ASTANA. 2 maýsym. Elordada 7-15 jastaǵy oqýshylar 1 maýsym men 31 tamyz aralyǵynda qalaishilik qoǵamdyq kólikterde tegin júretin boldy. Bul týraly astana.gov.kz-ke silteme jasaǵan egemen.kz tilshisi habarlady.
Osy jyldyń mamyr aıynan bastap qaladaǵy mektep oqýshylaryna ataýly kólik kartalary berile bastady. 7-15 jastaǵy balalarǵa atalǵan kartalar oqý oryndarynda nemese ata-anasynyń qatysýymen ASTRA PLAT kartalary arnaıy belgilengen oryndarda tegin taratyldy. Osy oraıda aıta keteıik, 2015 jyly fototirkeýden ótpegen jáne kólik kartasyn almaǵan balalar mamandandyrylǵan ASTRA PLAT kassalaryna barýy tıis. Mamandandyrylǵan kassalar men kartalardy berý pýnktteri ornalasqan oryndar týraly 20 maýsymnan keıin qosymsha habarlanatyn bolady.
Atalǵan elektrondy jolaqy tóleý júıesin qoldanysqa engizýge baılanysty uıymdastyrylǵan aksııa balalardyń kólik kartalaryn paıdalaný kerektigin úıretedi. Aıta keteıik, 1 qyrkúıekten bastap oqýshylar qoǵamdyq kólikterde 50 paıyz jeńildikpen júretin bolady. Al ataýly kólik kartalaryn almaǵan balalar qalalyq qoǵamdyq kóliktermen oqý ornynan berilgen anyqtamany kórsetip, tegin júre alady.
Talǵat Raıymbek.
Derek, foto: astana.gov.kz.