Kári túbektegi «Bolashaq» memleketaralyq túıisý stansasynda ótken jylmen salystyrǵanda júk tasymaly artypty. Bul jóninde stansanyń bastyǵy Jaras Jolaev aıtty.
Mamannyń sózine ılansaq, bıylǵy jyly shekaralyq stansadan Iran, Aýǵanstan baǵdaryna astyq ónimderin kóbirek ótkizý baıqalady. «Bıylǵy jylǵy bes aıda Iran men Aýǵanstanǵa Bolashaq shekaralyq ótkeli arqyly 74 myń tonna astyq ónimderi ótkizildi. Bul ótken jyldyń sáıkes kezeńimen salystyrǵanda aıtarlyqtaı kóp», dedi J.Jolaev.
Iran Qazaqstan astyǵyn tutynatyn eń úlken elderdiń qatarynda. Búgingi tańda, «Azyq-túlik korporasııasy» saýda naryǵy qurylymynyń 60 paıyzyn eksporttyq júkter alady. Munyń ishinde astyqty syrtqa shyǵarý deńgeıi joǵary. Buǵan Kaspıı teńizi jaǵalaýyndaǵy Aqtaý porty men Ámirabad portyndaǵy jekemenshik astyq termınaldary sapaly qyzmet kórsetýde.
Oǵan qosa, Iranǵa eksportqa taýar shyǵarý teńiz joldaryna balamaly negizde Qazaqstan – Túrikmenstan – Iran temirjol telimimen de tasymaldanýda.
Nurbaı ELMURATOV,
«Egemen Qazaqstan»