Tarıh syryn shertken

Qazaq handyǵynyń 550 jyldyǵyna arnalǵan «Qazaq eli» atty qazaq mýltıplıkasııasy tarıhyndaǵy tuńǵysh tolyq metrajdy anımasııalyq fılminiń tusaýkeseri ótti. Týyndyny alǵashqy kórer­menderi retinde Astana qala­synyń balalar úıi men az qam­tylǵan otbasylardyń balalary shaqyrylǵan. Jastarǵa patrıottyq tár­bıe berý men olardyń azamat retinde qalyptasýyna yqpal etý – qazirgi tańda asa ózekti mánge ıe. О́z Otanyńdy qasterleý jáne oǵan degen kiriksiz, adal sezim jeke adamnyń áleýmettik, rýhanı, ımanı jáne dene tárbıesi turǵysynan da damýyna úlken serpin beredi. Patrıotızm ege­mendi Qazaqstannyń jalpy­ulttyq muratynda mańyzdy oryn alady. Osy maqsatty oryndaý úshin «SAQ-dala» kınostýdııasy Mádenıet jáne sport mınıstrliginiń tapsyrysy boıynsha osy týyndyny jaryqqa shyǵaryp otyr. О́ziniń mańyzdylyǵy ja­ǵy­nan aıryqsha «Qazaq eli» anımasııalyq fılmi bolashaq handar Jánibek pen Kereıdiń balalyq shaǵy men eseıý jyldary týraly baıandaıdy. Kar­tınada bas keıipkerlerdiń shaıqastyń aıla-tásilderin, ǵylymdy qalaı meńgergenderi jáne bostandyq pen táýel­sizdik úshin kúres jolyn­da Qazaq eliniń basyn qa­laı biriktirgendigi jaıly áńgimelenedi. Mýltfılmniń kadrlarynda shetsiz-sheksiz qazaq dalasy, zańǵar taýlar jáne Syǵanaq, Otyrar, Taraz ben Túrkistan sekildi ejelgi qalalar beınelengen. Jobaǵa tanymal otandyq ǵalymdar men jazýshylar atsalysqandyqtan, fılm tarıhı aıǵaqtarmen órilip, balalarǵa túsinikti tilde je­ńil ári qyzyqty oqıǵalar arqyly qamtylyp kórsetiledi. Anımasııalyq fılmniń bas keńesshisi Arystanbek Mu­hamedıuly, tarıh ǵalym­dary­nyń doktory, professor Jambyl Artyqbaı jáne jazýshy, kınodramatýrg Dýlat Isabekov. Bas keıipkerlerdi Ǵ.Músirepov atyndaǵy Qazaq Memlekettik akademııa­lyq balalar jáne jasóspirim­­der teatrynyń, sondaı-aq J. Sha­­­nın atyndaǵy Ońtústik Qazaqstan oblystyq qazaq drama teatrynyń ártisteri dybystaǵan. Fılmniń saýnd­trek­terin Nurlan Abdýllın, Sáken Maıǵazıev syndy basqa da tanymal qazaqstandyq án­shiler oryndaǵan. Kartınanyń jasalýynda 2D jáne 3D-tehnologııalar paıdalanyldy. Atalmysh jobaǵa 60-tan asa adam ju­myldyrylǵan eken. Týyn­dynyń bas prodıýseri Sábıt Ábdiqalyqovtyń pikirinshe, qazaqstandyq ártister ta­rıhı tulǵalarǵa tán beıneni dú­nıege ákelý úshin aıanbaı eńbek etti. «Qazaq eli» atty tuń­ǵysh tarıhı-anımasııalyq fılmi jalpyulttyq prokatqa shyqty. Raýan QAIDAR, «Egemen Qazaqstan»