14 maýsym kúni túnge qaraı Ońtústik Qazaqstan oblysynyń Otyrar, Báıdibek aýdandary men Túrkistan qalasynda sekýndyna 25-30 metr jyldamdyqpen jel turyp, 300-den astam ǵımarattyń shatyryn julyp áketti.
Daýyl saldarynan elektr jelilerine de zaqym kelip, Otyrar aýdanynda ony sóndirýge týra keldi. Qazirgi ýaqytta oqıǵa ornynda arnaıy komıssııa jumys júrgizip jatyr, olar ár úıdi aralap, keltirilgen shyǵyn kólemin anyqtaýda.
Tabıǵattyń osyndaı tosyn minezinen zardap shekken aýdandardaǵy hal-ahýaldy oblys ákimi Beıbit Atamqulov ózi kórip-bilip, jaǵdaıdyń baqylaýda bolatyndyǵyn jetkizdi.
Komıssııa músheleriniń aıtýyna qaraǵanda, daýyldan zardap shekkender joq, tek úsh adam jeńil jaraqatpen medısınalyq qyzmettiń kómegine júgingen.
Baqtııar TAIJAN,
«Egemen Qazaqstan»
Ońtústik Qazaqstan oblysy