2015 jylǵy 20 naýryz, Astana qalasy
Qazaqstan Respýblıkasynyń azamattyq avıasııa uıymdaryn azamattyq avıasııa salasyndaǵy halyqaralyq uıymdardyń avıasııalyq standarttaryn qoldanýǵa ruqsat berý qaǵıdalaryn bekitý týraly
«Qazaqstan Respýblıkasynyń áýe keńistigin paıdalaný jáne avıasııa qyzmeti týraly» 2010 jylǵy 15 shildedegi Qazaqstan Respýblıkasy Zańynyń 14-baby 1-tarmaǵynyń 41-34) tarmaqshasyna sáıkes buıyramyn:
1. Qosa berilip otyrǵan Qazaqstan Respýblıkasynyń azamattyq avıasııa uıymdaryn azamattyq avıasııa salasyndaǵy halyqaralyq uıymdardyń avıasııalyq standarttaryn qoldanýǵa ruqsat berý qaǵıdalary bekitilsin.
2. Qazaqstan Respýblıkasy Investısııalar jáne damý mınıstrliginiń Azamattyq avıasııa komıteti (B.K. Seıdahmetov):
1) osy buıryqty zańnamada belgilengen tártipte Qazaqstan Respýblıkasy Ádilet mınıstrliginde memlekettik tirkeýdi;
2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde merzimdi baspa basylymdarynda jáne «Ádilet» aqparattyq-quqyqtyq júıesine resmı jarııalaýǵa onyń kóshirmelerin jiberýdi;
3) osy buıryqty Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ıntranet-portalynda ornalastyrýdy;
4) osy buıryq Qazaqstan Respýblıkasy Ádilet ınıstrliginde memlekettik tirkegennen keıin on jumys kúni ishinde osy buıryqtyń 2-tarmaǵyn 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi Qazaqstan Respýblıkasy Investısııalar jáne damý mınıstrliginiń Zań departamentine usynýdy qamtamasyz etsin.
3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Investısııalar jáne damý vıse-mınıstrine júktelsin.
4. Osy buıryq onyń alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkanyń Investısııalar jáne damý mınıstri Á.ISEKEShEV
Qazaqstan Respýblıkasy Investısııalar jáne damý mınıstrliginiń
2015 jylǵy 20 naýryzdaǵy №306 buıryǵymen bekitilgen
Qazaqstan Respýblıkasynyń azamattyq avıasııa uıymdaryn azamattyq avıasııa salasyndaǵy halyqaralyq uıymdardyń avıasııalyq standarttaryn qoldanýǵa ruqsat berý qaǵıdalary
1. Jalpy erejeler
1. Osy Qazaqstan Respýblıkasynyń azamattyq avıasııa uıymdaryn azamattyq avıasııa salasyndaǵy halyqaralyq uıymdardyń avıasııalyq standarttaryn qoldanýǵa ruqsat berý qaǵıdalary (budan ári – Qaǵıdalar) «Qazaqstan Respýblıkasynyń áýe keńistigin paıdalaný jáne avıasııa qyzmeti týraly» 2010 jylǵy 15 shildedegi Qazaqstan Respýblıkasynyń Zańyna sáıkes ázirlendi jáne Qazaqstan Respýblıkasynyń azamattyq avıasııa uıymdaryn azamattyq avıasııa salasyndaǵy halyqaralyq uıymdardyń avıasııalyq standarttaryn qoldanýǵa ruqsat berý tártibin aıqyndaıdy.
2. Osy Qaǵıdalar memlekettik jáne eksperımenttik avıasııanyń áýe kemelerine qoldanylmaıdy.
3. Qazaqstan Respýblıkasynyń aýmaǵynda azamattyq avıasııa salasyndaǵy ýákiletti organ (budan ári – ýákiletti organ) aıqyndaıtyn azamattyq avıasııa salasyndaǵy halyqaralyq uıymdardyń avıasııalyq standarttary qoldanylady.
Azamattyq avıasııa uıymy málimdegen azamattyq avıasııa salasyndaǵy halyqaralyq uıymnyń avıasııalyq standarty málimdelgen avıasııalyq standart bolyp tabylady.
2. Qazaqstan Respýblıkasynyń azamattyq avıasııa uıymdaryn azamattyq avıasııa salasyndaǵy halyqaralyq uıymdardyń avıasııalyq standarttaryn qoldanýǵa ruqsat berý tártibi
4. Málimdelgen avıasııalyq standarttardy qoldanýǵa ruqsat berý úshin azamattyq avıasııa uıymdary (budan ári – ótinish berýshi) ýákiletti organǵa erkin nysandaǵy ótinish jiberedi.
О́tinishke mynadaı qujattar:
1) azamattyq áýe kemelerin paıdalanýshy sertıfıkatynyń kóshirmesi (ushýdy oryndaý nemese avıasııalyq jumystardy oryndaý quqyǵyna arnalǵan kýálik) nemese azamattyq avıasııa tehnıkasyna tehnıkalyq qyzmet kórsetý jáne ony jóndeý jónindegi uıym sertıfıkatynyń kóshirmesi;
2) málimdelgen avıasııalyq standarttar qoldanylatyn jáne ushý jaramdylyǵynyń ustalýyn baqylaýdy qamtamasyz etetin memlekette tirkelgen áýe kemelerin paıdalaný jónindegi (azamattyq áýe kemelerin paıdalanýshy bolyp tabylatyn ótinish berýshi úshin) qujattar kóshirmeleri;
3) málimdelgen avıasııalyq standarttarǵa jaýap beretin uıymdyq qurylym sıpattamasynyń kóshirmesi;
4) halyqaralyq táýelsiz aýdıtorlyq uıym júrgizgen málimdelgen avıasııalyq standarttardy qoldanýdyń sáıkestigine aýdıtti baǵalaý nátıjeleriniń kóshirmeleri;
5) málimdelgen avıasııalyq standarttardyń talaptaryna sáıkes áýe kemeleriniń ushý jaramdylyǵyn ustaý jáne/nemese tehnıkalyq qyzmet kórsetýdi oryndaý jónindegi qujattardyń kóshirmeleri;
6) mynalar:
ushýdy júrgizý;
ushý jaramdylyǵyn, tehnıkalyq jaı-kúıi men jabdyqty ınspeksııalaýdy (baqylaýdy) da kózdeıtin paıdalanýshynyń áýe kemelerine tehnıkalyq qyzmet kórsetýdi uıymdastyrý jáne avıasııalyq tehnıkasyn jóndeý rásimderi;
málimdelgen avıasııalyq standarttarǵa sáıkes avıasııalyq personaldyń daıyndyǵyn júrgizý jónindegi nusqaýlyq;
7) ushý qaýipsizdigin basqarý júıesi jónindegi qujattardyń kóshirmeleri;
8) sapany baqylaý júıesi jónindegi qujattardyń kóshirmeleri qosa beriledi.
Joǵaryda kórsetilgen qujattardyń barlyq kóshirmeleri ótinish berýshiniń qolymen jáne mórimen kýálandyrylady.
5. Málimdelgen avıasııalyq standarttardy qoldanýǵa ruqsat berý úshin negiz ýákiletti organnyń kúntizbelik otyz kúnnen aspaıtyn merzimde qabyldanatyn sheshimi bolyp tabylady.
6. Sheshim oń bolǵan jaǵdaıda, ýákiletti organ ótinish berýshini jaramdylyq ýaqyty boıynsha shektelmeıtin málimdelgen avıasııalyq standarttardy qoldanýǵa ruqsat berý týraly jazbasha habardar etedi.
7. Eger:
1) ótinish berýshi usynǵan qujattar osy Qaǵıdalardyń 4-tarmaǵynyń talaptaryna sáıkes kelmegen;
2) ótinish berýshi kórsetetin qyzmetter (jumys túrleri) avıasııalyq standarttardy qoldanýǵa málimdelgen talaptarǵa sáıkes kelmegen jaǵdaılarda ruqsat berýden bas tartylady.
8. Málimdelgen avıasııalyq standarttardy qoldanýǵa ruqsat berýden bas
tartylǵan kezde ótinish berýshige bas tartý sebepterin kórsete otyryp, jazbasha túrde dáleldi jaýap beriledi.
Buıryq Qazaqstan Respýblıkasynyń Ádilet mınıstrliginde 2015 jylǵy 28 sáýirde Normatıvtik quqyqtyq kesimderdi memlekettik tirkeýdiń tizilimine №10823 bolyp engizildi.