Aqtaýda bıyl ekinshi ret «Rallı Qazaqstan-2016» avtojarysy bastaldy. Aıtýly jarysqa Qazaqstanmen birge Reseıdiń, Ýkraınanyń jáne Lıtvanyń avtoshabandozdary qatysýda. Bes kezeńnen turatyn rallı-reıd jarysy barysynda ekıpaj músheleri jol talǵamaıtyn kólikterimen Aqtaý qalasy men Kendirli shyǵanaǵy arasyndaǵy oıly-qyrly jerlerdi, taý-qyrattar men qumdy jaǵalaýlardy basyp ótýi tıis. Osy tabıǵı kedergileri bar 2 myń shaqyrym joldy alty kúnniń ishinde júrip ótý mejelengen.
Halyqaralyq avtomobıl federasııasynyń ókilderi kelesi jyly rallı-reıd baıqaýynyń Álem kýbogyn da Qazaqstanda ótkizýleri múmkin.
– «Bizdiń tańdaýymyz Qazaqstanǵa tekten-tekke túsken joq. Eldiń tabıǵı jaǵdaıy men landshaftyń ár alýandyǵy álemdik deńgeıdegi avtosport jarystaryn ótkizýge múmkindik beredi. Sondyqtan kelesi jyly álemdik deńgeıdegi rallı-reıd uıymdastyrýdy kózdep otyrmyz. Ol, árıne, bıylǵy baıqaýdyń qalaı ótetinine tikeleı baılanysty», – deıdi halyqaralyq avtomobıl federasııasynyń ókili Ronan Morgan.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy