UBT tapsyrmalar bazasyn qalyptastyrý qupııasy

Saryla kútken jazǵy demalys ta kelip jetti. Túlekterdiń kóńilderi oryndaryna túsip, barlyǵy mekteppen qoshtasý keshin kútip júr. Elimizdegi basty emtıhan ótkennen keıin Ulttyq testileý ortalyǵynda da jumys aıaqtaldy dep oılap qalýǵa bolady. Biraq olaı emes. Mine, týra osy másele tóńireginde búgin sóz qozǵamaqpyz. Elimizdegi bilim berý júıe­sindegi barlyq syrtqy emtıhandar men monıtorıngter túrlerin uıymdastyrý jáne ótkizýge arnap test tapsyrmalarynyń bazasyn qalyptastyrý UTO-nyń negizgi maqsaty bolyp tabylady. Olarǵa ulttyq biryńǵaı testileý, talapkerlerdi keshendi testileý, oqý jetistikterin syrttaı ba­ǵalaý, jalpy orta bilim berý uıymdaryn memlekettik attes­tattaý, pedagog qyzmetkerlerdiń biliktiligin testileý, qazaq tilin meńgerý deńgeıin baǵalaý júıesi (Qaztest), joǵary bilimnen keıin­­gi bilim alýǵa qabyldaý em­tı­handary jatady. Joǵaryda atalǵan ár emtı­hanǵa jeke dara test tapsyr­malarynyń bazasy qa­lyp­tas­tyrylady. Osy oraıda «Orta bilimge arnalǵan tapsyrmalar bazasyn kimder qalyptastyrady?», degen suraq týyndaýy múmkin. UTO-da jyl boıy 200-den astam qyzmetker eńbek etedi jáne olardyń árqaısysynyń atqa­ratyn belgili bir mindetteri bar. Qazir sizder osy maqalada jańa test tapsyrmasyna ómir syı­­laıtyn, UTO-nyń qyzyqty­ bólimshesi, Orta bilim berýde­gi­ test tapsyrmalaryn qa­lyp­­­­tas­ty­rýdy uıymdastyrý bas­qar­masy týraly aqparat alasyzdar. Testilenýshiniń qolyna emtıhan kezinde jeke ózine arnalǵan suraq-kitapshasyn berý úshin, atalǵan basqarmanyń mamandary ár pán boıynsha test tap­syrmalarynyń nysany, sany, oqý baǵdarlamasynyń baǵalanatyn materıaldary naqtylanǵan qujat  quras­tyrady. Ol qujat – test sıpattamasy dep atalady. Basqarma mamandarynyń atqaratyn kelesi úlken mindeti – mektep muǵalimderine test tapsyrmalaryn qalaı ázirlep, qalaı tekserý kerektigin úıretý bolyp tabylady. Basqar­ma ma­mandary ol úshin elimiz­diń bar­lyq aımaqtarynyń muǵalim­derine jyl saıyn oqytý semınarlaryn júrgizedi. Oqytý semınarlarynyń baǵdarlamasy halyqaralyq tájirıbege súıene otyryp qurastyrylǵan. Muǵalimderdi oqytqannan keıin, test tapsyrmalaryn ázir­leý jumystary júrgizilip, ol tapsyrmalar keminde eki ret saraptamadan jáne elimizdiń mektepterinde aprobasııadan ótedi. Sodan keıin ǵana test tapsyrmalary bazaǵa engiziledi. Sol bazadaǵy test tapsyrmalarynan ár pán boıynsha test nusqalary qalyptastyrylady. Joǵaryda aıtylǵan test tapsyrmalaryn ázirleý mehanızmi jyl boıy júredi. Ol mehanızm Orta bilim berýdegi test tapsyrmalaryn qalyptastyrýdy uıymdastyrý basqarmasyndaǵy ǵylymı-ádistemelik zerthanalarda ótedi. Zerthanalarda joǵary pedagogıkalyq bilimi, mektepte jumys tájirıbesi bar, ártúrli nysandaǵy test tapsyrmalaryn ázirleý ádistemesi boıynsha halyqaralyq sarapshylardan biliktiligin arttyrý kýrstarynan ótken, árqaısysy óz isiniń mamany bolyp tabylatyn 30 qyzmetker jumys isteıdi. Onyń ishinde 1 ǵylym kandıdaty, 15 magıstr bar. Olar birige otyryp test tapsyrmalaryn ázirleý úrdisin uıymdastyrady, emtıhan qorytyndylaryn zertteıdi, ádistemelik, sonymen qatar ǵy­lymı maqalalar jazady, UBT men oqý jetistikterin baǵalaýǵa arnalǵan oqý-ádistemelik qural­daryn shyǵarady. Qorytyndy attestattaýǵa bas­qa sózben aıtqanda, UBT-ǵa ar­nal­ǵan test tapsyrmalaryn qalyp­tastyrýdy uıymdastyrý  zert­hanasynyń meńgerýshisi Jolaman Asaıynov týraly aıryqsha aıtyp ótkimiz keledi. Eńbek ótili 30 jyl, matematıka pániniń muǵalimi J.Asaıynov mektep júıesin óte jaqsy biledi jáne pán muǵalimi retinde alǵan táji­rıbesin test tapsyrmalaryn qu­rastyrý, muǵalimderdi oqytý barysynda barynsha paıdalanady. Bul basqarmada kezdeısoq adamdar jumys istemeıdi, onyń ár qyzmetkeri óz jumysyn tıimdi nátıjege ba­ǵyttaıdy. Bar­lyq qyzmet­kerler birigip test tapsyrmalaryn qurastyrý úrdisin uıymdastyrady, emtıhandardyń nátıjesin zertteıdi, ádistemelik jáne ǵylymı maqalalar jarııa­laıdy, UBT, OJSB-ǵa daıyn­dalýǵa arnalǵan oqý-ádistemelik quraldardy qurastyrady. Bas- q­ar­­ma jyldan-jylǵa kásibı tur­ǵyda ósý ústinde jáne ol eleý­li nátıjelerden kórinis tabýda. Qazirgi ýaqytta qyzmetkerler «Oqýshylardyń bilim sapasyn baǵalaýǵa arnalǵan quraly re­tinde tapsyrma júıelerin joba­laýdyń ǵylymı-ádiste­melik negiz­deri», «Mektep oqýshy­lary­nyń­ aqparattyq-kommýnı­katıv­tik sa­ýattylyǵyn qalyp­tas­tyrý­­dyń ǵylymı negizderi» atty eki ǵy­lymı-zertteý jobasyn ázirleýde. Atalǵan basqarmanyń ujy­my halyqaralyq ǵylymı-táji­rıbelik konferensııalarǵa bel­sendi túrde qatysyp, atqarylǵan jumystar týraly baıandamalar oqıdy. 2015 jyldyń ózinde qyz­metkerler 28 maqala jarııalaǵan. Onyń ishinde: Qazaqstan Respýb­lıkasy baspalarynda – 20, Reseı Federasııasynda – 3, konferensııa jınaqtarynda 5 maqala jaryq kórdi. Ár qyzmetker óz jumysyn jetildirý maqsatynda úırený qabi­letterin jáne jınaqylyq, krea­­tıvtik, ıkemdilik, shap­shań­dyq, qasıetterin damyta otyryp ádis­ker, uıymdastyrýshy, zert­teý­shi retinde óz mindetterin atqarady. QR BǴM «Ulttyq testileý ortalyǵy» RMQK