Oralda Birjan Qojaqov esimdi kásipker sal aýrýyna shaldyqqandardyń boıyn tiktep, saýyǵyp ketýine múmkindik beretin qurylǵy jasaýdy qolǵa aldy.
Ol buryn jol saqshysy bolyp qyzmet etken. Eki aıaǵyn birdeı úsitip alyp, arbaǵa tańylǵan. О́mirdiń qıyndyǵyna moıymaǵan Birjan qazirgi tańda 20 adam qyzmet etetin jıhaz sehyn basqaryp otyr.
Múmkindigi shekteýli jandarǵa arnap jasalǵan qurylǵylar óndiristik tásilmen shyǵarylyp, áleýmettik mekemelerge tegin taratylady. Aksııa barysynda birneshe ońaltý mekemesi jańa qurylǵylarǵa ıe boldy. Osyǵan baılanysty jergilikti qurylys kompanııasy quny 5,5 mıllıon teńge bolatyn arnaıy jabdyqty syıǵa tartty.
– Bul apparattar Reseı, Germanııa, Túrkııa elderinde shyǵady. Sol úshin «Qazaqstanda jasaı alamyz» degen aksııamen jasadyq. Barlyǵyn dárigerlermen keńesip baryp, iske asyryp jatyrmyz, – deıdi Birjan Qojaqov.
Temir QUSAIYN,
«Egemen Qazaqstan»