ARMYSYŃ, AQ AZIADA!

Erteń elordadaǵy «Astana-Arena» stadıonynda VII Qysqy Azııa oıyndarynyń jalaýy kóteriledi

Almaty jáne Azıada

Almaty qalasynyń ákimi Ahmetjan Esimovpen áńgime

– Qurmetti Ahmetjan Smaǵululy, Azıada kezinde kóptegen sheteldik mártebeli meımandar keleıin dep otyr ǵoı. Solarǵa arý qala Almatymyzdy qalaı sıpattap tanystyrar edińiz? Búgingi Almaty degenimiz ne, ózindik dara qasıetteri jáne el ómirindegi mán-mańyzy qandaı? – Eń aldymen, bizdiń Almatymyz Ala­taýdyń baýraıyn jaılaǵan álemniń asa kó­rik­ti qalalarynyń biri. San alýan sulý ta­bıǵat aıasy men týrıstik marshrýttar onyń tartymdylyǵyn arttyra túsken. О́tken jyly dúnıe júziniń ýrbanıstıka salasyn­daǵy jetekshi ǵalymdary sha­hary­myzdyń myń jyldyǵyn aıǵaqtaǵan qarar qabyldady. Qalanyń kóz tartar kórikti oryndary­nyń qatarynda VII Qysqy Azııa oıyn­dary ótetin biregeı sport keshenderi – bıik taýly «Medeý» muz aıdyny men «Shym­bulaq» taý shańǵysy kýrortyn aldymen aıtar edik. Memleket basshysy Nursultan Nazarbaev Almatyny el táýelsizdiginiń besigi dep ata­dy. Almaty táýel­siz Qazaqstannyń tuńǵysh astanasy. Búginde arý qala eldiń qoǵamdyq-saıası jáne mádenı ómiriniń ortalyǵy bolyp qalyp otyr. – VII Qysqy Azııa oıyndaryn Al­ma­ty­da ótkizý jóninde sheshim qa­byl­daýǵa yq­pal etken negizgi sebepterdi aı­typ ótseńiz? – «Medeý» jáne «Shymbulaq» sııaqty biregeı sporttyq nysandaryn jáne tabı­ǵı-rekreasııalyq áleýetin eskere otyryp Azıa­dany ótkizý qurmeti áýel basta Al­maty qalasyna tıgen bolatyn. Árıne, bul rette megapolıstiń halyqaralyq stan­dart­tarǵa saı keletin damyǵan ınfra­qurylymy az ról atqarmaǵany anyq. Almatyda Azııa oıyndaryn ótkizý maq­sa­tynda halyqaralyq federasııa álemdegi eń tańdaýlynyń biri dep tanyǵan orasan zor shańǵymen tuǵyrdan sekirý kesheni, shańǵy jáne bıatlon stadıondary salyn­dy, sondaı-aq Balýan Sholaq atyndaǵy Sport saraıy, Almatynyń injý-marjany – «Medeý» muz aıdyny jáne jer-jahanǵa tanymal «Shym­bu­laq» taý shańǵysy ký­ror­ty bastan-aıaq tanymastaı jańartyl­dy. Keleshekte «Shym­bulaǵymyz» álemniń asa iri taý shańǵysy kýrorttarynyń al­ǵash­qy ondyǵyna kirmek, al Almaty qala­sy álemdik deńgeıdegi servısi bar, segiz qıyr shartaraptan týrıster qabyl­daýǵa qa­bi­letti Ortalyq Azııadaǵy birden-bir oryn bolmaq. Elıta-sanatty Mariot, Holiday Inn, Radisson, Rixos, SAS Medeu, Kempinski Bayterek, Tulip syndy qonaq úılerdiń, son­daı-aq kólik jáne turǵyn úı ınfraqury­lymy nysandarynyń bolýy, buǵan qosa utymdy jaǵrapııalyq ornalasýy megapolısti asa iri tranzıttik torapqa, toqsan taraý­dyń toǵysyna aınaldyra almaq. Keıinirek Azıadany elordada da ót­kizý jóninde sheshim qabyldandy. Buǵan Astanada respýblıkalyq velotrek, konkımen júgire­tin jabyq stadıon jáne basqalary syndy birqatar nysandardyń bolýy áser etti. Árıne, olardy Almatyda qaıtadan salý qısynǵa kelmeıtin. – Sporttyq nysandardy salýmen jáne jańalaýmen qandaı kompanııalar aına­lysty? Osynshalyqty qyrýar jumysqa qansha qarjy jumsaldy? – Almatydaǵy sporttyq nysandar memleket pen ınvestorlardyń qoldaýy arqasyn­da qalanyń óziniń, respýb­lıka­nyń Týrızm jáne sport mınıstrliginiń kúshimen saly­nyp, jańalandy. K-125, K-95 halyqaralyq shańǵymen tu­ǵyr­dan sekirý kesheni – qys pen jazda birdeı jumys isteıtin áleýmettik-mádenı mándegi biregeı qurylys. Onyń 5500 kó­rer­men oryn­dyq minberli jáne keshen­niń batys betkeıindegi terrasaly osyzaman­dyq kópsalaly ǵı­ma­raty, sondaı-aq zamanaýı medıa-ortalyǵy bar. Álemde naq osyndaı tuǵyrdan sekirý keshenderi birnesheý ǵana. Biraq bizdiń keshen­niń bir ózgesheligi sonda, ol 125 jáne 95 metrlik eki sekirý tuǵyrynyń basyn qosqan. Shań­ǵymen tuǵyrdan sekirý keshenin halyq­ara­lyq bedeldi sarapshylar men sport ókil­deri tehnıkalyq sıpattama­lary, sáý­leti já­ne tabıǵı jaǵdaılary boıynsha álem­degi eń tańdaýlynyń biri dep tany­dy. Qu­rylysqa tapsyrys bergen Almaty qala­synyń qury­lys basqarmasy. Merdigeri «Tólqurylys» JShS, jobalaýshysy «Danstroı» AQ boldy. Joba quny 22 mlrd. teńgege teń. Bıik taýly «Medeý» sporttyq kesheninde asa zamanaýı avtomatty tońazyt­qysh jabdyq, tablo ornatyldy. Dabyl belgisi, aqparattan­dyrý jáne qaýipsizdik júıeleri jańartyldy, kóshe jaryǵyn jáne jarys kezindegi arnaıy projek­tor­lardy energııamen qamtý jóninde aýq­ym­dy jumystar atqaryldy. Mundaǵy plas­tık otyrǵyshtar aǵash otyrǵyshtarmen aýystyryldy, minber astyndaǵy oryn­jaı­lar jóndeldi. Nysannyń energııamen jab­dyq­talýy jańadan salynǵan «Medeý» kishi stansasyna qosyldy. Qoǵamdyq orynjaılar, sonyń ishinde baspasóz ortalyǵy, kópshilik syrǵanaq tebý dálizjaıy, murajaı, sportshylardyń kıim aýystyratyn orny, dárigerlik kómek orta­lyǵy, sportshylar men kelýshiler tynyǵa­tyn bólme jańartyldy. Sondaı-aq, keshen aýmaǵy abattandyryldy. Alań óńirlik jáne halyqara­lyq deńgeıdegi sporttyq sharalar­dy, konkımen júgirý, bendı, hokkeı boıyn­sha jattyǵý­lar ótkizýge ábden laıyqtaldy. Jobanyń jal­py quny 10,2 mlrd. teńgeni qurady. Osy oraıda qala qurylys basqar­masynyń tapsyrysyn «Rıan Injınırıng» JShS oryndady. Azıada qarsańynda ınvestor «Kapıtal Partners» JShS «Medeý-Shymbulaq» taý shańǵysy kýrorty jónindegi asa iri taǵy bir jobany aıaqtady. Bul aradaǵy merdiger – «Shymbulaq development» JShS. Endi tó­men­degi «Medeý» beketinen «Shymbulaqta» or­nalasqan aspaly jol­dyń joǵarǵy núkte­sine jaıly kabınamen 20 mınótte jetýge bolady. Bul uzyndyǵy jóninen álemdegi ekinshi aspaly jol. Onyń jalpy uzyndyǵy tórt jarym shaqyrym. 114 kabınamen 8 jo­laý­shydan otyryp saǵatyna eki myń adamǵa deıin tasymaldanady. Osy keremet aspaly jol qurylysyna 10,4 mlrd.teńge jumsaldy. Tynyǵýshylarǵa yńǵaıly bolý úshin aspaly joldyń basynda 150 jáne 850 oryn­dyq jer asty jáne jer betindegi avtotu­raqtar jasaldy. «Shymbulaqta» kórermen­der úshin minber turǵyzylyp, bet­keılerdi jasandy qarlandyrýǵa da­ıyn­daý jónindegi jumystar júrgizildi. Munda Azıada sheńberinde shańǵymen qul­dılaý jáne slalom-gıgant boıynsha ja­rys­tar ótedi. Bul degenińiz, Azıadanyń ma­ńyz­dy nysany ǵana emes, sonymen birge Al­ma­tydaǵy týrızmdi damytýǵa arnalǵan, aby­roıymyzdy asqaqtata túser joba. Bul álem­dik standarttar deńgeıinde qyzmet kórse­tetin Ortalyq Azııadaǵy birden-bir oryn. Balýan Sholaq atyndaǵy Sport sa­ra­ıy­­nyń birinshi kezegi aıaqtaldy. Ja­ńa­la­ǵan­nan keıin Saraıdyń syıymdylyǵy 4500 adamǵa deıin ulǵaıdy. Saraı arena­sy ámbebap. Sporttyń muz aıdynyndaǵy túrlerinen bó­lek, munda basqa da áralýan jarystar ótki­ziletin bolady. Osyǵan oraı aqparattyq tablo, álsiz tokty ınjenerlik baılanys jú­ıe­­leri, sondaı-aq habarlaý men qaýipsiz­diktiń sońǵy júıeleri ornatylǵan. Joba­lyq quny 14,3 mlrd. teńgeni quraǵan jumys­tardy Týrızm jáne sport mınıstrliginiń tapsyrysy boıyn­sha «SEF» kompanııasy oryndap shyq­ty. Qazirgi ýaqytta jobanyń ekinshi kezegi – jattyǵý stadıony men jer asty avtotura­ǵynyń qurylysy jalǵa­sý­da. Balýan ata saraıynda Azıadanyń áıelder shaıbaly hokkeıinen jarystar ótpekshi. Biz sondaı-aq Almaty oblysynyń Tal­ǵar aýdanyndaǵy shańǵy-bıatlon stadıo­nyn­daǵy jáne «Tabaǵan» shuratyndaǵy frıstaıldan jarys ótetin stadıonnyń qurylys jumysta­rynyń barysyn muqııat qadaǵalap otyrdyq. Shańǵy jáne bıatlon stadıondary kesheni boıynsha Týrızm jáne sport mınıstrliginiń tapsyrysyn «SMP Almaty» JShS orynda­dy. Jobanyń jal­py quny 13,1 mlrd. teńge. Munda shań­ǵy­men sporttyq baǵdarlaýdan, bıat­lonnan jáne shańǵymen júgirýden jarystar ótedi. «Tabaǵan» sporttyq-saýyq kesheninde ha­lyqaralyq shańǵy sporty federasııa­synyń tehnıkalyq delegattary tekseris ótkizip, onda frıstaıl jarystaryn ót­kizýge sáıkestik jónindegi sertıfıkatty tabys etti. – Qazaq atamyz: «Kelgenshe qonaq uıala­dy, kelgen soń úı ıesi uıalady» deıdi. Sport­shylar men qonaqtardy or­na­lastyrý, kútý oraıynda qandaı daıyn­dyqtar jasaldy? «Mádenı Azıada» jóninde keńirek bilsek dep edik? Qaýip­sizdik, medısınalyq qyzmet dárejesi qandaı bolmaq? – Qala Azıadaǵa qatysýshylar men qonaq­tardy qarsy alýǵa daıyn. Sport nysan­dary halyqaralyq sarapshylardyń joǵary baǵasyn aldy. Árıne, qaýipsiz­dikti qamtama­syz etý jáne qajet jaǵdaı­da kásibı medı­sınalyq kómek kórsetý Azıada kúnderindegi shuǵyl mindetterdiń qataryna jatady. Biz Azıada jumysyna jegilgen qalanyń barlyq kómekshi qury­lymdarynda tekseris ótkizdik. Azıadaǵa qatysýshylar men qonaqtar tura­tyn oryn­dardy qosa, sport nysandarynda oqý-jat­tyǵýlar uıymdastyryldy. UQK lań­kestikke qarsy ortalyǵy qalalyq jedel shta­bymen ózara baılanys jolǵa qo­ıyldy. Azıada oıyndary qarsańynda ári ótetin ýa­qy­tynda qalanyń azamattyq qor­ǵanys jáne tótenshe jaǵdaı qyzmetteri kúsheıtilgen jumys tártibine kóshirildi. Jarystardyń barlyq nysandarynda me­dısınalyq pýnktter úshin barlyq talaptarǵa saı orynjaılar bólindi. Azıada kezinde iske qosylǵan barlyq medısı­nalyq mekemeler qa­zaq, aǵylshyn, orys tilderindegi navıga­sııa­­lyq mańdaıshalarmen jabdyqtaldy. Zardap shekkenderdi jyldam alyp ketetin kó­shirý jospary ázirlendi. Osy maqsattarda medısı­na­lyq jedel járdem avtomobılderi qosym­sha satyp aly­nyp, olar ne qajettiń bárimen qamtamasyz etildi. Sondaı-aq, Tóten­she jaǵ­daı mınıstr­liginiń bortynda medısı­na­lyq qyz­metkeri bar áýe avıasııasyn paıdalaný josparlanǵan. Birinshi aqpanda bastalatyn «Mádenı Azıa­da» baǵdarlamasy bizdiń ǵajaıyp qala­myzdyń qonaqtaryna Qazaqstannyń qazirgi mádenıetiniń barsha qyrymen ta­nysýǵa jáne jaqsy tynyǵýǵa múm­kindik beretindeı etip ázirlengen. Qazaq­standyq belgili óner sheberleri, tanymal ártister halyqtyq, klassı­ka­lyq, djaz jáne osyzamandyq mýzyka oryn­daýshylarynyń qatysýymen ótetin birqatar konserttik baǵdarlamalar «Almaty – mádenı astana» aksııasy aıasynda usynylmaq. Almaty murajaılarynda Qazaqstan­nyń beıneleý jáne qoldanbaly óneriniń jármeń­ke-kórmeleri ótedi. Sondaı-aq bizdiń máde­nıet basqarmamyz kıno óneri­niń áýesqoı­laryna «Kınoazıada-2011» qyzǵy­lyq­ty baǵdarlamasyn, jastar úshin ashyq aspan astyndaǵy «ALMATY WINTER DANCE» atty qalalyq bı dýmanyn, «Azıada arýy – 2011» baıqaýyn ázirledi. «Medeýde» «Qarly Barys saıabaǵy» qanat jaıyp, qala qonaqtary men ba­la­laryn ertken almatylyqtardyń sport­tyq rýhyn jáne belsendi demalysyn qanat­tan­dyratyn taqy­ryptyq alańǵa aınalmaq. 2011 jylǵy VII Qysqy Azııa oıyndary­nyń resmı jabylý saltanaty 6 aqpan kúni Almatyda, Balýan Sholaq atyndaǵy Sport saraıynda ótedi. Saǵat 17-de bastalatyn osynaý dýmandy baǵ­darlama, teatrlandy­ryl­ǵan kórinis­ter, jarqyldaǵan otshashýlar, oıyndarǵa qatysqan komandalardyń sherýi jáne resmı ókilderdiń sózderi jarqyn oqıǵa bolmaq. Bul tarıhı sátterdi teledıdardyń tikeleı habarynan, sondaı-aq «Medeý» sport­tyq kesheninde ornatylǵan LED dıspleılerinen tamashalaýǵa bolady. Kirýi erkin. Dástúrge saı, 2011 jylǵy Azııa oıyndary­nyń jabylýy qurmetine saltanat aıaqtalǵan­nan keıin halyq­aralyq shańǵymen sekirý tu­ǵyrlary kesheninde merekelik otshashý atylady. – Azıada Almatyǵa ne beredi, qandaı úl­gili iz, taǵylym-ǵıbrat qaldyrady dep oı­laısyz? – Azıada arý qalamyz úshin asýly beles, jarqyn oqıǵa. Sonyń arqasynda Almaty úlken sporttyń ǵana emes, jahandyq deńgeı­degi megapolıs retinde álemdik qoǵamdastyq tarı­hyna da enedi. Osy jaıdy sheteldik sarapshylar da aı­ǵaqtap aıtyp jatyr. Azııa oıyn­dary­nyń Almaty qalasynda ótýinde birden-bir eren eńbek Elbasynyki. Ǵalamdyq qarjy daǵdarysynyń qıyn kezeńinde Memleket basshysy eldiń iskerlik, qarjy, máde­nı hám tarıhı ortalyǵyn odan ári damytý úshin sport nysandaryn salý men jańalaýdy aıaqtaý oraıynda mańyzdy batyl sheshim qabyldaǵan edi. Sóıtip biz Prezıdenttiń tikeleı tapsyrmalaryn oryn­dadyq. Barlyq jumystar merziminde ári sapaly atqaryldy. Memleket bólgen qarjy maqsatkerlikpen ári tıimdi paıdalanyldy. Qysqy Azııa oıyndarynyń Almatyda ótki­zilýi qalanyń týrıstik ortalyq retinde damýy oraıynda da úlken mańyzy bar. Bul degenińiz nebári birneshe kúnde juldyzdaı aǵyp óte shyqsa da, zamandastardyń, jas urpaqtyń ja­dyn­da jarqyn iz qaldyratyn abyroıly is-shara. Budan soń barlyq álemdik talaptarǵa saı keletin, jańalanǵan sport nysandary almaty­lyqtardyń ıgiligine qyz­met etpek. Alataý baýraıyndaǵy ordaly sha­ha­rymyz iri sport orta­lyǵyna aınalady. Sol arqyly biz óz qala­myzda halyqaralyq týrızmdi damytyp, buqa­ra­lyq sportty keńinen qanat jaıǵyzyp óristetý úshin qajetti alǵysharttar jasaımyz. Osy rette eldegi barlyq týrıstik fırmalardyń teń jartysy Almatyda ekendigin, Qazaq­stanǵa kelgen árbir besinshi týrıst arý qalamyzdyń qonaǵy bolatynyn aıta ketkenimiz oryndy. Áńgimelesken Qorǵanbek AMANJOL, Almaty. Sýretterdi túsirgen  Bersinbek SÁRSENOV.

Astana alaýy

Azıada – tórlet Qazaq tórine, Týdy kóter qazaǵymnyń kógine, Baqyt bolyp keldiń týǵan jerime, Qýanysh bop endiń búgin Elime! Ul-qyzdarym tanytatyn erligin, Sport toıyn toılaı-tuǵyn keldi Kún, Alaý oty Almatydan bastalyp, Astanama kelip jettiń sen búgin! Alaý oty – dalamyzǵa jetti keń, Halqymyzǵa qýat berer ot bilem. Sport dese týǵan Elim budan soń, Ishken asyn jerge qoıar dep bilem. Tuńǵysh elim bul bir iske jan saldy, Alataý men keń dalamyz tamsandy. Azıada alaý otyn osynaý, Elbasymyz bastap búgin qarsy aldy. Buryn halqym qasiretti kóp kórdi, Bodan bolyp kóz jasyn da tókken-di. Alaý oty qazaq jurtyn aralap, Sónbeı-tuǵyn júrekterge ot berdi. Kerýen-sapar uly kóshpen kóshkenmin, Tilegi bir talaı jolda dos kórdim. Azıada alaý oty alaýlap, Almatydan – Astanama qosh keldiń! Eldi aralap otpen júzdi aqjelken, Azıada – baıany mol baq kórkem. Batys, Shyǵys, Soltústik pen Ońtústik, Tórt qubylam Alaý otyn jaqty ólkem! Kókke atylyp Barys syndy pyraǵy, Biz qýandyq janyp kózdiń shyraǵy, Endi Qazaq júreginde máńgilik, Alaý oty máńgi janyp turady. Myńnan – tulpar, Júzden júırik jaryp bir, Qýanyshtan qolyn soǵyp halyq tur. Azıada alaý oty lapyldap, Árbir Qazaq júregi bop janyp tur!.. Shómishbaı SARIEV,  Qazaqstannyń eńbek sińirgen qaıratkeri.

Alaý Astanaǵa asty

Ony keshe qaraǵandylyqtar men temirtaýlyqtar saltanatpen shyǵaryp saldy

Bul kúndi qara­ǵan­dylyqtar taǵatsyzdana kútken edi. Eldiń basty qalalary turǵyndary qo­shemetpen qarsy alyp, shy­ǵaryp salyp, Astana­ǵa taban tirer sáttegi Azıada alaýyn ózderi de kórip qalý múmkindigi qýant­qan bolatyn. Keshe kóshe-kóshelerge shyqqan alaý ustaýshylardy qol shapalaqtap uzatyp salý­shy qaraqurym jurtqa solaı boldy da. Sonyń aldyndaǵy kesh­kisinde Qazaqstan ha­lyq bankiniń fılıa­lyn­da saqtalyp, Táýelsizdik eskertkishi túbinde tutanǵan alaýdy oblys ákiminiń orynbasary Arman Qyryqbaev tutatyp, qala ákimi Baýyr­jan Ábdishevtiń qolyna ta­bys etti. Ol ony mejeli jerge jetkizgen bette áıgili boksshy Serik Sápıev jalyndaǵan alaýdy joǵary kóterip sherýdi odan ári jalǵas­tyrdy. Qalanyń jańa ortalyǵyna aınalyp kele jatqan Ońtústik-Shyǵys aımaǵynan «Shahter» sta­dıo­nyna deıingi basty kóshelerdi boılaı jelip ótken alaý ustaý­shylar arasynda 1972 jylǵy Mıýn­hen Olımpıadasyna qatysý­shy velosıpedshi Anatolıı Stepanenko, qazaq boksynyń sańlaǵy Serik Nurqazov, belgili ǵalym, UǴA akademıgi Serǵazy Ádekenov, alys qashyqtyqtarǵa júgirýshi jelaıaq Pavel Sırotın, oblystyq máslı­hat­tyń depýtaty Erlan Dosmaǵam­betov syndy azamattar boldy. Jal­­py, alaýdy kóterý qurmeti 60 adamǵa tıdi. Estafetaǵa qatysýǵa 16 jastaǵy jetkinshekten bastap 75-tegi qartqa deıin qamtyldy. Solardyń ishinen óner juldyz­dary Qaraqat Ábdildına men Maq­pal Júnisovany jazbaı tanyǵan jurt ekeýine rızalyq­pen qol soqty. Olar sonymen qatar osynaý oqıǵa qurmetine ánnen shashý shashyp, jerlesterin eki qýantty. Sherýdiń birinshi kezeńi tú­ıis­ken Núrken Ábdirov atyn­daǵy sport saraıy aldynda eki saǵatqa jýyq úzilis jasalyp, ol sodan soń Buqar jyraý kó­shesi boıymen Temirtaýǵa shyǵa beriske qaraı jalǵastyryldy. Al bul ýaqytta jınalǵandar teatrlandyrylǵan qoıylymdy qyzyqtady. Temirtaý demekshi, 12 sha­qyrymdy qamtyǵan estafeta­nyń úshinshi kezeńin metallýrgter shahary ilip áketti. Qara­ǵan­dy­lyqtar qolyndaǵy alaý­dy boks tarlany Taılan Topaev temirtaý­lyqtarǵa tabys etti. Onda qol­dan-qolǵa joǵary kó­terilgen alaý Metallýgter má­de­nıet sa­raıy­nyń aldyna jetkizilip, ony osy tusta tosyp turǵan qalyń qaýym súı­sine tama­shalady. Alaý Asta­naǵa shyǵaryp salyndy. Aıqyn NESIPBAI, Qaraǵandy.

Baılanys:  №1 daıyndyq

Taıaý kúnderi Azııa oıyn­da­rynyń resmı uıaly baılanys ope­ratory – GSM Qazaqstan/Kcell ońtústik astana jýrnalısteri úshin arnaıy press-týr uıym­das­tyryp, Azıadaǵa qatysýshy­lar men qonaqtardy baılanys já­ne uıaly ınternetpen qamta­ma­syz etýdiń jaı-japsarynan habardar etti. Kompanııa mamandary jýrnalısterge Medeý muz aıdynynda, Halyqaralyq tuǵyrdan sekirý kesheninde, sondaı-aq bıatlon alańynda ornatylǵan qural-jab­dyqtardy kórsetti. Press-týrǵa qatysýshylar baılanys sapasyn sol arada tekserip kórýge múm­kindik alyp, beıne-qońyraýlar shalýdyń, uıaly ınternettiń jyl­damdyǵyn baıqady. Uıaly baılanys sapasy – Azıa­dany tehnıkalyq turǵy­dan qamtamasyz etýdiń eń ma­ńyz­dy bóligi. Jarys barysyn­da álem­dik standartqa saı jo­ǵary sapa­ly baılanys jumys istep turý úshin GSM Qazaq­stan/Kcell Astana men Almaty qalalaryn­daǵy Azıada nysan­darynda qo­sym­sha 62 bazalyq stansa ornat­qan. Bul jeliler­diń syıymdy­lyǵyn arttyryp, oıyndar jú­rip jatqan kezde baılanystyń sharyqtaý salma­ǵyn kótere ala­dy. Aınash ESALI, Almaty.

Biz olarǵa senemiz

Elimiz qurama komandasynyń denin quraıtyn Kendi Altaıdyń qysqy sport túrleri boıynsha sańlaqtary Azıadada qalaı óner kórsetpek? Elimizge medaldardy barynsha kóbirek beretin shańǵyshylar, bıatlon, frıstaıl, taý shańǵysy, shańǵy­men baǵdarlaý sport túrleri boıyn­sha shyǵystyń 18 ul-qyzy Almaty men Astanada ótetin dúbirli jarysta baǵyn synamaq. Al shaıbaly hokkeıden qyzdar arasyndaǵy jarysta D.Obydennova, A.Orlova, A.Fýks, M.Topkaeva, dopty hokkeıden (bendı) A.Larıonov syndy jerlesterimiz el quramasyna barynsha kóbirek medal áperý úshin kúsh salmaq. Al shaı­baly hokkeıden «Barys» koman­dasy sapynda óner kórsetetin jer­les­terimizdiń de az emestigin eskersek, shyǵys saıypqyrandarynyń jerge qaratpasyna senimdimiz. Hosh, endi Azııa oıyndarynda kimge senim artamyz? Bıylǵy sáýirde 24-ke tolatyn Alekseı Poltoranınniń  jul­dyz­dy sáti áli alda degimiz keledi. Nege? 11 jasynan shańǵy sportyna baýyr basqan osynaý jigerli de qaı­sar jigit bas-aıaǵy 13 jylda dúbirli ja­rys­tarda adam sengisiz tabystarǵa jetti. Syn sátte súrinip ketip, Vankýverde ótken Qysqy Aq Olımpıadada qolda turǵan qola medaldan aıy­rylyp qal­ǵan Alek­seı sol óki­nishtiń ornyn tol­ty­ryp, ótken jyl­dyń 11-16-shy jel­toq­sanynda Shveısarııa­nyń Davos qa­lasynda ótken Álem ký­bo­g­y­nyń kezekti kezeńinde 15 shaqy­rym­ǵa klassıka­lyq ú­lgide júgirýde aıdy aspanǵa shy­ǵaryp, talaı  jam­poz­dardy shań qapty­ryp, altynnan alqa taqty. Sodan keıin qysqa qa­shyq­tyqta ekinshi oryndy ıelendi. 2004-2010 jyldar aralyǵynda Alekseıimiz san márte halyqaralyq ja­rystarda elimizdiń namysyn qorǵap, abyroı bıiginen kórine bildi. Endeshe ataqty shańǵyshy Vladımır Smırnovtyń tabysyn qaıtalaı alatyn Alekseı Poltoranın desek, qatelese qoımaspyz. Onyń ústine oblys ákimi B. Saparbaev talaby taýdaı shańǵyshyǵa qalanyń kórikti jerinen úsh bólmeli páterdiń kiltin tabys etip, basqa da jaǵdaılardy jasap otyr. Elimizde sońǵy jyldary alǵa basqan taǵy bir sport túri – frıstaılden Dmıtrıı Reıherd, Iýlııa Galysheva, Iýlııa Rodıonova, Dmıtrıı Barmashov mogýlda jáne juptasyp óner kórsetpek. Qazaq­stan quramasy sapynda Azııa oıyn­daryn­da synǵa túsetin osy tórt qyz-jigitten úlken úmit kútemiz. Shańǵymen júıitkigen kezde soń­dary­nan appaq boran uıytqyp, alǵa qaraı qustaı samǵaǵan ul-qyzdarymyz Qazaq­stan quramasyna medaldardyń denin ápere me degen úmit bar. Elimiz qu­ra­masy sapyndaǵy tájirıbeli shańǵy­shy­lardyń biri – Sergeı Cherepanov. Ol qazir kemel shaǵynda – 25 jasta. Eki birdeı Olımpııa oıyndaryna qatysyp, mol tájirıbe jı­naqtaǵan Sergeıdiń ákesi, bapkeri P.Che­re­panovty Rıdderdegi sporttaǵy da­ryn­dy balalarǵa arnal­ǵan mektep-ınternatta jolyqtyrǵan edik. Shańǵyshynyń bapkeri Sergeıdiń Azıa­dada tórt birdeı qashyqtyqta, atap aıtqanda, 10, 15, 30 jáne 4h10 shaqyrymdyq estafetada jú­giretinin tilge tıek etken edi. Mine, sol tórt saıysta kem degende úsh medal alý oıda bar dedi bapker ákesi. Elimizdiń namysyn uzaq jyldar boıy abyroımen qorǵap kele jatqan S.Malahova, E.Kolomına, O.Iаskaıa, A.Slonovadan da túrli deńgeıdegi alqalardy kútetinimizdi nesin jasyraıyq. Sebebi, bul jolǵy Azıadanyń orny bólek. Budan burynǵy joǵarǵy jetistigimiz komandalyq esepte ekinshi oryn bolsa, endi óz jerimizde kósh bastap jatsaq, aıyp emes shyǵar. Joǵaryda aty atalǵandar alǵashqy oryndar úshin kúsh salatyny sózsiz. Elimizdiń soltústigi­nen óner kórsetetin Nıkolaı Chebotko men Evgenıı Koshevoı Týrınniń Pradjelato Plan jarys alańynda sprıntten sátti óner kórsetip, alǵashqy alty­lyqqa engenin óz kózimizben kórgenbiz. Basqa jigitter de el namysyn abyroı­men qor­ǵaıdy degen nıettemiz. Shyǵystyń quralaıdy kózge atqan mergen ári shańǵymen jelmen jarysqan bıatlonshy ul-qyzdary Sergeı Naýmık, Iаn Savıskıı, Olga Poltoranına, Inna Mojevıtına, Olımpıada chempıony Elena Hrýstaleva sııaqty júlde ilip túsý úshin bar kúsh-jigerlerin jum­saı­dy degen oıdamyz. Aty atalǵan bıat­lonshylardyń barlyǵy tájirıbeli bapker M.Dýdchenkonyń qaramaǵynda jat­tyǵady. Bıatlonshy ul-qyzdardan kem degende bes-alty medal kútemiz. Taý shańǵysynan tájirıbeli Igor Za­kýr­daevtyń aldyńǵy oryndardyń birin alatynyna senimdimiz. Al shańǵy­men baǵdarlaý jarysynda V.Lılıchenko, A.Babenko, E.Kýzmına da aldyńǵy oryn­dar úshin kúrespek. Azııa oıyn­dary eldigimizge syn. Shyǵys Qazaqstan oblystyq týrızm jáne sport basqar­masynyń bas­ty­ǵy, kıkbokstan álemniń bes dúrkin chempıony Asqar Mojanov Kendi Altaı sańlaqtarynyń Azııa oıyndarynda kem degende 15 medal alýlary úshin barlyq múmkindikterin jumsaıtynyn tilge tıek etedi. Sport­shylarǵa barlyq jaǵdaı ja­salynǵan, qarjy, kıim jaǵynan prob­lema joq. Olardyń shetelderde jatty­ǵý­laryna da mol qarjy bólinip otyr. Ońdasyn ELÝBAI, Shyǵys Qazaqstan oblysy. Sýretterde: soldan ońǵa qaraı –  Iýlııa Galysheva, Svetlana Malahova, Alekseı Poltoranın, Dmıtrıı Reıherd, Sergeı Cherepanov.

Oıyndar bastalyp ta ketti

«Basyńnan asyp sekire almaı­syń» degen qanatty sóz ras eken. Azıadanyń ekinshi oıynyn ótkizgen Ońtústik Ko­reıa­nyń shaıbaly hokkeıden áıelder quramasynyń Japonııa quramasyna aı­tar­lyqtaı qarsylyq kórsete almaı­tyndyǵy alǵashqy mınótterde-aq belgili bolǵan. Muz aıdynyndaǵy maıdan­nyń ótin kóbirek kórgen japon áıelder quramasynyń oıyny soltústikamerı­kalyqtardyń nópir shabýylyn eske salady. Sheberlikteri joǵary, tehnı­ka­lyq jáne jyldamdyq jaǵynan áriptes­terin qozykósh orap ótedi. Alǵashqy gol 1 mınót 32 sekóndte soǵyldy. Aldynda ǵana 11-nómirli Iýrı Adachı Ońtústik Koreıa qaqpasynyń aldynda qarbalas týǵyz­ǵan. Koreı qaqpashysy shaıbany jandár­men qaǵyp úlgergen. Jemtik kórgen sháýli­deı túıilgen Adachı qanaǵattanbady. Naka­mýraǵa ádemi pas shyǵaryp berdi. Gol. Alǵashqy gol! Osydan keıin-aq koreı qaqpasynyń tyǵyny aǵytyldy. Shımýzavıe qaqpa aldynan 4-5 metr jerden urǵan. Qaqpashy qaıtaryp úlgerdi. Qaqpa túbine shaıba ilgen Hırano muz ústimen zyrqyratyp qýǵan kúıi Shımýzavıeniń aldyna taǵy da salyp berdi. Sál shalqaıa bere urdy. Shın qaqqandaı-aq qaqqan. Bolmady. Muz ústi­men syrǵanaǵan shaıba enip ketti. Budan soń Egýchı men Hırano bir-birden shaıba soqty. Birinshi kezeń 4:0 esebimen japondar paıdasyna jazyldy. Al, koreıler japondar qaqpasyna jaqyndaı almady. Ekinshi, úshinshi kezeńder de japon­dardyń shabýylymen ótti. Sol qanat pen oń qanattaǵy shabýylshylar koreı qorǵaýshylaryna es jıǵyzbaı, qyspaq­qa aldy. Esep – 10:0. Keshki saǵat 19:00-de aıdynǵa Qazaq­stan quramasy men Soltústik Koreıa qura­masy shyqty. Aınash Raýshanova bas­ta­ǵan Qazaqstan qyzdary Azııa oıyn­darynyń favorıti sanalady. Olım­pııalyq júıemen ótip jatqan oıyndar altynǵa Qazaqstan men Japonııa quramasynyń talasatyn­dyǵy ázirden aıtylyp jatyr. Koreı qyz­darymen ótken kezdesýde qazaq koman­dasy 3:0 esebimen jeńiske jetti. Balýan Sholaq atyndaǵy sport sa­raıyn­da ótip jatqan jarysqa jan­kúıer­ler kóp keldi. Sonaý japon, koreı elderinen arnaıy kelip, súıikti koman­dasyna jaq tartyp otyrǵan jankúıer­lerdiń otan­shyldyǵy súısintedi. Qazaq­stan men Soltústik Koreıa quramasynyń ara­syndaǵy tartysta jerlesterimizdiń mereıi ústem boldy. Tartys endi qyzyp keledi. Baqtııar TAIJAN.

Sábı esimi – Azıada

VII Qysqy Azııa oıyndarynyń alaýy jaǵylar kezge de sanaýly kúnder qaldy. Olımpıada, Azııa oıyndary men álem, Eýropa chempıonattarynda top jarǵan elimizdiń dańqty sportshylary­nyń óz týǵan jerinde baǵyn synar kez de keldi. Týǵan jerdiń tórinde Qazaq­stannyń kók baıraǵy jıi jelbirese deımiz. Úkili úmitimizdiń shyraǵy sónbesin. Barsha halqymyzdyń alaqanynda áldı kórip, júreginde juparǵa bólengen jerlesterimizdiń mereıi ústem bolǵaı! Árıne, sporttyń atty sport. Jeńis bar, jeńilis bar. Túbi qaıyr! Bizdiń osy tilegimizge Jaıyqtyń jaǵasyndaǵy Qaraýyl­tóbede dúnıege kelgen Azıada esimdi búl­dirshin qyz da óz úmitin qosady. Dál sport merekesi Astanada bastalar kúni oǵan da ómirge kelgenine 65 kún bolady. Iá, sábı tilegi qabyl bolǵaı! Ájesi Raısa, ata-anasy Bısenbaı, Bıbigúl Telibaevtar ózimizde ótetin Qysqy Azııa oıyndarynyń qurmetine sábıdiń esimin Azıada qoıypty. Nesi bar, áp-ádemi-aq. Otbasyndaǵy ómirge kelgen besinshi sábıdiń esimi álemdik sport dodasynyń Qazaqstanda ótýi saltanatyn aıshyqtap turǵandaı. «Qyz tilekshi» deıdi halqymyz. «Halyq aıtsa, qalt aıtpaıdy». Aqjaıyq aýdanynyń ákimi A.Imanǵalıev sábıdi, onyń ata-anasyn qyzý quttyqtady. Ákesi Bısenbaıdyń Almatyǵa baryp «Kór­shiler» baǵdarlamasyna «Qazaqstan telear­nasyna» túsýine qoldaý kórsetti. Elge abyroı ákeler el azamattarynyń aqjoltaı isteri jalǵasyn tapsa deımiz. – Sábıimiz qalypty ósip keledi, bola­shaq el sportynyń juldyzy bolsyn dep esimin Azıada qoıdyq, – deıdi anasy Bıbi­gúl. Aıtpaqshy, sábıdiń bólesi Erkin О́te­ge­nov elge tanymal bola bastaǵan jas án­shi. Demek, sábıge de, onyń barlyq etja­qyn baýyrlaryna da myqty densaýlyq tileımiz! Qazaqstanda bastalar Azııa oıynda­ryn­­da el sportynda eń úzdikter bolǵaı! Tiles JAZYQBAI, Qazaqstan Jýrnalıster odaǵynyń múshesi. Batys Qazaqstan oblysy, Aqjaıyq aýdany.

Muz qalashyǵy

Qysqy Azııa oıyndarynyń qarsańynda Astanada «Mádenı Azıada» jobasynyń aıasynda elimizdiń tarıhynan syr shertetin muz qalashyǵy salynyp, halyqtyń kózaıymyna aınalyp otyr. Bul qalashyqtyń qurylysyna jaýap­­­ty bolǵan Azııa oıyndaryn ót­kizý jónindegi Astana qalalyq dırek­sııa­sy. Osy mekemeniń shaqyrýymen muz qalashyqty salýda ózindik qol­tańbasy bar qytaılyq «Hýntenda» kompanııa­sy 10 jeltoqsan kúni qalashyq­tyń qurylysyna kirisip, ony jańa jyl aldynda salyp bitirdi. Jalpy, bul qala­shyqty jaı ǵana muzdan turǵyzylyp, ja­salǵan qalashyq dep aıtýǵa bolmaıdy. Onyń ınfraqurylymy, ózindik fıloso­fııa­sy bar. Al onyń ıdeologııalyq jáne etnomádenı dızaınyn ázirleýmen otandyq eki kompanııa aınalysty. Sońǵy tu­jy­rym­damasyn Astana qalalyq Sýretshiler oda­ǵy jasady. Osyndaı maman­dardyń shy­ǵar­mashylyq qııalynan shyq­qan týyn­dy asta­nalyqtar men qala qonaqta­rynyń bos ýa­qyt­taryn kóńildi ótkizip, ashyq aspan as­tynda qazaq eliniń tarıhynan syr shertetin kóne murajaı men kórme ispettes qala­shyqty tamashalaı alady. Al qytaı­lyq mamandar bolsa, qalashyqty salǵanda ózderi­niń jaryqtan­dyrý qural­da­ryn paı­da­landy. Son­dyq­tan jergilikti mamandar­dyń aı­týynsha, ózimiz­diń ıdeıa­myzdy iske asyrý bes esege arzan tústi. Jalpy, qala­shyqtyń dızaıny birneshe tarıhı kezeńnen turady. Qalashyqtyń basty syrǵanaǵy – «Altyn Orda» sahna­lyq alańy bolsa, saqtar dáýi­riniń músin­deri Astanada buǵan deıin bolmaǵan tehnologııa boıynsha ja­saldy. Endi eń basty nárseni aıt­saq. Qala­shyqtyń ortasynda Qysqy Azııa oıyndary­nyń bas­ty qazan­dyǵy alaýlap turady. Bul alaýdyń 30 qańtar kúni «Astana-Arena» stadıo­nynda jaǵyl­ǵannan keıin, bas qa­zandyq­tyń bos stadıonda alaýlamaı, ony kópshi­­liktiń nazaryna shyǵarý úshin jasaldy.

Syry kóp sýretter

Astanadaǵy Prezıdenttik má­denıet ortalyǵynyń kórme zalynda VII Qysqy Azııa oıyn­dary men elimiz táýelsiz­diginiń 20 jyldyǵyna arnalǵan «Qa­zaq­stan sportynyń tarıhy» atty kórme ashyldy. Kórmeniń maqsaty – elimiz­diń sport salasynda jetken je­tistikterin óskeleń urpaqqa tanystyrý, jastar arasynda sa­lamatty ómir saltyn keńi­nen nasıhattaý. Kórmege Qazaqstan sport tarıhynan maǵlumat beretin fotosýretter men eks­ponat­tar, Azııa oıyndarynyń arnaıy sport kıimderi, emble­malary, kádesyı buıymdary, sonymen birge ulttyq, álemdik, jalpy sport túrleri men HH ǵasyrdyń basynda ótken kóp­tegen álemdik jarystardyń jeńim­pazy, qazaqtyń eń tanymal sport­shysy – Qajymuqan Muńaıtpasov jaıly materıaldar usynylýda. Munda Keńes odaǵy tu­synda Olımpıadaǵa qatysqan tuńǵysh qazaq jáne 1960 jyly Rım Olımpıadasynyń jeńil atletıkadan kúmis júldegeri  Ǵusman Qosanov, qazaqtan shyq­qan tuńǵysh Olımpıada chem­pıony sanalatyn, 1972 jylǵy Olımpıada chempıony, basket­bolshy Áljan Jarmuhambetov, eń jarqyn sport juldyzy – 1976 jyly Kanadanyń Jazǵy Olımpııa oıyndarynda gımnastıkadan úsh dúrkin chempıon atanǵan Nellı Kım, 1980 jyl­ǵy Máskeý Olımpıada­synda grek-rım kúresi boıynsha chempıon atanǵan Jaqsylyq Úsh­kempirov pen Shámil Serikov, 1988 jylǵy Seýl Olımpıa­dasynan jeńispen oralǵan qa­zaq­standyqtar ziltemirshi Anatolıı Hrapatyı men fýtbol­shy Evgenıı Iаrovenko týraly má­limetterdi kórýge bola­dy. Qa­zaqstan táýelsizdik al­ǵan­nan keıin Olım­pıadaǵa óz aty­nan qatysa bastap, ár ja­rys saıyn otan­dastarymyzdyń júldeli oryn­darǵa ıe bolyp kele jat­qany belgili. Osy oqı­ǵa­larǵa baılanysty kórmede 1996 jyl­dan osy kezge deıin Olımpııa oıyndarynyń  qurmet tuǵy­ry­nyń eń bıik satysyna kóteril­gen sportshylar týraly derekter oryn alǵan. Dastan KENJALIN.

Bir qaqpaǵa... 25 shaıba!

Keshe Astana ýaqyty boıynsha saǵat 13.30 ben 16.00 arasynda  shaıbaly hokkeıden Qysqy Azııa oıyndarynyń alǵash­­qy kezdesýi ótti. Birinshi bo­lyp «Qazaqstan» sport saraıynyń muz aıdynyna shyqqan Qyrǵyzstan men Taıland quramalary arasyndaǵy match 15:4 esebimen Alataý­dyń ar jaǵyndaǵy aǵaıyndar­dyń paı­da­syna sheshildi. Kórermen­derge eń nátıjeli oıynshy retinde tórt ret kózge túsken Azamat Shıderınov tanyl­sa, Artem Kolobov het-trık oryndady. Sol kúni Astanada Malaızııa men Bahreınniń erler hokkeı komandalary aıdynǵa shyqty. Match barysynda malaılyqtardyń mysy basym ekeni kózge birden uryp turdy. Olar úsh kezeńde Bahreınniń qaqpasyna 25 shaıba soqty. Birinshi kezeńde 4 shaıba, ekinshi kezeńde 8 jáne 13 shaıbany úshinshi kezeńde soǵyp úlgerdi. Malaızııanyń quramynda alty shaıbanyń avtory Ban Kın Loke, beseýiniń ıesi  Khıa Peng Tan boldy. Al osy kúnniń sońǵy kezdesýi Mońǵolııa men Kýveıt quramalarynyń arasynda ótti. Match 3:2 esebimen Mońǵolııanyń paıdasyna sheshildi. Dastan KENJALIN.

Volonterler

«Qazaq» dese qonaqjaılyǵy birden oıǵa oralatyn osynaý pikirdi taǵy da bir dáleldeýdiń kezi jetken sııaqty. Azıada qonaqtaryn búgingi kúni saltanatty túrde qarsy alyp, qonaq úılerge ornalastyryp, ýaqtyly tamaqtandyryp, ary-beri júrip-turý máseleleri aldyn ala josparlanǵan. Sheteldikterge qyzmet kórsetý úshin Astananyń ózinde 1500-den astam eriktiler jumysqa tartylǵan. Olardyń basym kópshiligin joǵary oqý oryndarynda bilim alyp júrgen, shet tilderin jaqsy meńgergen stýdentter quraıdy. Jaqynda bizge VII Qysqy Azııa oıyndarynyń volonter-úılestirýshisi  Álibek Ábý-Álımen eriktilerdiń qyzmeti týraly shaǵyn suhbattyń sáti túsken edi. – Jalpy, eriktilerdiń mindeti ne? – Qazaqstanda volonterlik qyzmet táýelsizdik alǵan jyldardan bastaý alǵan. Bizdiń mindetimiz – Azııa oıynda­rynyń ıdeıasyn halyq arasynda nasıhattaý ári taratý, Azııa elderiniń ynty­maq­­­tastyǵy men damýyn jáne dos­tas­tyǵyn nyǵaıtý. Biz sport jarystaryn uı­ymd­as­tyrýda shaqyrylǵan elderdiń delegasııalaryna kómek kórsetemiz. Atap aıtqanda, sportshylar men jat­tyq­tyrýshylardy, sondaı-aq qonaq­tardy qajetti aqparatpen qamtamasyz etý. – Volonter qyzmetine qalaı keldiń? – Men osy iske «Azııa oıyndaryn qazaq topyraǵynda óz deńgeıinde ótýi úshin qandaı úles qossam eken?» degen oı alyp keldi. Alǵashynda, shet tilderdiń kómegi kóp tıdi. Keıinnen, bizdi irikteýde boıymdaǵy uıymdasty­rýshylyq, jaýapkershilik qabiletimniń arqasynda «úılestirýshi» qyzmetine taǵaıyndaldym. Osy qasıetterim úshin aldymen bir Allaǵa, odan keıin meni tárbıelegen ata-anama alǵysym sheksiz. О́ıtkeni, ata-anamnyń «Astanadaı qala­da turasyń, Qazaqstandaı eldiń azamatysyń, eldiń aldynda júrip, aıanbaı qyzmet etýiń kerek!» degen sózi meni árdaıym alǵa jetelep otyrady. – Úılestirýshi men volonterdiń ara salmaǵy nede? – Úılestirýshiniń júgi qatardaǵy eriktilerge qaraǵanda aýyrlaý. Alaıda, meni alǵa jeteleıtin boıymdaǵy elim, jerim degen patrıottyq sezim. Al, volonter sózin erikti dep aýdaryp júrmiz. Menińshe erikti bolý – erikkenniń ermegi emes. Eldiń eńsesin aıshyqtaıtyn mańyzdy sharaǵa atústi qaraýǵa bolmaıdy. Úılestirýshi volonter bolý osy qyzmette júrgen jastardy irikteýden turady. Olardy irikteý joǵary deńgeıde ótti. Talap – shet tilderin biletin jastardy jumysqa tartý. Bul rette, aǵylshyn, qytaı, arab, koreı, japon tilderine erekshe nazar aýda­ryldy. Shet tilderin jaqsy meńgergen volonter aýdar­mashy qyzmetine taǵaıyndaldy. Ol degenimiz shet tilderinde til tájirı­besinen ótýde taptyr­mas múmkindik. Olardy sporttyq nysandar men áýejaı­larda synaqtan ótkizdik. Qalaı desek te, Qysqy Azııa oıyndary túndigin túrgende qarap jatatyn jan bol­maıdy. Bar jaýapkershilik eriktilerge artylmaq. Sebebi, Azıadanyń 80 paıyzdyq jumysy volonterlerge júktelgen. – Volonterlerdiń taǵy qandaı túrleri bar? – Azııa oıyndarynda olar negizgi-kóshbasshylyq jáne qosalqy-koman­dalyq bolyp eki toptan turatyn bolady. Kóshbasshylardyń bireýi bekitilgen sektorlardyń maqsattary men mindetterine baılanysty, 10 adamnan turatyn óz komandasyn qurady. Al biz negizinen akkredıtasııamen aınalysamyz. Bizge Úkimet tarapynan barlyq jaǵdaı jasalǵan. Uıymdastyrýshy komıtet volonterlerge aqysyz negizde kıim-keshekpen qamtamasyz etti. Jumys ýaqytynda volonterler kúnine eki ret tegin tamaqtanady. As mázirleri qalamyzdyń eń jaqsy meıramhanalarynda daıyndalady. Is-sharalar ótetin oryndarǵa barý úshin tipti kólikpen qamtamasyz etilgen. Tegin baılanys qyzmeti berildi. Sondaı-aq, árbir volonterge jeke kitapshalar taratyldy. Azıada volonteri retinde oqýdy jalǵastyra otyryp, tájirıbe jınaqtaýǵa, shetel tilderin jazbasha ǵana oqyp júrgen stýdentterge tájirıbe júzinde tildi meńzeýge, kóshbasshylyq jáne komandada jumys isteý qabiletterin damytýǵa múmkindik beredi. Áńgimelesken Juldyz BAIDILDA.