ASTANA. 22 mamyr. Keshe fýtboldan Qazaqstan premer-lıgasynyń 12-týry oıyndary oınaldy. Osylaısha, el chempıonatynyń birinshi aınalymy aıaqtaldy. Bul týraly egemen.kz tilshisi habarlady.
Týr barysynda kósh basyndaǵy «Astana» óz alańynda Shymkenttiń «Ordabasyn» 3:1 esebimen jeńip, týrnır kestesindegi birinshi ornyn saqtap qaldy. Al elordalyqtarmen úzeńgi qaǵystyryp kele jatqan Pavlodardyń «Ertisi» óz alańynda lıga aýtsaıderleriniń biri Oraldyń «Aqjaıyǵymen» teń túsip, upaı joǵaltty.
Jalpy, bul týrda jankúıerler erekshe nazar aýdarǵan kezdesý Almatyda ótti. Atap aıtqanda, jergilikti «Qaırat» Kókshetaýdyń «Oqjetpesimen» synǵa túsip, qarsylastarynyń qaqpasyna jaýapsyz 6 gol soqty. Oıynnyń 28-mınýtynda «Qaırat» sapyndaǵy reseılik legıoner Andreı Arshavın esep ashyp, komandasyn alǵa shyǵardy. Bul esep úziliske deıin ózgergen joq.
Al ekinshi taımda almatylyqtar «Oqjetpes» qorǵanysynyń tas-talqanyn shyǵardy. Aldymen 52-mınýtta Arshavın dýbldiń avtory atansa, oıyn sońyna deıin komanda kapıtany Baýyrjan Islamhan men «Qaırattyń» úzdik shabýylshysy Jerar Goý da eki retten mergendikterimen kózge tústi. Nátıjesinde maýsymdy súreńsiz bastap, kósh sońynda kele jatqan «Qaırat» mańyzdy jeńiske qol jetkizip, týrnır kestesinde úzdik úshtiktiń qataryna qosyldy.
Aıta keteıik, almatylyqtardyń bul jeńisi ázirge osy maýsymdaǵy eń iri jeńis retinde tirkeldi. Osylaısha, premer-lıganyń birinshi aınalymy máresine jetti. Endi komandalar 29 mamyrda ekinshi aınalymdy bastaıdy.
12-týr oıyndarynyń nátıjeleri:
«Astana» (Astana) – «Ordabasy» (Shymkent) 3:1
Goldar: Marın Anıchıch 7, Roher Kanıas 21, Tańat Nóserbaev 72 – Aleksandr Sımchevıch 10.
«Tobyl» (Qostanaı) – «Atyraý» (Atyraý) 1:2
Goldar: Nurbol Jumasqalıev 69 – Aleksandr Damchevskı 9, Aleksandr Makas 83.
«Jetisý» (Taldyqorǵan) – «Shahter» (Qaraǵandy) 2:0
Goldar: Dýshan Savıch 57, Ilıa Kalının 64.
«Ertis» (Pavlodar) – «Aqjaıyq» (Oral) 0:0
«Qaırat» (Almaty) – «Oqjetpes» (Kókshetaý) 6:0
Goldar: Andreı Arshavın 28, 52, Baýyrjan Islamhan 54, 68 (penaltı), Jerar Goý 82, 85.
«Aqtóbe» (Aqtóbe) – «Taraz» (Taraz) 2:2
Goldar: Samat Smaqov 44 (penaltı), Dıdar Jalmuqan 45 – Vıtalıı Evstıgneev 38, Malık Mane 50.
12-týr oıyndarynyń qorytyndysy boıynsha týrnır kestesi
Úzdik mergender:
Roman Murtazaev («Ertis») – 7 gol;
Jerar Goý («Qaırat») – 6 gol
Dýshan Savıch («Jetisý») – 5 gol;
Samat Smaqov («Aqtóbe») – 5 gol.
13-týr oıyndary 29 mamyr kúni oınalady. Atalǵan týrdaǵy qarsylastar reti tómendegideı:
«Aqtóbe» – «Astana»
«Atyraý» – «Ertis»
«Qaırat» – «Aqjaıyq»
«Oqjetpes» – «Taraz»
«Ordabasy» – «Jetisý»
«Shahter» – «Tobyl».
Elaman Qońyr.
Derek: egemen.kz.
Foto: vk.com.