ASTANA. 1 maýsym. Qyzylorda qalasynda 1 maýsym – Halyqaralyq balalardy qorǵaý kúni merekesine oraıda qýyrshaq teatry ashyldy. Bul týraly 24.kz-ke silteme jasaǵan egemen.kz tilshisi habarlady.
Búgin «Ádemi» balalar mýzykalyq teatrdyń shymyldyǵy Grıgorıı Osterdiń «Mazasyz tıin» atty qoıylymymen túrildi. Spektakl jelisinde jan-janýarlar obrazy arqyly dostyq pen qamqorlyq nasıhattalady. Sonymen qatar, úlkenge qurmet, kishige izet jáne álsizge kómek kórsetý syndy adamı qundy qasıetter baıandalady.
Teatr ártisteriniń barlyǵy arnaıy kórkemdik irikteý baıqaýynan ótken jergilikti ónerpazdar. О́ner ujymynyń alǵashqy qoıylymy tegin kórsetildi. Súıikti ertegi keıipkerlerimen qaýyshyp, qyzyqty oıyndar qyzyǵyna batqan balǵyndarǵa bul tamasha tartý boldy. Oblystyq fılarmonııa janynan qurylǵan qýyrshaqtar teatry endi aýyl-aımaqty aralap, shalǵaıdaǵy búldirshinderdi de udaıy qýantyp turady.
«Mýzykalyq balalar teatr – stýdııasynyń aldaǵy jumys jospary aýqymdy. Qazir repertýar tańdaý baǵytynda jan-jaqty jumystar atqaryp jatyrmyz. «Balalar – eldiń erteńi» atty úlken sharamyzǵa mádenıet basqarmasyna qarasty kóptegen mekeme atsalysty. Balalarǵa tegin balmuzdaqtar taratyp, syılyqtar úlestirip, estafetalyq «Bala kózimen» degen túrli sýret salý saıysyn ótkizdik», – deıdi Qyzylorda oblystyq fılarmonııanyń dırektory Talǵat Maqashev.
Talǵat Raıymbek.
Derek: 24.kz.
Foto: youtube.com.