Sezd – baǵaly bastamalarymyzdyń biri

Búgingi tańda Qazaqstan Res­pýblıkasynyń Prezıdenti bas­tamasymen 2003 jyldan bastaý alǵan Álemdik jáne dástúrli dinder lıderleriniń sezi búkil álemdik qoǵamdastyqtyń jáne Qazaqstannyń qoǵamdyq-saıa­sı ómirindegi eń mańyzdy jáne eleýli bastamalardyń biri bolyp tabylady. Sezge álem­niń túkpir-túkpirinen ártúr­li dinder men konfessııalar ókil­deriniń qaty­sýshylary qura­mynyń ózi álemdik dinderdi biriktiretin jalpy­adam­zattyq irgeli qaǵıdattar men etı­ka­lyq normalardan habar beredi. Sonaý 2003 jyly ótken I Sez­ge qatysýshylardyń óz úndeýinde kóter­gen «Dinı senimder men us­ta­­nym­dardyń ártúrliligi óz­ara kúmán­daný, kemsitý jáne jábir­leýge emes, kerisinshe, árbir din men mádenıettiń ózin­dik bire­geıli­gin kór­­setetin úılesim­diligine alyp kelýi kerek» degen basty oı­­dy odan keıingi ótken sezderge qa­­tysýshylar bekem ustanyp keledi. О́z dinı senimińdi erkin ustaný jáne jer betinde Qudaıdyń adam­zatqa bergen eń úlken syıy bolyp tabylatyn beıbitshilikti, óz­ara kelisim men ózara senimdi saq­tap qalýǵa umtylýdan kórinis taba­tyn jaýapkershilik – Astana forý­myna qatysýshylardy birik­tire­tin basty qundylyq ekenine senemin. Dál osy ortaq qundylyqtar ár­­qaısymyzdyń nanym-senim­de­­ri­mizdiń ózgeshelikterine qara­mas­tan, qoǵamda dinaralyq kelisim men aýyz­birshilikti ornyqtyrýǵa b­a­ǵyt­­­tal­ǵan máselelerdi kelis­sóz­­­der úste­lin­de talqylaý úshin jı­­n­a­­lýy­­myz­­­dyń irgetasy bolyp tabylady. Qazaqstandaǵy Pravoslavıe shirkeýi óziniń barlyq qyzmet sa­lasynda qoǵamdaǵy adam­ger­shilikti, meıirimdilikti jáne ózara súıis­­­­penshilikti qoldaýǵa umtylady. 2015 jyly ótken Álemdik jáne dás­túrli dinder lıderleriniń sezi óte mándi maǵynaǵa ıe sha­ra­­men aıaqtaldy. Forýmǵa qaty­sý­­shylar «Máńgilik El» dańq qaq­pasy mańynda ornalasqan «Rý­ha­­nı jarasym» alleıasynyń sal­­­­ta­­­­n­at­­­­ty ashylýyna qatysyp, ózde­­­ri­­niń ataý­ly aǵash kóshetterin otyrǵyzdy. Astana dinaralyq forýmy da álem elderi men halyqtary arasynda beıbitshilik pen baýyr­maldyq rýhynyń saltanat qu­rýyna yqpal etýi tıis eken­digi se­kildi bul aǵash­tar da ýaqyt óte kele tamyryn keń­ge jaıyp, jaı­qalyp ósip, Asta­na turǵyn­dary­nyń boıyna tatý­lyq sezimin uıalatatynyna senimdimin. Qazaqstan Respýblıkasynyń Prezıdenti N.Á.Nazarbaev keıde din­di quspen teńeıdi. Shynymen de, senim adamǵa qanat bitiredi, onyń bar­lyq umtylystaryn rýh­tan­­dy­ryp, kóńiline úmit uıalatady jáne ony máńgilikke qatysty etedi. Osy ǵa­jaıyp qus budan ári qaraı da biz­­diń keń-baıtaq jeri­mizde qa­lyq­taı bersin. Elimizde álem­dik jáne dástúrli dinderdiń tatýlyǵy arta bersin. ALEKSANDR, Qazaqstandaǵy Orys pra­voslavıe shirkeýi Mıt­ro­­po­lıt okrýginiń bas­shysy