Senat komıtetteriniń tóraǵalary Ikram Adyrbekov pen Serik Aqylbaı «Dinder terrorızmge qarsy» halyqaralyq konferensııasyna qatysý úshin Astanaǵa kelgen GFR Býndestagynyń depýtaty, Eýropa Keńesi Parlamenttik Assambleıasyndaǵy Germanııa delegasııasynyń basshysy Aksel Fıshermen kezdesti.
Kezdesý barysynda I.Adyrbekov meımanǵa bul sapardyń eki el parlamentteri arasyndaǵy ózara is-qımylǵa jańa serpin beretinine, sondaı-aq, EKPA jáne EQYU PA aıasyndaǵy Qazaqstan men Germanııa delegasııalary arasyndaǵy jemisti yntymaqtastyqqa járdemdesetinine senim bildirdi.
S.Aqylbaı meımandy «100 naqty qadam» Ult Josparyn iske asyrý aıasyndaǵy Parlamenttiń qyzmeti, sondaı-aq, zań ústemdigin qamtamasyz etýge baǵyttalǵan sot júıesiniń reformalaryn júzege asyrý barysy týraly habardar etti.
A.Fısher terrorızm men ekstremızm qaterlerimen kúres maqsatynda dinı jáne saıası qaıratkerlerge ashyq únqatysý úshin ortaq alań usynǵan Qazaqstannyń úlesin joǵary baǵalady.
Kezdesýge Qazaqstan Respýblıkasy Parlamenti Senatynyń depýtaty Georgıı Kım jáne EKPA Saıası máseleler jónindegi komıtetiniń hatshysy Pavel Shevchenko qatysty, dep habarlady Parlament Senatynyń baspasóz qyzmeti.