Elbasy Nursultan Nazarbaev Memlekettik qyzmet salasyndaǵy óńirlik habtyń basqarýshy komıtetiniń tóraǵasy Álıhan Baımenovti qabyldady, dep habarlady Prezıdenttiń baspasóz qyzmeti.
Kezdesý barysynda Á.Baımenov Memleket basshysyn О́ńirlik habtyń osy kezeńge deıingi jumysynyń qorytyndylary men aldaǵy josparlary jóninde habardar etti.
Habtyń Ornyqty damý maqsattaryna qol jetkizý jolynda óńirlik jáne óńiraralyq yntymaqtastyqty damytýǵa úles qosyp otyrǵany, qazirgi kezde Sıngapýr ortalyǵymen birge onyń memlekettik qyzmet salasynda bilim men tájirıbe bólisetin tanymal uıymǵa aınalǵany atap ótildi.
Budan bólek, Astana habyna qatysýshylardyń sany 34 el men 5 halyqaralyq uıymǵa deıin ósti. BUU, EYDU, Eýropalyq odaq, AQSh, Qytaı, Koreıa, Túrkııa jáne TMD elderi oǵan qatysýshy jáne seriktes bola otyryp, bul platformanyń tıimdiligin aıtyp, habtyń is-sharalaryn birge qarjylandyrýda.
Memleket basshysy kezdesý qorytyndysy boıynsha otandyq memlekettik qyzmet salasyn jetildirý úshin ınnovasııalar men ozyq halyqaralyq tájirıbelerdi engizýdi tapsyrdy.