ASTANA. 1 maýsym. Walk Free Foundation qory jyl saıynǵy álemdik quldyq ındeksin jarııalady. Bul týraly inform.kz-ke silteme jasaǵan egemen.kz tilshisi habarlady.
Málimetter 167 elden jınalǵan. Mamandar qazirgi tańda jer betinde 45,8 mıllıon adamnyń quldyqta júrgenin aıtty. Bul kórsetkish 2014 jylmen salystyrǵanda 28 paıyzǵa, ıaǵnı on ese artqany anyqtaldy. Walk Free Foundation málimetteri boıynsha, olardyń sany Ispanııa, Kenııa sol sııaqty Argentına elderimen birdeı.
Qazirgi tańda Úndistanda 18,35 mıllıon adam bostandyǵynan aırylǵan. Al Azııa elderi bul tizimde alǵashqy bestikke engen. Ekinshi orynda Qytaı. Aspanasty elinde 3,39 mıllıon adam quldyqta júr. Sonymen qatar, Pákistanda 2,13 mıllıon, Bangladeshte 1,53 mıllıon adam bar.
Al Lıýksembýrg, Irlandııa, Norvegııa, Danııa, Shveısarııa, Avstrııa, Shvesııa, Belgııa, AQSh jáne Kanada bul tizimde sońǵy oryndardan kórindi. Mamandar bul elderde kórsetkishtiń tómendigin ekonomıkalyq jaǵdaıdyń turaqtalǵanymen baılanystyrady.
Aıan Ábdýálı.
Derek, foto: inform.kz.