О́zge ult ókilderi qazaq tilin úırenýde

«Qazhrom» TUK» AQ fılıaly – Aqtóbe ferroqorytpa zaýytynyń 95 tyńdaýshysy memlekettik tildi úırenýdiń 2015-2016 jyldarǵy oqý baǵdarlamasy aıasynda qarapaıym jáne bazalyq deńgeı boıynsha emtıhan tapsyrdy. Onyń 30-y óte jaqsy, 40 tyńdaýshy jaqsy, 25-i qanaǵattanarlyq degen baǵaǵa ıe boldy. Memlekettik tildi qyzmet­ker­lerge, jeke tulǵalarǵa deń­geılep oqytý baǵdarlama­sy Bilim jáne ǵylym mı­nıstrliginiń «Ulttyq testileý ortalyǵy» respýblıka­lyq memlekettik qazynalyq kásip­ornynyń engizgen memlekettik standartyn basshylyqqa ala oty­ryp, jyl saıyn zaýytta jumys isteı júrip, til úırený kýrstarynan bilim alyp júrgen ózge ult ókilderi oqý jylynyń sońyn­da tildi qanshalyqty meń­ger­­genin saraptaıtyn emtıhan tap­­syrady. Bıyl da 2015-2016 jyldarǵy oqý baǵdarlama­sy aıasynda dáris alǵan 95 jumys­ker eki kún ara­lyǵyn­da synaq tapsyrdy. – Tyńdaýshylarǵa oqý baǵ­dar­la­masy negizinde qara­paıym – 100, bazalyq – 110, orta – 110, ortadan joǵary – 100, joǵary deńgeı boıynsha 100 saǵat dáris oqytyldy. Oqý jylynyń sońynda qorytyndy retinde ári kelesi deńgeıge kóshirý úshin synaq tapsyrý oıdaǵydaı ótti. Zaýyttyqtardyń tildi úırenýge degen qulshynysy, yntasy jaman emes. Árbir tyń­daýshynyń tildi qanshalyqty úırengendigin búgingi emtıhan aıqyndap berdi. Keıbir ózge ult ókilderiniń tildi jaqsy meńgergeni sonshalyq, oblys, qala, zaýyt, kompanııa kóleminde ótken túrli is-sharalarǵa belsene qatysyp, júldeli oryndar­dan kórinip, kásiporynnyń namy­syn qorǵap júr. Olardyń qataryn­da Rýslan Gasaev, Polına Ov­sıen­ko, Rýslan Klıýmov, Anna Feskovanyń esimderin maq­tanyshpen ataýǵa bolady. Qazirgi tańda jumysshylar­dan jańa toptarǵa ótinish­ter qabyldanýda. Kelesi jańa oqý jylynda til úı­ren­ýshiler­diń qatary artatyn bola­dy, – dep atap ótti is júrgizý jáne memlekettik tildi damytý bóli­miniń ádiskeri Gúlbaný Bekenbaeva. – Meni metallýrgterdiń til­di úırenýge degen yqylasy­nyń zor ekendigi, sondaı-aq kásiporynda olar­dyń tildi jetik meńgerýine bar­lyq jaǵdaı jasal­ǵandyǵy qatty qýantty. Synaqqa barlyǵy derlik úlken daıyndyqpen kelgen eken. Tipti, keıbireýleriniń esimderi ob­­­lys­tyq, qalalyq saıystardan jaq­sy tanys, – deıdi oblystyq til­derdi damytý basqarma­sy ja­nyn­daǵy tilderdi oqytý orta­ly­ǵy­nyń mamany Aqmaral Súgirbaeva. Osylaısha synaqtan súrin­begender kelesi kýrsqa kóshirildi, olar jańa oqý jylynan bas­tap kelesi deńgeı boıynsha oqý sa­baq­taryn ári qaraı jalǵastyratyn bolady. Satybaldy SÁÝIRBAI, «Egemen Qazaqstan» Aqtóbe oblysy