Skrınıngtik ortalyqtar ashyldy

Ońtústikte oblystyq den­saý­lyq saqtaý basqarmasy men Qazaq ǵylymı-zertteý onkologııa jáne radıologııa ınstı­tý­ty­nyń bastamasymen respýblı­kamyzda tuńǵysh ret mammo­gra­fııalyq jáne sıtologııalyq skrınıngtik ortalyqtar ashyldy. – Byltyrǵy jyldyń jel­toq­san aıynda bastapqy medısı­na­lyq-sanıtarlyq kómek beretin qalalyq emhananyń onkologtary, mammologtar, rentgenologtar, sı­to­logtaryn oqyp-úırettik, – deıdi oblystyq densaýlyq saqtaý bas­qar­masynyń bastyǵy Jumaǵalı Ismaılov. – Endi oblys kóle­mindegi qalalyq aýdandarda oqytý júrgizilip jatyr. Ortalyqtardyń negizgi mindeti – is-sharalardy úılestirý, ádistemelik kómek kórsetýmen qosa oqytyp-úıretý. Basty maqsat – sút bezi jáne jatyr moıny qaterli isikterin erte anyqtap, olarǵa em júrgizip, osy aý­rý­ǵa shaldyqqan áıelder ólimin azaıtý. Buǵan qosa tik ishek, qýyq asty, asqazan-ishek joldary jáne qalqan­sha bezderi qaterli isikterin de anyq­taý qarastyrylǵan. Jumaǵalı Qazybaıulynyń sózi­ne qosarymyz, jalpy, oblystyq den­saýlyq saqtaý basqarmasy sońǵy jyldary tabysty jumys jasap keledi. Ana men bala ólimi aıtar­lyq­taı azaıdy. Júrek qan tamyrlary aýrýlarynda da jaǵymdy jańa­lyq­tar bar. Halyqaralyq talaptarǵa saı medısınalyq qondyrǵylar áke­li­nip jatyr. Búgingi ashylyp otyr­ǵan skrınıngtik ortalyqtar  Den­saý­lyq saqtaý mınıstrliginiń jaýap­­ty hatshysy Bolat Syzdyqovtyń aı­týynsha, TMD elderinde balamasy joq. Bunyń bári basshynyń óz isine úlken jaýapkershilikpen qaraýynda jatqan sııaqty. Oblystyq densaýlyq saqtaý bas­qarmasynyń bastamasymen já­ne qoldaýymen 2010 jyly on­ko­logııalyq qyzmet Ońtústik Qazaq­stan oblysyndaǵy densaý­lyq sala­syn damytýda mańyzdy negizgi salanyń biri boldy. Atap aıt­qanda, jalpy qarjylandyrý 35 paıyzǵa (1 mlrd. 80 mln. teńgege),  dári-dármekpen qamtylýy 175 paıyzǵa ósse, medısınalyq qu­ral-jabdyqtarmen 132 mln. teń­gege (qazirgi tańǵa saı tynys­tyq-jansyzdandyrý quraldary, tósek mańyndaǵy monıtorlar men avtomatty túrdegi analızatorlar jáne Qazaqstanda jalǵyz vakým­dyq bıopsııalyq ýltrody­bys­tyq quraly sút bezi aýrý­laryna) qamtylǵan. Radıologııa­lyq ǵı­marat 176 mln. teńgege sa­lynýda. Qurylysy bitýge ja­qyn. Oǵan qajetti mammobýs quraly alyn­ǵan. Atap aıtatyn taǵy bir jaıt, bar­lyq aýdan jáne qala emha­na­lary qazirgi tańǵa saı mam­mo­gra­fııalyq quraldarmen qam­tylǵan. Gamma-terapııalyq «Tera­balt» quraly iske qosyldy. Oblysta skrınıngti áıel­derdi sút bezi jáne jatyr moı­ny ragine tekserý jaqsardy. Oblys ákimi Asqar Myr­zah­metov densaýlyq saqtaý salasynyń alqa májilisinde basqarma jumy­syna jaqsy baǵa berdi. Baqtııar TAIJAN. Ońtústik Qazaqstan oblysy.