Búgin Qaraǵandy oblysyna qarasty «Spassk» oqý-jattyǵý ortalyǵynda «Aıbyn» ekinshi respýblıkalyq áskerı-patrıottyq jastar jıyny bastalady. Oǵan áskerı-patrıottyq klýbtardyń, respýblıkalyq (oblystyq) mektep-ınternattardyń tárbıelenýshileri, joǵary oqý oryndaryndaǵy áskerı kafedralardyń stýdentteri qatysady.
Bıylǵy jyly osy is-sharaǵa alǵash ret joǵary oqý oryndarynyń áskerı kafedralarynan 52 qyz bala qatysady. Qazaqstannyń barlyq aımaǵynan sharaǵa 800-den asa adam qatysady dep josparlanyp otyr.
Atalǵan jıyn barysynda áskerı-qoldanbaly sport túri jáne jaýyngerlik daıarlyq, áskerılendirilgen oıyndar, sondaı-aq, ıntellektýaldyq baıqaýlar men basqa da jarystar ótedi.
Bıylǵy jyly áskerı-patrıottyq jıynnyń baǵdarlamasyna jańa ózgerister engizildi. О́tken jylmen salystyrǵanda, áskerı-sport túri boıynsha jarystar sany eki esege azaıdy. Sondaı-aq, jas býynnyń zııatkerlik jáne ıntellektýaldyq qabiletine erekshe nazar aýdarylatyn bolady.
Sonymen qatar, qatysýshylar ózderiniń dene mashyqtaryn 100% kórsetýi qajet. Áskerı-patrıottyq jıynda «Meniń robotym» baıqaýy boıynsha ár top robot úlgileri men robottalǵan júıeniń úlgilerin, sondaı-aq, ushý apparattarynyń jobalaryn kórsetedi. «Aıbyn» jıynyna qatysýshylar elimizdegi tanymal tulǵalarmen tanysa otyryp, elimizdiń qalyptasýy týraly qysqa metrajdy fılmder festıvalinde óz talanattaryn kórsete alady.
Budan ózge, kórsetilim sabaqtarynda qarý-jaraq, áskerı tehnıka men jabdyqtar, «Arlan», «Nomad» brondy transporterleri, komandalyq-shtabtyq mashınalardyń jańa úlgileri kórsetiledi.
«Egemen-aqparat»