ASTANA. 1 maýsym. Túrkııanyń Adana qalasynyń turǵyny Mehmed Djýneıt jylaı bergeni úshin óziniń 4 jasar qyzyn urp-soǵyp, sońynan kósheden ótip bara jatqan qoqys jınaıtyn kóliktiń qorabyna atyp jibergen. Bul týraly túriktiń Sozcu gazetiniń deregine silteme jasaǵan egemen.kz tilshisi habarlady.
Basylym atap ótkendeı, Mehmed Djýneıtti qyzynyń anasy jumysyna ketken boıda jylaı bastaǵany qatty jyndandyrǵan. Ol aldymen jylaǵan balany uryp toqtatpaq bolady. Biraq kishkentaı qyz sodan keıin de basylmaıdy. Sol kezde er kisi ony kóterip alady da, úıdiń janynan aqyryn jyljyp ótip bara jatqan qoqys jınaýshy mashınanyń qorabyna laqtyra salady.
Qudaı saqtaǵanda, kóliktiń júrgizýshisi tıisti jerine jetip, qoraptaǵy qoqystardy avtomatty tetiktiń kómegimen aýdaryp tastamaq bolyp jatqanynda, aınadan qyzdy kórip qalady. Sońǵy sátte tetikti toqtatyp úlgergen ol, sonymen birge quıtaqandaı qyzdy da asyǵyp kelgen ajaldyń aranynan saqtap qalady.
Kommýnaldyq mekemeniń jumysshysy kishkentaı qyzdy óziniń aıtýymen úıine jetkizedi. Al balanyń anasy osy oqıǵaǵa baılanysty polısııaǵa kúıeýiniń ústinen aryz túsiredi. «Haıýandar da balalaryna muny jasamaıdy», deıdi ol shaǵym berý kezinde. Osydan keıin tártip saqshylary kúıik-ákeni qamaýǵa alady.
Talǵat Raıymbek.
Derek, foto: Sozcu.