2015 jylǵy 19 naýryz, Astana qalasy
Jergilikti ózin-ózi basqarý organdaryna transfertter berý qaǵıdalaryn bekitý týraly
Qazaqstan Respýblıkasynyń 2008 jylǵy 4 jeltoqsandaǵy Bıýdjet Kodeksiniń 35-babynyń 6-tarmaǵyna sáıkes buıyramyn:
1. Jergilikti ózin-ózi basqarý organdaryna transfertter berý qaǵıdalary bekitilsin.
2. Qazaqstan Respýblıkasy Qarjy mınıstrliginiń Bıýdjet zańnamasy departamenti (Z.A. Ernazarova) zańnamada belgilengen tártippen:
1) osy buıryqtyń belgilengen tártippen Qazaqstan Respýblıkasy Ádilet mınıstrliginde memlekettik tirkelýin;
2) osy buıryqtyń Qazaqstan Respýblıkasy Ádilet mınıstrliginde memlekettik tirkeýden ótkennen keıin on kúntizbelik kún ishinde merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalanýyn;
3) osy buıryqty Qazaqstan Respýblıkasy Qarjy mınıstrliginiń resmı ınternet-resýrsynda ornalastyrýdy qamtamasyz etsin.
3. Osy buıryq 2015 jyldyń 1 sáýirinen bastap qoldanysqa engiziledi jáne resmı jarııalanýǵa tıis.
Mınıstr B.SULTANOV
«KELISILDI»
Qazaqstan Respýblıkasy Ulttyq ekonomıka
mınıstri ________________ E.DOSAEV
2015 jylǵy 1 sáýir
Qazaqstan Respýblıkasy Qarjy mınıstriniń 2015 jylǵy 19 naýryzdaǵy №195 buıryǵymen bekitilgen
Jergilikti ózin-ózi basqarý organdaryna transfertter berý qaǵıdalary
1. Jalpy erejeler
1. Osy Jergilikti ózin-ózi basqarý organdaryna transfertter berý qaǵıdalary (budan ári-Qaǵıda) Qazaqstan Respýblıkasynyń 2008 jylǵy 4 jeltoqsandaǵy Bıýdjet Kodeksiniń 35-babynyń 6-tarmaǵyna sáıkes ázirlendi jáne jergilikti ózin-ózi basqarý organdaryna transfertter berý tártibin aıqyndaıdy.
2. Jergilikti ózin-ózi basqarý fýnksııalaryn iske asyrý úshin jergilikti ózin-ózi basqarý organdaryna beriletin oblystyq bıýdjetterge jáne aýdandardyń (oblystyq mańyzy bar qalalardyń) bıýdjetterine mynadaı túsimder:
1) aýdandyq mańyzy bar qala, aýyl, kent, aýyldyq okrýg aýmaǵynda tirkelgen jeke tulǵalardyń tólem kózinen salyq salynbaıtyn tabystary boıynsha jeke tabys salyǵy;
2) múlki aýdandyq mańyzy bar qala, aýyl, kent, aýyldyq okrýg aýmaǵynda ornalasqan jeke tulǵalardyń múlkine salynatyn salyq;
3) jer ýchaskesi aýdandyq mańyzy bar qalada, aýylda, kentte ornalasqan jeke tulǵalardan alynatyn, eldi mekender jerlerine salynatyn jer salyǵy;
4) aýdandyq mańyzy bar qalada, aýylda, kentte tirkelgen jeke tulǵalardan alynatyn, kólik quraldaryna salynatyn salyq jergilikti ózin-ózi basqarý organdaryna beriletin transfertter bolyp tabylady.
2. Transferterdi berý tártibi
3. Bıýdjetti atqarý jónindegi ortalyq jáne jergilikti ýákiletti organdar aýdandyq mańyzy bar qala, aýyl, kent, aýyldyq okrýg ákimimen birlesip jyl saıyn ár jyldyń 1-kúnine osy Erejeniń 2-tarmaǵynda kórsetilgen túsimder túrleri boıynsha aýdandyq mańyzy bar qala, aýyl, kent, aýyldyq okrýg bólinisinde salyq tóleýshiler tizbesin bekitedi:
1) tólem kózinen salyq salynbaıtyn tabystary boıynsha jeke tabys salyǵy boıynsha - jeke sáıkestendirý nómirlerin (budan ári - JSK) paıdalana otyryp, aı saıynǵy negizinde aýdandyq mańyzy bar qala, aýyl, kent, aýyldyq okrýg bólinisinde naqty túsimder týraly málimet berý bóliginde bıýdjetke túsetin salyq túsimderin alýǵa jaýapty ýákiletti organmen kelisim boıynsha aýdandyq mańyzy bar qala, aýyl, kent, aýyldyq okrýg aýmaǵynda tirkelgen jeke tulǵalardyń tizbesine súıene otyryp;
2) jeke tulǵalardyń múlkine salynatyn salyq boıynsha - aýdandyq mańyzy bar qala, aýyl, kent, aýyldyq okrýg ákiminiń málimetteri boıynsha múlki aýdandyq mańyzy bar qala, aýyl, kent, aýyldyq okrýg aýmaǵynda ornalasqan jeke tulǵalardyń tizbesine súıene otyryp;
3) jeke tulǵalardan alynatyn, eldi mekender jerlerine salynatyn jer salyǵy boıynsha - aýdandyq mańyzy bar qala, aýyl, kent, aýyldyq okrýg ákiminiń málimetteri boıynsha jer ýchaskesi aýdandyq mańyzy bar qalada, aýylda, kentte ornalasqan jeke tulǵalardyń tizbesine súıene otyryp;
4) jeke tulǵalardan alynatyn kólik quraldaryna salynatyn salyq boıynsha - aýdandyq mańyzy bar qala, aýyl, kent, aýyldyq okrýg ákiminiń málimetteri boıynsha aýdandyq mańyzy bar qalada, aýylda, kentte tirkelgen jeke tulǵalardyń tizbesine súıene otyryp jergilikti ózin-ózi basqarý organdary bólinisinde salyq tóleýshiler tizbesin bekitedi.
4. Shyǵystardy josparlaý úshin oblystyq bıýdjet týraly, aýdan (oblystyq mańyzy bar qala) bıýdjetteri týraly sheshimniń jobasyna bıýdjettik zańnamaǵa sáıkes tıisinshe jergilikti ózin-ózi basqarý organdaryna beriletin transfertterdiń aýyldar, kentter, aýyldyq okrýgter arasynda bólinýi qosa tirkeledi.
5. Osy Qaǵıdanyń 2-tarmaǵynda kórsetilgen salyqtardyń tıisti qarjy jylyna arnalǵan tólemder boıynsha jıyntyq qarjylandyrý josparynda kózdelgen, jergilikti ózin-ózi basqarý organdaryna beriletin transfertter somalarynan artyq, ótken qarjy jylyndaǵy túsimderi aǵymdaǵy qarjy jylyna arnalǵan jergilikti bıýdjetti naqtylaý kezinde eskeriledi.
6. Bıýdjetti atqarý jónindegi jergilikti ýákiletti organdar jergilikti ózin-ózi basqarý organdaryna beriletin transfertterdi aýdarýdy aı saıynǵy negizde, osy Qaǵıdanyń 2-tarmaǵynda kórsetilgen salyqtardyń naqty túsimin jáne artyq (qate) tólengen somalaryn qaıtarýdy (esepke jatqyzýdy) eskere otyryp, júzege asyrady.
7. Jergilikti ýákiletti organdardyń jergilikti ózin-ózi basqarý organdaryna aýdarǵan transfertteri Normatıvtik quqyqtyq kesimderdi memlekettik tirkeýdiń tiziliminde № 9934 bolyp tirkelgen, Qazaqstan Respýblıkasynyń Qarjy mınıstriniń 2014 jylǵy 4 jeltoqsandaǵy № 540 buıryǵymen bekitilgen Bıýdjettiń atqarylýy jáne oǵan kassalyq qyzmet kórsetý erejesinde (budan ári - Bıýdjettiń atqarylýy jónindegi ereje) aıqyndalǵan tártippen ashylǵan qolma-qol aqshany baqylaý shotyna (budan ári – QBSh) esepke jatqyzylady.
QBSh Qazaqstan Respýblıkasynyń jergilikti memlekettik basqarý jáne ózin-ózi basqarý týraly zańnamasynda kózdelgen túsimderdiń operasııalaryn esepke alýǵa jáne aýdandyq mańyzy bar qala, aýyl, kent, aýyldyq okrýg ákimderiniń jergilikti ózin-ózi basqarý fýnksııalaryn iske asyrýyna baǵyttalǵan shyǵystardy júrgizýge arnalǵan. Aǵymdaǵy qarjy jylynyń 1 qańtaryndaǵy jaǵdaı boıynsha jergilikti ózin-ózi basqarýdyń QBSh-da paıdalanylmaǵan aqsha qaldyqtarynyń bolýyna jol beriledi.
Jergilikti ózin-ózi basqarýdyń qolma-qol aqshany baqylaý shotyna bılik etýshiler aýdandyq mańyzy bar qalalardyń, kentterdiń, aýyldardyń, aýyldyq okrýgterdiń ákimderi bolyp tabylady.
8. Túsimderden túsken qarajatty paıdalaný úshin jyl saıyn, qarjy jylynyń 20 qańtaryna deıin Bıýdjettiń atqarylýy jónindegi erejesiniń № 126-qosymshasynyń nysany boıynsha aýdandyq mańyzy bar qala, aýyl, kent, aýyldyq okrýg ákimderiniń jergilikti ózin-ózi basqarý fýnksııalaryn iske asyrýyna baǵyttalǵan aqshanyń túsimderi men shyǵystarynyń jospary jasalady.
Aýdandyq mańyzy bar qalanyń, kenttiń, aýyldyń, aýyldyń okrýgi ákimderiniń jergilikti ózin-ózi basqarý fýnksııalaryn iske asyrýyna baǵyttalǵan aqshanyń túsý jáne jumsalý josparyn tıisti aýdandyq mańyzy bar qalanyń, aýyldyń, kenttiń, aýyldyq okrýgtiń ákimi ony qarjy jylynyń 1 aqpanyna deıin jergilikti qoǵamdastyqtyń jınalysynda kelisilgennen keıin bekitedi.
Bekitilgen aýdandyq mańyzy bar qala, aýyl, kent, aýyldyq okrýg ákimderiniń jergilikti ózin-ózi basqarý fýnksııalaryn iske asyrýyna baǵyttalǵan aqshanyń túsý jáne jumsalý josparynyń qoldanylýy aǵymdaǵy qarjy jylynyń 31 jeltoqsanynda toqtatylady.
9. Tólemder Qazaqstan Respýblıkasynyń jergilikti basqarý jáne ózin-ózi basqarý týraly zańnamasynda kózdelgen túsimderden túsetin aqsha esebinen tólemge arnalǵan shot negizinde júzege asyrylady jáne jergilikti ózin-ózi basqarýdyń qolma-qol aqshany baqylaý shotyndaǵy qaldyqtar sheginde júrgiziledi.
Esepti qarjy jylynyń aıaǵynda paıdalanylmaǵan jergilikti ózin-ózi basqarýdyń shotynda qalǵan Qazaqstan Respýblıkasynyń jergilikti memlekettik basqarý jáne ózin-ózi basqarý týraly zańnamasynda kózdelgen túsimderden túsetin qarajat qaldyqtary túsimder men shyǵystar jospary jergilikti qoǵamdastyqtyq jınalysynda naqtylanýy jáne kelisilýi arqyly aǵymdaǵy jyldyń shyǵystaryn qarjylandyrýǵa baǵyttalýy múmkin.
3. Monıtorıng jáne transfertterdiń paıdalanylýy jóninde esep berý
10. Monıtorıng jergilikti mańyzy bar máselelerdi sheshýge transferttermen jáne jergilikti ózin-ózi basqarýdyń basqada kiris kózderine bólingen bıýdjet qarajatyn paıdalaný týraly aqparatty jınaqtaý men júıelendirý maqsatynda júrgiziledi. Monıtorıngti jergilikti qoǵamdastyq komıssııasynyń músheleri josparlanǵan jáne qarajatty paıdalynýda qol jetkizilgen nátıjelerin salystyrý arqyly jarty jylda bir ret júzege asyrady. Qajet bolǵan jaǵdaıda jergilikti qoǵamdastyq jınalysynyń sheshimimen kezekten tys monıtorıng júrgizilýi múmkin.
11. Transferterdi paıdalanylýyna monıtorıngti aýdandyq mańyzy bar qalanyń, aýyldyń, kenttiń, aýyl okrýgi ákimdiginiń apparaty jergilikti ózin-ózi basqarý fýnksııalaryn iske asyrýǵa aýdandyq mańyzy bar qalanyń, aýyldyń, kenttiń, aýyl okrýginiń ákimderi jiberetin aqshanyń túsimderi men shyǵystarynyń bekitilgen jospary negizinde júrgizedi.
12. Aýdandyq mańyzy bar qalanyń, aýyldyń, kenttiń, aýyl okrýgi ákiminiń apparaty osy Qaǵıdanyń qosymshasynda kórsetilgen nysanaǵa sáıkes jergilikti ózin-ózi basqarý transfertterin paıdalaný nátıjeleri týraly esepti kezeńnen keıingi aıdyń 5-i kúnine deıingi merzimde jasaıdy.
13. Transfertterdi paıdalaný nátıjeleri týraly esepti jergilikti qoǵamdastyqtyń komıssııasy múshelerine esepti kezeńnen keıingi aıdyń 10-y kúnine deıingi merzimde usynady.
14. Bıýdjet qarajatyn paıdalaný monıtorıngi Normatıvtik quqyqtyq kesimderdi memlekettik tirkeýdiń tiziliminde № 8762 bolyp tirkelgen, Qazaqstan Respýblıkasynyń Qarjy mınıstriniń 2013 jylǵy 26 tamyzdaǵy №405 buıryǵymen bekitilgen Jergilikti mańyzy bar máselelerdi sheshýge jáne jergilikti ózin-ózi basqarýdyń kiris kózderine bólingen bıýdjet qarajatyn paıdalanýǵa monıtorıng júrgizý ádistemesine sáıkes júrgiziledi.
Bıýdjet qarajatyn paıdalaný monıtorıngi boıynsha qorytyndylardyń nátıjeleri tıisti jergilikti bıýdjetterdi jáne Aqshanyń túsimderi men shyǵystarynyń josparlaryn qalyptastyrý jáne naqtylaý kezinde esepke alynady.
Jergilikti ózin-ózi basqarý organdaryna transfertterdi berý qaǵıdasyna qosymsha
nysan
Jergilikti ózin-ózi basqarý transfertterin paıdalaný nátıjeleri týraly esep
20__ jylǵy 1_____________
Memlekettik mekemeniń ataýy ___________________________________
Merzimdiligi: jartyjyldyq, jyldyq ______________________
О́lshem birligi: myń teńge
Ataýy Jol kody Bir jylǵa bekitilgen jospar Bir jylǵa naqty-lanǵan jospar Jarty jylǵa
jospar Is júzinde oryndalýy Paılalanbaǵan soma qaldyǵy Jarty jyldyq josparǵa oryndalýy % (b.6/b.5) h100 Jyldyq josparǵa oryndalýy % (b.6/b.4) h100
1 2 3 4 5 6 7 8 9
Jyldyń basyna paıdalanbaǵan qarajat qaldyǵy - barlyǵy 010
Esepti kezeńniń túsimderi, barlyǵy (021-025 joldar somasy) 020
onyń ishinde
aýdandyq mańyzy bar qala, aýyl, kent, aýyldyq okrýg aýmaǵynda tirkelgen jeke tulǵalardyń tólem kózinen salyq salynbaıtyn tabystary boıynsha jeke tabys salyǵy 021
múlki aýdandyq mańyzy bar qala, aýyl, kent, aýyldyq okrýg aýmaǵynda ornalasqan jeke tulǵalardyń múlkine salynatyn salyq 022
jer ýchaskesi aýdandyq mańyzy bar qalada, aýylda, kentte ornalasqan jeke tulǵalardan alynatyn, eldi mekender jerlerine salynatyn jer salyǵy 023
aýdandyq mańyzy bar qalada, aýylda, kentte tirkelgen jeke tulǵalardan alynatyn, kólik quraldaryna salynatyn salyq 024
Shyǵystar - barlyǵy 050
Onyń ishinde, shyǵystardyń baǵyttary boıynsha:
Esepti kezeńniń sońynda paıdalanbaǵan qarajat qaldyǵy - barlyǵy 100
Aýdandyq mańyzy bar qalanyń, aýyldyń,
kenttiń, aýyl okrýginiń ákimi __________ ________________
(qoly) (T.A.Á.)
Qarjy qyzmetiniń basshysy ___________ _____________
(qoly) (T.A.Á.)
Kúni _____j. «__»____________
Buıryq Qazaqstan Respýblıkasynyń Ádilet mınıstrliginde 2015 jylǵy 13 sáýirde Normatıvtik quqyqtyq kesimderdi memlekettik tirkeýdiń tizilimine №10704 bolyp engizildi.