Kanadalyq ataqty hokkeıshi, Stenlı Kýbogynyń tórt dúrkin ıegeri Gordı Hoý 10 maýsym, juma kúni 88 jasynda dúnıe saldy.
«Áli anyqtalmaǵan aqpar boıynsha, Ogaıoda tańerteńgilik saǵat 07:58-de Gordı Hoý qaıtys boldy», dep jazady Kempbell.
«Detroıt Red Ýıngz» klýby keıinirek Twitter-degi óz paraqshasynda aty ańyzǵa aınalǵan hokkeıshiniń baqılyq bolǵanyn rastap berdi.
Hoý 2014 jyldyń kúzinde ınsýlt alyp, denesiniń bir jaǵy jansyzdanyp qalǵan edi. 2015 jyldyń qańtarynda onyń bireýdiń kómeginsiz óz betinshe júre almaıtyny belgili boldy.
Gordı Hoý Stenlı Kýbogyn«Detroıt Red Ýıngz» quramynda 1950, 1952, 1954, 1955 jyldary jeńip aldy. Ol Ulttyq hokkeı lıgasynda (UHL) 25 maýsym óner kórsetti, taǵy 10 jyl basqa lıgalarda oınady. Hokkeıshi UHL –da 1767 match ótkizdi. Oıynshylyq mansabyn tek 52 jasynd ǵana aıaqtady.
Murat Aıtqoja.
Foto: inoprokhl.ru