О́zbekstan azamaty atyp óltirildi

Túrkimenstan shekarasynan zańsyz ót­pekshi bolǵan О́zbekstan azamaty oqqa ushty. Shekaradan zańsyz ótýge barlyǵy 12 adam árekettengen. Olardyń, joǵaryda aı­tyl­­ǵan­daı, bireýi atyp óltirilse, 5-i qa­maý­ǵa aly­nyp­ty. Al qalǵandary iz ja­syryp úlgergen. О́zbekstan azamattarynyń kóterme saýdamen aınalysqan kásipkerler ekeni belgili bolyp otyr. Shekarashylardyń naqty qandaı jaǵdaıǵa baılanysty qarý qoldanǵany belgisiz. Tártip buzýshylardyń qarsylyq kórsetip, shekara qyzmetindegilerdi oq atýǵa májbúrlegeni týraly da eshteńe aıtylmaıdy. Jalpy, 1993-2009 jyldar aralyǵynda Túrkimenstan shekarasynda 60-tan astam ózbek azamaty oqqa ushqan kórinedi. MYSYRLYQTARDY QOLDAÝǴA ShAQYRDY Amerıka ýnıversıtetteriniń 100-den astam ǵylymı qyz­met­keri AQSh prezıdenti Barak Obamaǵa Egıpet halqyna qol­daý kórsetý týraly ótinish bildirgen ashyq hat jarııalady. Atap aıtqanda, ǵalymdar óz prezıdentterin Mysyrdaǵy demo­kratııalyq qozǵalysty qoldaýǵa shaqyrady. Qazirgi kezde eldegi tártipti ustap turýdy qoldaryna ás­kerıler alyp otyr. Olardyń naqty kimniń jaǵynda ekeni ázirshe beımálimdeý. Jalpysynda, búginde el taǵdyry áskerılerdiń qo­lynda turǵandaı. Komendanttyq saǵattyń uzarýyna qaramastan, Egıpetti 30 jylǵa jýyq ýaqyt basqarǵan Hosnı Múbáraktiń bılikten ketýin talap etkender ereýilderin toqtatar emes.  Al H.Múbarak úkimetti taratqanymen, óziniń bılikten ketkisi joq. DINI QAQTYǴYSTA 35 ADAM QAZA BOLDY Nıgerııada hrıstıandar men musylman­dar arasyndaǵy dinı qaqtyǵys saldarynan 35 adam opat boldy. Bul keleńsiz oqıǵa eldiń soltústik-shyǵysyndaǵy Baýchı shtatynyń ońtústik bóliginde oryn alǵan. Sondaı-aq Baý­chıdegi shirkeýge daıyndalǵan lańkes­tik­tiń beti qaıtarylǵan. Onyń aldynda, ıaǵnı 28 qańtarda Plato shtatynyń ortalyǵy Djosa qalasynda da dinı saryndaǵy kıkiljińnen 10-nan astam adam kóz jumǵan bolatyn. Bul adam ómirin qıǵan oqıǵaǵa musylman dinin ustanatyndardyń jergilikti ýnıversıtet stýdentterin óltirgeni sebep bolǵan kórinedi. Al ótken jyldyń 25 jeltoqsanynda atalǵan qaladaǵy lańkestik saldarynan 32 adam kóz jumǵan edi. JEBEÝShISINIŃ QOLYNAN SÚIDI Túrkimenstannyń Mary ýálaıatyndaǵy balalar baq­sha­synda jumys isteıtin tár­bıeshilerdiń biri jurttyń kózin­she  el prezıdenti Gýrbangýly Berdymuhamedovtiń qoly­­nan súıgen. Osy aqparatty tarat­qan «Túrkimenstan hronı­ka­sy» tele­ar­na­synyń málimdeýinshe, buǵan deıin qazirgi prezı­dent­ke qatys­ty sezimin osylaısha bildirý formasy táji­rı­be­de bolyp kór­mepti. Al Túrkimenstannyń burynǵy prezıdenti marqum Saparmurat Nııazovtyń kezinde mundaı úrdis halyqtyń dástúrli bir sal­tyndaı kórinetin. Tipti, qazirgi prezıdenttiń ózi de Túrkimen­bashynyń qolyna ernin tıgizgen sát umytylǵan joq. Osyǵan qarap, elge burynǵy kezeń qaıta oralyp kele jatqandaı ma deı­siń. О́ıtkeni, túrkimenderdiń kópshiligi G.Berdymuhamedovti «jebeýshim» dese, Túrkimenstandaǵy búgingi kezeńdi «Uly qaıta ór­leý dáýiri» dep ataıtyn kórinedi. EKS-MINISTRDI QAITARYŃDAR DEIDI Irlandııaǵa Qyrǵyzstannyń burynǵy energetıka mınıs­tri Saparbek Balqybekovti elge ekstradısııalaý týraly suraý jiberildi. Bul suranysty Qyrǵyzstannyń bas pro­kýratýrasy daıyndapty. Ha­lyqaralyq izdeý jarııalanǵan  Bal­qybekov Irlandııanyń asta­na­sy Dýblın qalasynda ustal­dy degen habar jaqynda taraǵan-tyn. S.Balqybekov energetıka mınıstri bolyp 2008 jylǵa deıin jumys istegen bolatyn. Ol qyzmetinen eldegi energetıkalyq daǵdarysqa baılanysty alastatylǵan-tyn. Artynsha S.Balqy­be­kov «Elektr stansalary» AAQ-tyń bas dırektory laýazymyna taǵaıyndalsa, bılik aýysqan soń oǵan qyzmet babyn asyra paı­da­landy degen aıyp taǵylyp, ol elden qashýǵa májbúr bolǵan edi. QÝǴYNDAǴY ISLAMShYL ELINE ORALDY 22 jyl boıy qýǵynda bolǵan ıslam­shy­lardyń kósemi Rashıd Gannýshı el basshysy Ben Álı taǵynan taıdyrylǵan soń óz otany – Týnıske qaıta oraldy. Ony áýejaıda myńdaǵan jaqtasy qarsy alsa, qarsylastary da tóbe kórsetken. Gannýshı «An-Nahda» («Qaıta órleý») ıslam partııasyn 1981 jyly qurǵan eken. Endi burynǵy qýǵyn kórýshi partııasyn resmı tirkeýden ótkizip, aldaǵy saılaýǵa qatysatynyn jarııalap úlgerdi. Jalpy, Gannýshı 1970-jyldary radıkaldy musylman dinin ustanýshy retinde tanylǵan bolatyn. Osyndaı birjaqty kózqarasy  úshin eldegi bılikke jáne ózge dindi ustanýshylarǵa jaqpaı, solardyń qyryna iligip, ómir boıy túrmede otyrýǵa kesilgen soń, elden qashýǵa májbúr bolǵan edi. Búginde ol óziniń ıslamǵa qatysty ustamdy kózqarasta ekenin bildirýge umtylyp otyrǵan sekildi. Kóksegeni – el halqynyń kóńilinen shyǵyp, prezıdent ataný. QYSQA QAIYRYP AITQANDA: • Sınaı túbeginde oryn tepken kýrortty qala – Sharm-ál-Sheıhke Egıpet áskeriniń bólimsheleri engizildi. Olar eldiń týrıstik aýdandarynyń qaýipsizdigin qamtamasyz etpek. О́ıtkeni, týrızm – Mysyrdaǵy asa iri tabys kózi. • Bolıvııanyń ońtústik-shyǵysyndaǵy ózenderdiń biri erneýinen asyp ketýi saldarynan 34 adam qaza tapty. Tasqynǵa tolassyz jaýǵan nóser jańbyr sebep bolsa kerek. • Qyrǵyzstannyń qarjy mınıstri Chorobek Imashev otstavkaǵa ketti.  Ol óziniń bul sheshimine depýtattarmen aradaǵy túsinispestik týyndatqan janjal sebep bolǵanyn kóldeneń tartty. Ch.Imashev atalǵan laýazymǵa ótken jazdyń ortasynda kelgen bolatyn. • Máskeýdiń Domodedovo áýejaıyndaǵy lańkestikke qatysy bar degen kúdikpen daǵystandyq Ibragımhalıl Daýdov jasaǵynyń birneshe ókili ustaldy. Olarǵa jańa jyl túninde de lańkestik jasamaq boldy degen aıyp taǵylyp otyr. Internet materıaldary negizinde ázirlendi.