ASTANA. 21 mamyr. Pákistannyń soltústiginde iri jol apatynan 10 adam qaza taýyp, 18 jolaýshy túrli deńgeıde jaraqat aldy. Bul týraly RIA «Novostı» aqparat agenttigine silteme jasaǵan egemen.kz tilshisi habarlady.
Nasırabad qalasyna taıaý jerdegi Djang okrýgynda jolaýshylar avtobýsy men júk kóligi soqtyǵysty. Zardap shekkender aýrýhanalarǵa jetkizildi. Jol apaty neden bolǵany ázirge belgisiz. Qazir oqıǵa ornynda tergeý amaldary júrip jatyr.
Málimetter boıynsha, Pákistanda jylyna ortasha eseppen sanaǵanda 9 myń jol-kólik oqıǵasy saldarynan 5 myńǵa jýyq adam opat bolady. Apattyń sebepteri negizinen júrgizýshilerdiń jol erejesin durys saqtamaǵandyqtan tirkeledi.
Aıan Ábdýálı.
Derek, foto: RIA «Novostı».