2016 jylǵy 6 maýsym, Astana, Úkimet Úıi
«Respýblıkalyq mańyzy bar qalanyń, astananyń jergilikti atqarýshy organynyń ishki naryqta aınalysqa jiberý úshin baǵaly qaǵazdar shyǵarý erejesin bekitý týraly» Qazaqstan Respýblıkasy Úkimetiniń 2009 jylǵy 2 qazandaǵy № 1520 qaýlysyna ózgerister men tolyqtyrýlar engizý týraly
Qazaqstan Respýblıkasynyń Úkimeti qaýly etedi:
1. «Respýblıkalyq mańyzy bar qalanyń, astananyń jergilikti atqarýshy organynyń ishki naryqta aınalysqa jiberý úshin baǵaly qaǵazdar shyǵarý erejesin bekitý týraly» Qazaqstan Respýblıkasy Úkimetiniń 2009 jylǵy 2 qazandaǵy №1520 qaýlysyna (Qazaqstan Respýblıkasynyń PÚAJ-y, 2009 j., №41, 399-qujat) mynadaı ózgerister men tolyqtyrýlar engizilsin: taqyryby mynadaı redaksııada jazylsyn:
«Oblystyń, respýblıkalyq mańyzy bar qalanyń, astananyń jergilikti atqarýshy organynyń ishki naryqta aınalysqa jiberý úshin baǵaly qaǵazdar shyǵarý qaǵıdalaryn bekitý týraly»;
1-tarmaq mynadaı redaksııada jazylsyn:
«1. Qosa berilip otyrǵan Oblystyń, respýblıkalyq mańyzy bar qalanyń, astananyń jergilikti atqarýshy organynyń ishki naryqta aınalysqa jiberý úshin baǵaly qaǵazdar shyǵarý qaǵıdalary bekitilsin.»;
kórsetilgen qaýlymen bekitilgen Respýblıkalyq mańyzy bar qalanyń, astananyń jergilikti atqarýshy organynyń ishki naryqta aınalysqa jiberý úshin baǵaly qaǵazdar shyǵarý erejesinde:
taqyryby mynadaı redaksııada jazylsyn:
«Oblystyń, respýblıkalyq mańyzy bar qalanyń, astananyń jergilikti atqarýshy organynyń ishki naryqta aınalysqa jiberý úshin baǵaly qaǵazdar shyǵarý qaǵıdalary»;
1-tarmaq mynadaı redaksııada jazylsyn:
«1. Osy Oblystyń, respýblıkalyq mańyzy bar qalanyń, astananyń jergilikti atqarýshy organynyń ishki naryqta aınalysqa jiberý úshin baǵaly qaǵazdar shyǵarý qaǵıdalary (budan ári – Qaǵıdalar) 2008 jylǵy 4 jeltoqsandaǵy Qazaqstan Respýblıkasynyń Bıýdjet kodeksine jáne «Baǵaly qaǵazdar naryǵy týraly» 2003 jylǵy 2 shildedegi Qazaqstan Respýblıkasynyń Zańyna sáıkes ázirlendi jáne Qazaqstan Respýblıkasynyń aýmaǵynda oblystardyń, respýblıkalyq mańyzy bar qalanyń, astananyń jergilikti atqarýshy organdarynyń memlekettik baǵaly qaǵazdar shyǵarý, ornalastyrý, aınalysqa qosý, olarǵa qyzmet kórsetý jáne óteý tártibin anyqtaıdy.»;
2-tarmaq mynadaı redaksııada jazylsyn:
«2. Osy Qaǵıdalarda mynadaı uǵymdar paıdalanylady:»;
2-tarmaqta:
1) tarmaqsha mynadaı redaksııada jazylsyn:
«1) emıtent – oblystyń, respýblıkalyq mańyzy bar qalanyń, astananyń jergilikti atqarýshy organy.
Bul rette oblystyń jergilikti atqarýshy organdary memlekettik jáne úkimettik baǵdarlamalardy iske asyrý sheńberinde turǵyn úı qurylysyn qarjylandyrý úshin ishki naryqta aınalysqa jiberý úshin oblystardyń jergilikti atqarýshy organdary shyǵaratyn memlekettik baǵaly qaǵazdarynyń ǵana emıtenti bola alady;»;
3) tarmaqsha mynadaı redaksııada jazylsyn:
«3) baǵaly qaǵazdar – oblystyń, respýblıkalyq mańyzy bar qalanyń, astananyń jergilikti atqarýshy organdary emıssııalaıtyn memlekettik emıssııalyq baǵaly qaǵazdar;»;
8-tarmaq mynadaı redaksııada jazylsyn:
«8. Respýblıkalyq mańyzy bar qalanyń, astananyń, oblystyń jergilikti atqarýshy organdarynyń baǵaly qaǵazdar shyǵarýynyń sharttaryn, kólemin jáne nysanaly maqsatyn bıýdjetti atqarý jónindegi ortalyq ýákiletti organ aıqyndaıdy.
Bul rette jergilikti atqarýshy organdardyń memlekettik qaryz alýynyń jıyntyq kólemi tıisti jergilikti atqarýshy organ boryshynyń belgilengen lımıtinen aspaýy tıis.»;
20-tarmaq mynadaı mazmundaǵy 5) tarmaqshamen tolyqtyrylsyn:
«5) memlekettik jáne úkimettik baǵdarlamalardy iske asyrý sheńberinde turǵyn úı qurylysyn qarjylandyrý úshin ishki naryqta aınalysqa jiberý úshin oblystardyń, respýblıkalyq mańyzy bar qalanyń, astananyń jergilikti atqarýshy organdary shyǵaratyn memlekettik baǵaly qaǵazdar (budan ári – turǵyn úı qurylysyn qarjylandyrý úshin memlekettik baǵaly qaǵazdar).»;
21 jáne 22-tarmaqtar mynadaı redaksııada jazylsyn:
«21. Orta merzimdi, uzaq merzimdi, orta merzimdi ındekstelgen, uzaq merzimdi ındekstelgen baǵaly qaǵazdar jáne turǵyn úı qurylysyn qarjylandyrý úshin memlekettik baǵaly qaǵazdar kýpondyq emıssııalyq baǵaly qaǵazdar bolyp tabylady, olardyń ataýly quny bir myń teńgeni quraıdy.
22. Orta merzimdi, uzaq merzimdi, orta merzimdi ındekstelgen, uzaq merzimdi ındekstelgen baǵaly qaǵazdar jáne turǵyn úı qurylysyn qarjylandyrý úshin memlekettik baǵaly qaǵazdar boıynsha kýpon somasyn esepteý úshin eseptik baza – esepti aıda otyz kún, esepti jylda úsh júz alpys bes kún.»;
27, 31, 37 jáne 45-tarmaqtar mynadaı redaksııada jazylsyn:
«27. Orta merzimdi baǵaly qaǵazdar kýponynyń somasy osy Qaǵıdalarǵa qosymshanyń 1-tarmaǵyna sáıkes esepteledi.»;
«31. Uzaq merzimdi baǵaly qaǵazdar kýponynyń somasy osy Qaǵıdalarǵa qosymshanyń 2-tarmaǵyna sáıkes esepteledi.»;
«37. Orta merzimdi ındekstelgen baǵaly qaǵazdardyń ındekstelgen kýponynyń somasy osy Qaǵıdalarǵa qosymshanyń 3-tarmaǵyna sáıkes esepteledi.»;
«45. Uzaq merzimdi ındekstelgen baǵaly qaǵazdardyń ındekstelgen kýponynyń somasy osy Qaǵıdalarǵa qosymshanyń 4-tarmaǵyna sáıkes esepteledi.»;
mynadaı mazmundaǵy 2.6-bólimmen tolyqtyrylsyn:
«2.6. Memlekettik jáne úkimettik baǵdarlamalardy iske asyrý sheńberinde turǵyn úı qurylysyn qarjylandyrý úshin ishki naryqta aınalysqa jiberý úshin oblystardyń, respýblıkalyq mańyzy bar qalanyń, astananyń jergilikti atqarýshy organdary shyǵaratyn memlekettik baǵaly qaǵazdar
48. Turǵyn úı qurylysyn qarjylandyrý úshin memlekettik baǵaly qaǵazdar eki jyldyq aınalys merzimimen shyǵarylady.
49. Turǵyn úı qurylysyn qarjylandyrý úshin memlekettik baǵaly qaǵazdardy ornalastyrý jáne óteý nomınaldy qunymen júzege asyrylady, búl rette aınalys merzimi ishinde ornalastyrý kezinde aıqyndalǵan kýpon dep atalatyn syıaqy tólenedi.
50. Turǵyn úı qurylysyn qarjylandyrý úshin memlekettik baǵaly qaǵazdar boıynsha kýpon tóleý osy baǵaly qaǵazdar aınalysynyń tıisti jyly jylyna eki ret, emıtent belgilegen kúnderi júzege asyrylady.
51. Turǵyn úı qurylysyn qarjylandyrý úshin memlekettik baǵaly qaǵazdar kýponynyń somasy orta merzimdi baǵaly qaǵazdar kýpony sııaqty osy Qaǵıdalarǵa 1-qosymshaǵa sáıkes esepteledi.»;
kórsetilgen Erejege qosymshadaǵy oń jaq joǵarǵy buryshy mynadaı redaksııada jazylsyn:
«Oblystyń, respýblıkalyq mańyzy bar qalanyń, astananyń jergilikti atqarýshy organynyń ishki naryqta aınalysqa jiberý úshin baǵaly qaǵazdar shyǵarý qaǵıdalaryna qosymsha».
2. Osy qaýly qol qoıylǵan kúninen bastap qoldanysqa engiziledi jáne resmı jarııalaýǵa tıis.
Qazaqstan Respýblıkasynyń Premer-Mınıstri K.MÁSIMOV