«Egemenniń» eńbek torysy

Arqaly aqyn, belgili jazýshy, aýdarmashy Ábirash Jámishuly Syr óńiriniń týmasy. 1945 jyly orta mektepti támamdap, Qazaq memlekettik ýnıversıtetiniń jýr­­na­lıstıka fakýltetinen dáris alǵan onyń eńbek joly qatardaǵy qalamgerlikten bastaý alady. Bertin kele ol «Sosıalıstik Qazaqstan», «Qazaq ádebıeti» gazetterinde basshylyq qyzmetter atqarǵan. Barynsha qarapaıym­dylyǵymen aqyryn júrip, anyq basqan Ábekeń merzimdi baspa­sózdiń tynymsyz tirshiliginde júrse de, qolynan qalamy tús­pegen jan. «Araı», «Kúmis kirpikter», «Dala shuǵylasy», «Tós­keı» jáne t.b. júrek jazbalary sonyń nátıjesi. Aıta ketý kerek, Ábirash Jámishuly aýdarma sala­synda da az eńbektengen joq. Ol aty álemge áıgili aqyn A.S.Pýsh­kınniń jyr joldaryn qalyń qazaq oqyrmandaryna tartý etti. Sondaı-aq tatar, ózbek, armıan, tájik aqyndary shyǵarmalary­nyń shyraıyn kirgizýmen qatar Shyǵystyń uly shaıyrlary Hafız ben Fızýlı ǵazaldaryn, Qoja Ahmet Iаsaýı hıkmetin qazaq oqyr­mandary jata-jastana oqı­tyn dúnıege aınaldyrdy. Qazaq halqy qashanda artynda ólmeıtuǵyn sóz qaldyrǵan qalam­gerlerin asa qurmet tutyp, qa­dirlegen. Esimi Syr aımaǵyna ǵana emes, elimizge etene tanymal Ábe­keńdi keıingi urpaqtaryna ula­ǵat etýdi murat tutqan aýyl tur­ǵyndarynyń aqynǵa jasap jatqan qurmetine el rıza. О́zi týǵan Shirkeıli aýylynyń tur­ǵyn­darynyń suranysyna sáıkes, 1996 jyly QR Mınıstrler kabınetiniń sheshimimen Shirkeıli aýylyndaǵy №129 orta mektepke Ábirash Jámishevtiń esimi berildi. Ábirash beınesin máń­gilikke mura etýdi, ıaǵnı tuǵyrǵa qondyrýdy kózdegen aýyl turǵyn­darynyń taǵy bir bastamasy óz she­shimin tapty. Iаǵnı, aýyl tur­ǵyndary asy­ǵa kútken Á.Jámi­shev­tiń tu­ǵyr­­ǵa qonǵan tulǵasy óz atyn­daǵy mektep aldynan oryn tepti. Aqyn eskertkishiniń ashylý salta­natyna qatysýshylar Ábirash Já­mi­shev jaıly júrekjardy lebizderin jetkizdi. Alǵashqy sóz al­ǵan aýdan ákimi Sultanbek Táýip­baev: – Ábekeńniń ózi ólse de, onyń artynda qalǵan sózi ólmeıdi. Sodan da onyń jazbalary bizdiń jú­re­gimizde máńgilikke jazylyp qal­ǵan, – degen ol aýyl tur­ǵyn­da­ryna, onyń ishinde qarymdy qa­lam­gerdiń músinin tuǵyrǵa qon­dy­rý­ǵa qarjylaı demeýshilik ja­saǵan «Mádı qajy» JShS dı­rek­tory, aýdandyq máslıhat de­pýtaty Abbas Kamalatdınge rıza­shylyq sezimin bildirdi. Salta­nat­ty sharada oblys ákiminiń keńesshisi Erjan Ýáıis, ulaǵatty ustaz Qanatbek Ábilqasymov, demeýshi Abbas Kamalatdın, Á.Já­mishulynyń qyzy Gúlnar Ábi­rash­qyzy, aýyl ardagerleri sóz sóılep, tuǵyrly tul­ǵaǵa taǵzym jasady. Erkin ÁBIL. Qyzylorda oblysy. Syrdarııa aýdany.