Japonııada meteorologtar sońǵy 30 jyldyń ishinde alǵash ret taıfýn daýylyn ushaqtan baqylaıtyn bolady. Bul is olardyń joıqyn sıklondardyń júrý aımaǵyn naqty anyqtaýyna múmkindik beredi.
NHK telearnasynyń habarlaýynsha, qazirgi tańda ǵalymdar taıfýndy spýtnıktiń kómegimen baqylap otyr. Osynyń arqasynda mamandar jeldiń jyldamdyǵyn, onyń ishindegi atmosferalyq qysymyn, sıklonnyń júrý aımaǵyn jáne kúshin anyqtaı alady. Alaıda, tehnologııanyń damyǵanyna qaramastan, joıqyn taıfýn jaıly naqty aqparat berý aıtarlyqtaı qıyndyq týdyrady.
Osy máseleni sheshý úshin birqatar mamandar 2017 jyldan bastap arnaıy ushaqtyń bortynan monıtorıng júrgizetin bolady. Japonııada mundaı is sońǵy ret 1980 jyly AQSh áskerıleriniń kómegimen júrgizilipti.
Aldyn ala málimetter boıynsha taıfýn daýylyn baqylaý kezinde mamandar mingen ushaq múmkin bolǵan qashyqtyqqa deıin jaqyndaıdy. Osydan keıin sıklon júrip jatqan jerge arnaıy radıozond qurylǵysy tastalady. Ol surapyl jeldiń júretin aımaǵyn, kúshin, qysymyn tolyǵymen anyqtap beredi.
Aıan Ábdýálı.
Derek, foto: RIA «Novostı».