Akter, telejúrgizýshi ári ánshi Alekseı Daıneko qaıtys boldy. Onyń neden qaıtys bolǵany ázirge belgisiz. Bul habardy akterdiń jary Elena Logaskaıa facebook áleýmettik jelisindegi jeke paraqshasynda habarlady.
«Búgin Alesha jaryq dúnıemen qosh aıtysty. Mundaı jaǵdaıdyń oryn alǵanyna sene almaı otyrmyn, sengim de kelmeıdi», – dedi Elena Logaskaıa.
Alekseı Daıneko 1970 jyly 5 maýsymda týǵan. 2006 jyly rejısser ári prodıýser retinde «Ýlybaıas vechnostı vselennoı» atty fılm túsirgen.
Ol otyzǵa jýyq kınoǵa túsken. «Lavrovoıdyń ádis-tásili-2» («Metod Lavrovoı-2»), «...sekýndqa deıin» («Sekýnda do...), «Karpov», «Imperııa soqqynyń aldynda» («Imperııa pod ýdarom»), «Ekinshi soqqy» («Vtoroı ýboınyı»), «Alysqa qatynaıtyn júrgizýshi-3» («Dalnoboıshıkı-3»), «Marqum ne aıtyp ketti» («Chto skazal pokoınık») sekildi serıaldarǵa túsken.
Aıan Ábdýálı.
Derek: «Interfaks».
Foto: utro.ru.