Ýkraınanyń Dnepropetrovsk oblysyndaǵy jaqynda Kamenskoe degen ataý alǵan burynǵy Dneprodzerjınsk qalasynyń turǵyndary eldi meken ataýyn «Drezden» dep ózgertýdi usynady. Bul týraly Reseı BAQ-taryna silteme jasaǵan egemen.kz tilshisi habarlady.
Osyǵan baılanysty Kamenskoe qalasynyń turǵyndary Ýkraına prezıdenti Petr Poroshenkonyń saıtyna petısııa ilip, osy úshin daýys jınaýǵa kirisip ketti.
Petısııa avtory Elena Aggeıdiń aıtýynsha, qalanyń atyn onyń turǵynlarynyń jańa ataýǵa narazy ekendikterine baılanysty ózgertý kerek.
«Dneprodzerjınsk qalasynyń atyn Kamenskoe dep ózgertýge jergilikti turǵyndardyń jappaı qarsy ekendigin jáne onyń keńestik ataýmen qalýy múmkin emestigin eskere kelip, biz bul ataýǵa balama retinde Drezden degendi usynamyz. Ýkraına qazir batysqa qaraı qaryshtap bara jatyr, 21 ǵasyrda ómir súrip jatyrmyz, dál qazirgi kezde sondyqtan buǵan Kamenskoe ataýynan góri Drezden kóp jaqyn keler edi. Onyń ústine, bul derevnıanyń atyn (Kamenskoe) emes, qalanyń atyn (Drezden) alýy kerek. Sebebi, onyń ózi – qala», - delingen petısııa mátininde.
Eske sala keteıik, 2016 jylǵy 19 mamyrda Ýkraınanyń joǵarǵy radasy kommýnızm sarqynshaqtarynan qutylý baǵdarlamasy sheńberinde № 4085 «Jekelegen eldi mekender men aýdandar attaryn ózgertý týraly qaýlynyń jobasyn» qabyldaǵan bolatyn. Sonyń arqasynda Dneprodzerdjınsk qalasy Kamenskoe degen jańa atqa kóshirilgen edi.
Taǵy eske sala keteıik, Drezden degen qala burynǵy GDR, qazirgi Shyǵys Germanııa aýmaǵynda da bar.
Talǵat Raıymbek.
Derek: Reseı BAQ-tary.