «Jas Otannyń» atqarýshy hatshysy Ásel Bólekova aqtóbelik jasotandyqtar­dyń eki jyl qatarynan «Úzdik fılıal» atanǵanyn maqtanyshpen jetkizdi Biraq, dedi ol, kemshilikter de bar. Suraq týyndaıdy: jumys jos­pary, júıelik kestesi jáne par­tııa fı­lıalyna uqsas kúnde­likti uıym­das­tyrý­shylyq jumy­sy bar saıası jastar uıymynda shtattyq birlik bolmasa, tıimdi jumys qaıdan keledi? Oblystyq fılıal janynan bólim nemese aýdandardan shtattyq birlik qurýdy jón sanaımyz. Sonda ǵana «Jas Otan» tolyq kúshinde jumys jasaı alady. Taǵy bir máse­le – kadrlar turaqtamaıtyny, bizde da­ryndy jastar kóp, biraq túrli sebeptermen biz olardy uzaq ýaqyt ustaı almaımyz, ekinshiden, jas kóshbasshynyń jumysyna ar­nal­­ǵan ádistemelik nusqaýlyq joq, al bul máseleler tıptik is-shara­lar­­dyń ótkizilýine ákelip soqtyrady. Konferensııa barysynda par­tııa fılıalynyń baqylaý-tekserý komıssııasynyń tóraıymy U.Mamenova, fılıal janyndaǵy par­tııa­lyq baqylaý komıtetiniń tór­aǵasy Ǵ.Nuryshev, Aqtóbe obly­sy ákiminiń orynbasary R.Kemalova, Aqtóbe kólik, kommýnıkasııa jáne jańa tehnologııalar kol­ledji jastar isi jónindegi komıtetiniń tóraǵasy B.Qaýmeshov sóz sóıledi. Konferensııany oblys ákimi Eleý­sin Saǵyndyqov qorytyn­dylady: – «Nur Otan» partııasy – Elbasy Nursultan Nazar­baev­tyń sarabdal saıasaty men ıdeıa­sy mańyna halyqty toptas­tyra bilgen uıymdastyrýshy organ, alyp saıası kúsh. El­basyn, onyń bas­tamalaryn qol­daımyz. Qazir­gi bizdiń jetken je­tistikteri­miz­diń barlyǵynda par­tııa­lyq uıym­nyń zor úlesi bar dep to­lyq senimmen aıta alamyn. Bul konferensııa óte mazmundy bol­dy, – deı kele, E.Saǵyn­dyqov oblys ekonomıka­syndaǵy jetken jetistikter tý­ra­ly biraz áńgimeledi. Konferensııa sońynda partııa fılıalynyń tóraǵasy, saıası ke­ńes­tiń jáne baqylaý-tekserý ko­mıs­sııasynyń jańa quramy men «Nur Otannyń» HIII sezine ob­lys­tyq partııa uıymynan delegattar saılandy. Partııa fılıalynyń tóraǵasy bolyp Balǵalı Ordabaev qaıta saılandy. «Senimderińizdi aq­taýǵa tyrysamyn», –dedi ol. Satybaldy SÁÝIRBAI, Meıramgúl SATAEVA, jýrnalıst.

Kemshiliksiz  kemeldený  joq

О́skemende «Nur Otan» halyqtyq-demokratııalyq partııasy Shy­ǵys Qazaqstan oblystyq fılıalynyń esep berý-saılaý kon­feren­sııasy ótti. Onyń jumysyna «Nur Otan» HDP hatshysy N.S­.Gromov, Parlament Májilisiniń depýtaty B.Tileýhan, Shyǵys Qazaq­stan ob­ly­synyń ákimi jergilikti fılıal tóraǵasy Berdibek Saparbaev qatysty. Kún tártibindegi máseleler bo­ıynsha Berdibek Máshbekuly baıan­­dama jasady. Sońǵy eki jyl­da ha­lyqpen bite qaınasyp ketken «Nur Otan» partııasy músheleri­niń sa­ny 7 myńǵa artyp, bul kúnderi Kendi Altaıda olardyń sany 66 532 adamǵa jetti dedi baıanda­ma­shy. Bir qaraǵanda, jaman kórset­kish emes sııaqty. Biraq, oblysta 1,5 mıllıonǵa jýyq adam turaty­nyn eskersek, azdaý kórinedi. Son­dyqtan bastaýysh uıymdar bul baǵytta óz jumystaryn shırata túskenderi jón. B.Saparbaevtyń baıandama­syn­­da kemshilikter az aıtylǵan joq. О́z qatarlaryn senimdi kadrlarmen tolyqtyryp otyrýda «átte­gen-aılar» bar, jarǵy tártibin buzýshylyq Abaı, Borodýlıha já­ne Kókpekti aýdandarynda oryn alǵan. Sonymen birge, Rıdder, Zyrıan qalalarynda da at­qaratyn is bastan asady. Keıbir aýdandardaǵy partııa belsendileri bilimderi men bilikterin jetildirý máselesine de salǵyrt qaraıdy. De­mek, partııa músheleri qara­paıym adamdarmen tyǵyz jumys jasap, olardyń áleýmettik máse­le­lerin sheshýge belsene aralas­qandary jón. Budan keıin baıandamashy ob­lys­tyń ekonomıkalyq jaǵdaıy jaıly habardar etti. Esepti kezeń ishinde oblysta bir trıllıonnan as­tam teńgeniń ónimderi shy­ǵa­ryl­­ǵan. Tek ónerkásip boıynsha 624 mıl­lıard teńgeniń, al aýyl sharýa­shylyǵy boıynsha 151 mıllıard teń­geniń ónimderi óndirilipti. О́ki­nish­ke qaraı, azyq-túlik baǵasy­nyń ósip ketýine kezinde toqtaý sala almadyq. Qazir jer-jerdegi par­tııa bastaýysh uıymdarynyń bel­sen­di­leri baǵa saıasatyn durys­taýǵa belsene aralasqandary kerek. «Jol kartasy» boıynsha ob­lysta sońǵy eki jylda qyrýar ister tyndyryl­dy, dedi B.Saparbaev. «Bizdiń oblystyq bastamashy top elimizdiń Tuńǵysh Prezıdenti N.Nazarbaevtyń ókilettigin uzar­tý jóninde referendým ót­kizý bas­tamasyn kótergeni belgili. Ken­di Altaı jurtshylyǵy El­basynyń qamqorlyǵy men kó­me­gin únemi kórip keledi. О́ńir­degi tústi me­tallýrgııanyń alyp­tary «Qaz­my­rysh», «О́skemen tıtan-mag­nıı kom­bınaty» jáne «Úlbi me­tallýr­gııa kombınaty» AQ-tary sııaqty alyptardyń «ekinshi tynysyn» ash­qan Nursultan Ábish­uly. Endeshe, Elbasyn qol­daýǵa shaqyra­myn», – dedi fılıal tóraǵasy. Baıandamashy memlekettik jastar saıasatyn júzege asyrý boıynsha «Nur Otan» partııasy múshelerine naqty mindetter júktedi. Jaryssózge shyqqandar kún tár­tibindegi máselelermen qatar, el Prezıdenti N.Nazarbaevtyń óki­­lettigin 2020 jylǵa deıin uzar­­tý boıynsha referendýmdy qoldaý jóninde pikirlerin bildirdi. «Nur Otan» HDP hatshysy N.Gromov jınalǵandar aldynda sóz alyp, alda turǵan mindetterge toqtaldy. Konferensııada par­tııanyń oblystyq fılıaly­nyń tóraǵasy bolyp B.Saparbaev biraýyzdan qaıta saılandy. Partııa sezine delegattar saılandy. Ońdasyn ELÝBAI, О́skemen.