Adam úshin qyzmet etýi tıis

Jalpy, Almaty oblysynda 22 mln. 356 myń gektar jer bar. Onyń ishin­de aýylsharýashy­lyq alqaptary 15 mln. 848 myń ga bolady. Byl­tyrǵy jyly 319 mln. 500 myń teńgege 21 myń 800 ga jer satyldy. Sharýa qojalyqtaryn uıymdastyrý jáne aýyl sharýashylyǵy salasyn damytý úshin konkýrstyq negizde 363 myń 221 ga aýyl sharýashylyǵy maq­satyndaǵy jer berildi. Oblys boıynsha aýyl sharýashylyǵy maqsatyndaǵy jerge 2011-2014 jyldary júrgizilgen tekserý jáne túgendeý jumystary nátıjesinde paıdalanylmaı bos jatqan 610 myń 30 ga jer bar ekendigi anyqtaldy. Sol jerdiń 285 myń 660 gektary memleket menshigine qaıtarylyp, 324 myń 640 ga jerdi paıdalanýǵa alǵan tulǵalar ıgerdi. «100 naqty qadam» Ult Jos­pa­ry­nyń 35-qadamyna sáıkes, aýyl­sharýashylyq jerlerin tıimdi paıdalaný úshin naryqtyq aınalymǵa engizý maqsatynda Jer kodeksiniń toǵyz babyna ózgerister engizilgeni belgili. Jer kodeksiniń 24-babyndaǵy ózgeristerge sáıkes memleket menshigindegi aýyl sharýashylyǵy maqsatyndaǵy jer tek aýksıon arqyly ǵana jekemenshikke satylady. 101-bapqa sáıkes jalǵa alý quqyǵy oralmandarǵa, sheteldikterge, azamattyǵy joq adamdarǵa, sheteldik zańdy tulǵalarǵa jıyrma bes jylǵa deıingi merzimge beriletin bolady. 48-bapqa sáıkes jer ýchaskesin satyp alý jer ýchaskesiniń kadastrlyq qunyn arttyrý shartymen saýda-sattyqtyń aýksıondyq nysany arqyly jáne jer ýchaskesin onyń kadastrlyq qunyn arttyrý shartymen keminde, eki aýksıon ótkizý qorytyndylary boıynsha satý múmkin bolmaǵan kezde jer ýchaskesiniń kadastrlyq qunyn tómendetý shartymen saýda-sattyqtyń aýksıondyq nysany arqyly erekshe tártippen júzege asyrylady. Bul rette jer ýchaskesin onyń kadastrlyq (baǵalaý) qunynyń elý pa­ıyzy mólsherinen tómen baǵaǵa satýǵa jol berilmeıdi. Saýda-sattyqtaǵy (konkýrstardaǵy, aýksıondardaǵy) obektiniń eń tómengi baǵasy Jer kodeksiniń 14-1 jáne 153-baptarynda belgilengen memlekettik jer kadastryn júrgizetin «Azamattarǵa ar­nalǵan úkimet» memlekettik korporasııasy belgilegen jer qatynastary jónindegi ýákiletti organy quzyretteri sheginde bekitken kadastrlyq (baǵalaý) qunynan tómen emes mólsherde bel­gilenedi. Jer ýchaskelerine bekitilgen bazalyq stavkalarǵa sáıkes, topyraqtyń qunar­lylyǵyna qaraı aýyl sharýashylyǵy maqsatyndaǵy jerdiń 1 gek­tar quny: sýarmaly egistik úshin – 82,0 – 127,0 myń teńge, tálimi egistik – 14,0 – 31,0 myń teńge, jaıylym – 2,0 – 10,0 myń teńge, shabyndyq 12,0 – 13,0 myń teńgeni quraıdy. Sheteldik azamattar, aza­mattyǵy joq adamdar jáne sheteldik zańdy tul­ǵalar aýksıonǵa qatysa almaıdy. «100 naqty qadam» Ult Josparynyń 36-qa­damynda, jer ýchaskelerniń paıdalaný maqsatyn ózgertýge ruqsat alý resimderin jeńil­detý kózdelgen. Qazirgi qoldanystaǵy jer zańnamasynyń talaptaryna sáıkes, jer ýchaskesiniń nysanaly maqsatyn ózgertý týraly ótinish kelip túsken kezinen bastap kúntizbelik otyz kúnge deıingi merzimde qaralady. Atalǵan qyzmet túri memlekettik qyzmet kór­setý tizilimine engizilgen. 97-baptyń 3-tarmaǵyna engizilgen ózgerister boıynsha aýylsharýashylyq óndirisin júrgizý úshin berilgen jer ýchaskelerinde aýyl sharýashylyǵyn júrgizýge baılanysty obektiler salý kezinde mundaı jer ýchaskesiniń nysanaly maqsatyn ózgertý talap etilmeıdi. Oblys aýmaǵynda barlyǵy 61 myń 126 aýylsharýashylyq sýbektileri bar. Jer kólemi 8 mln. 500 myń ga, onyń 6%-y ǵana jekemenshikte, kólemi 550 myń 300 gektardy quraıdy. Qalǵan sharýashylyqtardyń 94% jer kólemi, ıaǵnı 7 mln. 950 myń ga ýaqytsha jer paıdalaný quqyǵynda. Jer qatynastaryn retteý jáne aýyl sharýashylyǵy maqsatynda paıdalanylmaıtyn jerlerge monıtorıng júrgizý úshin oblystyń aýyldyq okrýgter, aýdandar (qala) boıynsha aýylsharýashylyq alqaptarynyń keshendi kartasy ázirlendi. Oblys kóleminde ázirlengen karta árbir jer paıdalanýshyǵa jer alqaptary bo­ıynsha tolyq málimet alýǵa, sondaı-aq, memlekettik mańyzy bar ınvestısııalyq jobalardy, jerlerdi memleket muqtajy úshin alyp qoıý maqsatynda olardy rezervke qoıý kezinde jer ýchaskesin tańdaýǵa múmkindik beredi. Kartanyń málimetteri (jer sanattary, paıdalanylmaı jatqan jerlerdiń kólemi, sýarý júıeleriniń jaǵdaıy) jyl saıyn jańartylyp turady. Qazaqstan Respýblıkasy Jer kodeksine engizilgen ózgeristerge túsindirme jumys­taryn júrgizý maqsatynda oblystyq kásip­kerler palatasymen aýdan, qala jer paıdalanýshylarmen beınekonferensııa­lar ótkizildi.  Jolan ÝMAROV, Almaty oblystyq jer qatynastary basqarmasynyń basshysy Taldyqorǵan