AQSh jýrnalısi qazaq jerine osyndaı baǵa berdi
Qazaq jeri – shabandozdardyń mekeni. Ony Amerıkanyń National Geographic jýrnalynyń fotoreporteri jáne Western Horseman basylymynyń redaktory Raıan Bell ózderindegi baıaǵy Jabaıy batys atanǵan aımaqtarǵa qatty uqsatady.
Muhıt asyp kelgen jýrnalıst jaqynda Pavlodar memlekettik ýnıversıtetinde bolǵanynda óz ómiriniń basty máni men negizgi qumarlyǵy jylqy ekenin ashyp aıtypty. Ýnıversıtet saıtynyń jazýyna qaraǵanda, Bell Ulttyq geografııalyq qoǵam fotograftary sheńberinde jylqy degen janýardyń naǵyz bilgiri sanalady. Sondyqtan, onyń Qambar ata urpaǵynyń tynys-tirshiligi jaıly fotoreportajdar konkýrstarynda ylǵı Gran-prı jeńip alyp júrýi bir jaǵynan zańdylyq ta bolyp tabylady.
Amerıkalyq meıman Qazaqstanda jylqynyń qatty qadirlenetinin, onyń qasıetteri týraly únemi aıtylyp otyratynyn kórgende, qatty qaıran qalǵanyn jasyrmaı aıtypty. Ol sonymen birge ózi turatyn Montana shtatyndaǵylardyń da jylqyny qatty qurmetteıtinin, biraq onyń etin jemeıtinin jetkizipti. Degenmen, qonaq qazaqtardyń kóshpendiler retindegi ejelgi qundylyqtarynyń bárin jaqsy baǵalaıtynyn aıta kelip, sonyń ishinde ulttyq taǵamdary men tamaqtaryn da unatyp qalǵanyn bildiripti.
Raıan Belldiń pikirinshe, qazir búkil álemge áıgili bolyp otyrǵan kovboılyq, ıaǵnı shabandozdyq ári atbegilik óner óziniń bastaýyn tap osy qazaq dalasynan alady. Ol kezinde jylqylardyń kóshpendiler besigi – uly saharanyń qatal tabıǵat jaǵdaıynda adamǵa naǵyz serik bolǵanyn aıtyp otyr.
Murat AITQOJA