Qyrǵyzstannyń «Yntymak» teleradıokompanııasy 9 maýsym kúni jarııalaǵan vıdeo áleýmettik jelidegi basty taqyryptardyń birine aınalyp ketti. Buǵan onda Osh qalasyndaǵy sheneýnikter men kenesh depýtattarynyń jıyndarda qalaı uıyqtap otyratyndary nemese nemen aınalysatyndary kórsetilgeni sebep boldy.
Rolıkte jýrnalıster qala bıliginiń basynda otyrǵan shendiler men shekpendilerdiń halyq senip tapsyrǵan jumystaryna qanshalyqty jaýaptylyqpen qaraıtyndaryn baıqatqylary kelgen. Al sol kúngi otyrysta Osh qalasy damýynyń strategııalyq jospary máselesi qaralypty.
«Yntymak» Osh qalasynyń meri Aıtmamat Kadyrbaevtyń otyrysqa kelmegenin, al qalalyq kenesh spıkeri men vıse-merdiń jıyn bastalar aldynda ketip qalǵanyn atap kórsetedi.
Rolık jurttyń qatty narazylyǵyn týǵyzdy. Áleýmettik jeliler teńselip ketti. Al «Feısbýkti» paıdalanýshy Maksatbek Amangeldıev osyndaı sheneýnikterdi jaýapty oryndarǵa saılap otyrǵan jurttyń ózi kináli ekenin jazypty. «Myna sheneýnikter bizdi 500-1000 sommen aldap ketti. Eger olaı bolmaǵan bolsa, myna jerde bizdiń bolashaǵymyzdy oılaıtyn adamdar otyrǵan bolar edi», - dep jazady ol.
Murat Aıtqoja.
Derek, foto: Kloop.kg.