KО́KShETAÝ. 2 maýsym. Aqmola oblysynda turatyn 78 jastaǵy qarııa óziniń 58 jastaǵy súıikti áıelimen bas qosty. Bul týraly «Ekspress K» gazetiniń deregine silteme jasaǵan egemen.kz tilshisi habarlady.
«Aqmola oblysynda 78 jastaǵy ataı 58 jastaǵy súıiktisine úılendi. Kúıeý jigit dástúrge saı toı ótkizdi», - dep jazady basylym.
Oblystyq ádilet departamentiniń málimetine qaraǵanda, Aqmola óńirinde 2016 jyldyń alǵashqy tórt aıynda 1 450 jup bir-birlerimen taǵdyrlaryn qosqan. Olardyń 87-si sheteldik azamattarǵa turmysqa shyqqan. Shańyraq qurǵan jigitterdiń orta jasy 30 bolsa, qyzdar 28 shamasynda.
«Úılengender arasyndaǵy eń jasy 17-ge endi tolsa, turmys qurǵandar qatarynda 16-daǵy jasóspirim qyz bar. Eń jasy úlken er kisi 78-de bolsa, áıel 73-te», - dedi ádilet departamentiniń bólim jetekshisi Bota Seıfýllına.
Endigi bir qýanyshty jaǵdaı, oblysta demografııalyq dúmpý bar! Osy esepti kezeńde 4 926 bóbek týylǵan. О́tken jyldyń osy ýaǵymen salystyrǵanda, bul – 296 búldirshinge artyq. Sol sııaqty ajyrasýshylar qatary edáýir azaıǵan.
Baqbergen Amalbek.
Derek, foto: Ekspress K.