Qorytyndy shyǵarylyp, mindetter aıqyndaldy

Keshe Qaýipsizdik Keńesi hatshysynyń orynbasary – Hatshylyq meńgerýshisi Qo­zy-Kórpesh Jańbyrshınniń tóraǵalyǵymen Qazaqstan Res­pýblıkasy Qaýipsizdik Keńesi ınspeksııasynyń oty­rysy boldy. Otyrysta ıns­peksııanyń byltyrǵy jyl­ǵy qyzmeti qorytyn­dylanyp, 2011 jyldaǵy mindetteri aıqyndaldy. Máselen, 2010 jyly Qa­ýipsizdik Keńesi ınspeksııasy áskerı qyzmetkerlerdi tur­ǵyn úımen qamtamasyz etý zańdylyǵynyń saqtalýy, kúsh-qýat organdary bıýd­jetteriniń oryndalýy, Memlekettik shekaranyń kúzetilýi jáne qylmystyq-atqarý jú­ıe­siniń mekemelerin tekserý jumystaryn atqardy. Tekserý nátıjeleri men qory­tyndylary Memleket bas­shysyna baıandaldy. Aǵymdaǵy jyly óńir­ler­de ornalasqan quqyq qorǵaý organdarynyń, Qarýly Kúsh­ter, Shekara qyzmeti, Ishki áskerler men Tótenshe jaǵ­daı organdary mekemeleriniń qyzmetine taldaý jasalady. Kúsh-qýat organdary júr­gizetin memlekettik satyp alý salasyndaǵy máseleler zerdelenedi. Inspeksııa oq-dá­rilerdiń, qarý-jaraq­tar­dyń jáne áskerı tehnı­kalar­dyń saqtalýyna baqylaýdy jal­ǵas­tyratyn bolady. Inspeksııa múshelerine 2011 jylǵa arnalǵan josparda kózdelgen is-sharalardy oryndaýdy uıymdastyrý jó­ninde tapsyrmalar berildi.