Bıylǵy jazǵy demalysta tynyǵý ortalyqtarynda 3500 temirjolshynyń balasy kanıkýldaryn qyzyqty ótkizetin bolypty.
Olardyń ata-analary joldamany jyldaǵy dástúrge saı tek qana on paıyzyn tólep, jeńildikpen alady. Qarjynyń qalǵan bóligi «QTJ» UK» AQ áleýmettik bıýdjeti esebinen jabylady. Bul jeńildik temirjolshylardyń 7-i men 13 jas aralyǵyndaǵy balalaryna arnalǵan. Balalar jazǵy kanıkýlda barlyq óńirlerdegi demalys ortalyqtarynda tynyǵa alady. Onda tynyǵyp qana qoımaı, túrli mádenı jáne sporttyq sharalarǵa qatysady.
Ulttyq kompanııa jazǵy demalystaǵy balalardyń qaýipsizdigine de qatty kóńil bóledi. Oǵan qosa demalys ortalyqtaryna alyp baratyn avtobýstarmen jáne medısınalyq qyzmet túrlerimen de qamtylady. Balalardy túrli oqıǵalardan saqtandyrý júıesi de jumys isteıtin bolady. Al bos ýaqyttaryn tıimdi ótkizýi úshin tanymdyq, temirjol termınologııasy qamtylǵan gazet-jýrnaldarmen tanysady. Sóıtip, kólikterdegi qaýipsizdik erejeleri de túsindiriledi.
Nurbaı ELMURATOV,
«Egemen Qazaqstan»