Ázerbaıjan adamdardyń soqyr bolyp qalý jaǵdaılarymen kúresýdiń jańa tásili ómirge keldi. Respýblıka mıllı medjlısi densaýlyq saqtaý komıteti tóraǵasynyń orynbasary Isa Gýlıev osyny jetkizdi.
Onyń aıtýynsha, búgingi tańdaǵy mańyzdy máselelerdiń biri kóz aýrýlarynyń aldyn alý maqsatynda kóz qarashaǵyn almastyryp salý bolyp otyr. Bul úshin ólgen adamnyń kózin paıdalaný usynylady.
«Ázerbaıjanda qazirgi tańda operasııanyń ýaqytynda jasalmaýynan myńdaǵan adam kórý qabiletterinen aırylyp qalyp jatqan shyǵar. Bizdiń kóz aýrýlary ınstıtýtynda onyń túzetýdiń barlyq jaǵdaılary jasalǵan, jaqsy kadrlar da jetkilikti. Mine, olar ólken adam kóziniń qarashyǵyn aýrý kisige almastyryp salyp bere alady», - dedi ol.
Isa Gýlıev ondaı praktıkanyń kórshiles Iran memleketinde bar ekenin aýyzǵa aldy. Onda kóz qarashyǵynyń arnaıy banki jasalǵan.
«Bank kóz qarashyqtaryn shetelderge de satady. Jáne baǵalary onshalyqty qymbat ta emes. Osyǵan baılanysty bizdiń zańnama men keden tártibine azdaǵan ózgeris engizý kerek, sol kezde Ázerbaıjanǵa sol jaqtan kóz qarashyqtaryn esh kedergisiz alyp kele alamyz. Osylaısha myńdaǵan adamdy sý qarańǵy soqyr bolyp qalýdan saqtar edik. Bul – ózekti másele, sondyqtan men ony kún tártibine engizýdi suraımyn», - dedi depýtat.
Talǵat Raıymbek.
Derek: oxu.az.
Foto: bnews.kz.