Aqtóbede izdeý salynǵan lańkesterdiń úsheýi de qolǵa tústi. Ulttyq qaýipsizdik komıtetiniń habarlaýynsha, aldymen 33 jastaǵy Baqyt Qýanyshbaev pen 27 jastaǵy Álibek Aqpanbetov qolǵa túsken. Munan keıin 26 jastaǵy Arsen Tańatarov ta kúshtik qurylymnyń qyraǵylyǵynyń arqasynda ustalǵan. Sonymen qatar, olardan 5 maýsym kúni «Pallada» dúkeninen tonalǵan 2 qarý tárkilendi. Bul týraly respýblıkalyq antıterrorlyq ortalyq ókilderi habarlady.
Aıta keteıik, jaraqat alǵan qylmyskerdiń bireýi qazir aýrýhanada jatyr. Quryqtaý operasııasy túnde júrgizilgen. Qashyp júrgen lańkester oblys ortalyǵyndaǵy Jamanqulov kóshesinde ornalasqan jataqhanada qolǵa túsken. Turǵyndar aldyn ala qaýipsiz jerge shyǵaryldy. Abyroı bolǵanda, eshkim zardap shekken joq. Ulttyq qaýipsizdik komıteti saıtynyń habarlaýynsha, qazir tergeý amaldary júrgizilip jatyr.
Talǵat Raıymbek.
Derek, foto: 24.kz.