Úndi polısııasy Delıdegi jeke klınıkalardyń birinde adamnyń búıregi zańsyz satylyp jatqanyn anyqtady.
Quqyq qorǵaý organdary osy derek boıynsha dereý bes adamdy tutqynǵa aldy. Olardyń ishindegi ekeýi Apollo Hospital polıklınıkasynyń qyzmetkerleri bolǵan.
Tártip saqshylarynyń pikirinshe, kúdiktiler jurtty azyn-aýlaq aqshaǵa – 7,5 myń dollarǵa bir búıregin satýǵa kóndiredi eken. Qaskóıler sosyn osy organdardy qara bazarda satyp, aıtarlyqtaı kóp aqsha tabatyn kórinedi.
Polıklınıka qyzmetkerleri ózderine bul búırekterdiń qandaı jolmen keletinin jaqsy bilse kerek. Qylmystyq top músheleri bulardy naýqasqa operasııa jasalar kezde týystary óz búırekterin bergendeı etip toltyryp, jalǵan qujattar daıyndap alatyn bolyp shyqty.
Al aýrýhana basshylyǵynyń ózi bolsa, qylmyskerlerdiń aldaýlaryna túsip qalǵandaryn aıtyp otyr. Sondyqtan polısııamen birge jumys jasasýǵa daıyn ekenderin bildirdi.
Talǵat Raıymbek.
Hronika.info