2015 jylǵy 19 maýsym, Astana qalasy
«Jer ústi kózderiniń sý resýrstaryn paıdalanǵany úshin tólemaqyny esepteý ádistemesin bekitý týraly» Qazaqstan Respýblıkasy Aýyl sharýashylyǵy mınıstriniń mindetin atqarýshynyń 2009 jylǵy 14 sáýirdegi № 223 buıryǵyna ózgeris engizý týraly
«Salyq jáne bıýdjetke tólenetin basqa da mindetti tólemder týraly» (Salyq kodeksi) 2008 jylǵy 10 jeltoqsandaǵy Qazaqstan Respýblıkasy Kodeksiniń 485 jáne 486-baptaryna sáıkes keltirý maqsatynda 2003 jylǵy 9 shildedegi Qazaqstan Respýblıkasy Sý kodeksiniń 37-baby 1-tarmaǵynyń 7-1) tarmaqshasyn basshylyqqa alyp, buıyramyn:
1. «Jer ústi kózderiniń sý resýrstaryn paıdalanǵany úshin tólemaqany esepteý ádistemesin bekitý týraly» Qazaqstan Respýblıkasy Aýyl sharýashylyǵy mınıstriniń mindetin atqarýshynyń 2009 jylǵy 14 sáýirdegi № 223 buıryǵyna (Normatıvtik quqyqtyq aktilerdi memlekettik tirkeý tiziliminde № 5675 bolyp tirkelgen, 2009 jylǵy 29 mamyrdaǵy № 80 (1677) «Iýrıdıcheskaıa gazeta» gazetinde jarııalanǵan), kelesi ózgerister engizilsin:
kórsetilgen buıryqpen bekitilgen Jer ústi kózderiniń sý resýrstaryn paıdalanǵany úshin tólemaqyny esepteý ádistemesiniń qosymshasyndaǵy 6-baǵan alynyp tastalsyn.
2. Qazaqstan Respýblıkasy Aýyl sharýashylyǵy mınıstrliginiń Sý resýrstary komıteti Qazaqstan Respýblıkasy Aýyl sharýashylyǵy mınıstrliginiń Sý jáne bıologııalyq resýrstar departamentimen birlesip zańnamada belgilengen tártippen:
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryq memlekettik tirkelgennen keıin kúntizbelik on kún ishinde onyń merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberilýin;
3) osy buıryqtyń Qazaqstan Respýblıkasy Aýyl sharýashylyǵy mınıstrliginiń ınternet-resýrsynda ornalastyrylýyn qamtamasyz etsin.
3. Osy buıryqtyń oryndalýyn baqylaý jetekshilik etetin Qazaqstan Respýblıkasy Aýyl sharýashylyǵy vıse-mınıstrine júktelsin.
4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Aýyl sharýashylyǵy mınıstri A.MAMYTBEKOV
Buıryq Qazaqstan Respýblıkasynyń Ádilet mınıstrliginde 2015 jylǵy 22 shildede Normatıvtik quqyqtyq kesimderdi memlekettik tirkeýdiń tizilimine №11719 bolyp engizildi.