PETROPAVL. 1 maýsym. Petropavl qalalyq ishki ister basqarmasynyń polıseıleri esirtki satqan 39 jastaǵy qoǵamdyq kólik júrgizýshisin ustady. Bul týraly oblystyq ishki ister departamentiniń baspasóz qyzmetine silteme jasaǵan egemen.kz tilshisi habarlady.
«DSR – Jumysshy kenti» baǵytyna qatynaıtyn avtobýs júrgizýshisi bir jarym gramnan astam geroın satqan. Ony qolǵa túsirgen kezde esirtki satýdan tapqan aqsha da tabyldy», – deıdi polıseıler.
Atalǵan fakt negizinde Qylmystyq kodekstiń 296-baby boıynsha sotqa deıingi tergeý amaldary júrgizilýde. Polıseılerdiń aıtýynsha, kúdikti osy bap boıynsha 7 jylǵa deıin bas bostandyǵynan aıyrylýy múmkin.
Búgingi tańda kúdikti jumys istegen kásiporynda da kýálar surastyrylýda.
«Polıseıler jyl basynan beri 100 kılodaı esirtki tárkiledi. Onyń 104 gramy – geroın. 64 esirtkige oqıǵasyna qatysty qylmys anyqtaldy», – deıdi qalalyq ishki ister basqarmasynyń esirtki bıznesine qarsy kúres bólimi basshysy Danııar Naıkın.
О́mir Esqalı.
Derek: Soltústik Qazaqstan oblystyq ishki ister departamentiniń baspasóz qyzmeti.
Foto: egemen.kz.