QOSTANAI. 20 mamyr. Oblystyń Taran aýdanynda taǵy bir qus fabrıkasynyń qurylysy josparlanyp otyr. Bul týraly oblystyq aýyl shraýashylyǵy basqarmasynyń baspasóz qyzmetine silteme jasaǵan egemen.kz tilshisi habarlady.
Qazir jobanyń smetalyq qujattary «Kazagrofınans» aksıonerlik qoǵamynda qaralýda. Eger ol qarjylandyrylatyn bolsa, kelesi jyly qus fabrıkasynyń qurylysy bastalmaq. Jobanyń birinshi satysynda óndiris jylyna 5 myń tonna broıler qus etin beretin bolady. Ol úshin 4 mıllıard teńge ınvestısııa salynady. Al ekinshi kezeń 2018 jylǵa josparlanǵan. Onda qus fabrıkasynyń et óndirý qýattylyǵy jylyna 20-25 myń tonnaǵa jetedi.
Munymen qosa, ınvestory belgili bolǵan Komsomol qus fabrıkasynyń da taǵdyry sheshilmek. Bolashaq joba «Altyn qanat 2050» dep atalatyn bolady. Fabrıkany qalpyna keltirip, óndiriske qosqanda jylyna 12,5 myń tonna qus etin beretin bolady. Bul úshin 3 mıllıard teńge ınsvestısııa bólinedi. Qarjynyń basym bóligi qaryzǵa alynbaq. Búginde ınvestorlar tıisti qujattaryn «Kazagrofınans» aksıonerlik qoǵamyna qaraýǵa berdi.
Názıra Járimbetova.
Derek, foto: egemen.kz.